قال اللذي مايسمع القال والقيل = دنياك معكوسة تحب البلاهه
دنياي هذي يالرجال المشاكيل = مثل العجاج اللي يعقًب نفاهه
المر حالي والحلا مر بالحيل = اسمع علومي لاتجي فيك عاهه
حلو التجارب عقبًت لي غرابيل = ومر التجارب عقًبت لي الرفاهه
وسود الليالي علًمتني الرجاجيل = وبيض الليالي علًمتني التفاهه
واللي نقدني زاد جنْي المحاصيل = واللي مدحني ماعطاني انتباهه
فيها الغني يتعب ويذوق التهاويل = كل مابغى يرتاح طاح بمتاهه
وشفت الضعيًف راس ماله مواويل = اتعلًم الحسًاد درب النًزاهه
لاتتعب الاقدام والموت مايحيل = ولاتنتظر موتك وتجلس تباهه
الشين زين وحلًل البيت تحليل = والزين مثل الشين ياهل النبًاهه