البارحه سرّيت ليلي تفاكير=اشرب من الفنجال واهد فكري
همن سرابي فالدروب المساعير=طيرعليّ النوم .. يا نوم بدري
حالي زهيده شتتها المقادير=ما فاد فيها كثر جلدي وصبري
ووقتي عصيبن ما يعرف المعاذير=ليته عذرني يوم قدمت عذري
امشي ورجلي ما تعد المشاوير=ما احسب حساب البعد في درب فقري
متوكلن بالله رب المكاسير=ربي رحيمن ما تركني فكسري
الرازق اللي سد جوع العصافير=امقسم الارزاق برّن وبحري
ادعيه دايم واطلبه بالتياسير=يكتبلي التيسير من بعد عسري
ويا الله على صبحن يجيب التباشير=يطرد شبوح الهم والليل يسري