مروتخطى ولاكن العرب حوله=ويلخص بعينه ولاادري وش على باله
ماكنه الاياتركي ريس الدوله=وصاحبك من عقب قفى حالته حاله
مافيه داعي وكثر الهرج وش هوله=مدري علىوين محرافه ومدهاله
ومجهولن اسمه وعنوانه ومحموله=ولاالله ومرننشده عن رقم جواله
والنفس من شوفت المجمول معلوله=اللي تركني صويب وراح في حاله
وماكل عقده يابن حمدان محلوله=والعبدماله ياغير اللي تهاياله

ابيات جتني على الجوال منقوله=ابيات جزله وجتني برابط رساله
من صاحبٍ له مكانه واحترم قوله=جابروريث الكرم من عمه وخاله
يشكي غرام(ن)حصل من شوف مجموله=مرت تخطى وهومن قبلها داله
اقفت وخلت بجوفه نارمشعوله=وراح الجمل شايل(ن)حمله وجمّاله
لك باتحرى واباخذ بالعرب جوله=ياعل نلقى دليل(ن)يم منزاله
وصعب الامرلاعرفنا صاربسهوله=عهد(ن)عليّ يارفقي لاتعنّاله
واشرحله الوضع كله عرضه وطوله=ان.حنّ.ولأخفوقك جوّداقفاله
وياصاحبي لوكل مانشوفه نطوله=ماشفت هذا سعيد وذاك يرثاله