|
احقاق حق .... والحر مايرضى الفعول الرديه
اتصل بي احد الاصدقاء يخبرني بموضوع بمنتديات الهيلا وقصيدة نشرت هنا باسم شاعرنا الكبير سعد المحمدي ووجدناها قد زورت هناك ووجهت ضد مؤرخ القبيلة والباحث المنصف الدكتور / فائز بن موسى البدراني
طبعا المزور والمنتحل هو انسان مريض اصيب بمرض مزمن اسمه الحسد والحقد وانعدام الحميه والمرؤه فاصبح يلهث هنا وهناك ويزور الاختام وينتحل الشخصيات ولاهم له الا محاولة النيل من مؤرخنا ومن قبيلتنا فكتبت هذه القصيده لمعالجة بعض الامور هناك والحمدالله فقد لاحظت اغلاق المواضيع وان شاءالله يتم حذفها وايقاف ذلك المتسمي والمنتسب لغير ابيه وقبيلته والجهود كانت متضافره مع عدد من الاخوان وفي الحقيقه حتى الردود على مواضيعه كانت ردود منصفه و عقلانيه جدا من قبل الاداريين والاعضاء بمنتديات الهيلا وفقهم الله وجزاهم الله خير الجزاء واليكم القصيده مع التحيه والتقدير:
ماهل هتان السحاب المراديم = لعتيبه الهيلا سلام وتحيه تحيةٍ عند النشاما المقاديم = ابدا بها خط الحروف الزكيه ومن بعدها لي وعليكم ملازيم = ياهل الوفاء والطيب والشاذليه احقاق حق ونرفض الظلم والضيم= والحر مايرضى الفعول الرديه ومن عال يالطامته شفته مقيم = معكم وهو عايل وهذي قضيه امزورٍ محتال وبالراس تنسيم = ياكيف يالقى عندكم قابليه وانتم هل الوقفات سقم المحاديم = اهل الكفوف الطايلات النديه تكفون نبغى وقفةٍ تبعد الهيم = عنا وعنكم يارجال الحميه واختامها ماهل هتانٍ مديم = لعتيبه الهيلا سلام وتحيه |
الشاعر القدير
محمد عبد الله البدراني صح لسانك وعتلا شانك البرقااااااااااااااوي// ؟بقر/ ماعين خير الربع تصدوله في موقع الهيلا وعتيبه تدرك انه ليسى عتيبي يتسمى في أسماء كثيره لكن مكشوف مع صديق المذموم والشله اللي تعمل لحسابهم بالاكراه |
تكفون نبغى وقفتن تبعد الهيم
والهيم هنا بمعنى الداب الاسود صح لسانك يالبدراني |
¨°o.O ( استاذ من يومك يابوعبدالله) O.o°¨
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لسانك على هالقصيده القيمه الهادفه وليست غريبه من شاعر بحجمك
بانتظار المزيد من ابداعاتك المتواصله تحيتي |
صح لسانك والله يبيض وجهك يابوعبدالله
ابدعت بهاالقصيده الهادفه والابداع من محمد البدراني ماهوغريب .....الله لايهينك يابوعبدالله |
اخي محمد البدراني ..تحياتي وصح لسانك ..انت كفو الموقف الطيب ..وحرب وعتيبه وكل القبايل والحمايل الاصيله يمقتون الكذب ويستنكرون الخطيه ..لذلك لن يجد مثل هذا له محل ينفث سمومه منه ....وشكرا على هذا المنطق والعقل بقصيدتك ..انها رجل تام ذو وجاهه ووجه ..
|
ماهي غريبة عليك الحميه بيض الله وجهك
صــح لســانك ولاهنت يالجـزل دمــت بخير |
اقتباس:
وماقصروا الهيلا بيض الله وجيههم تم اغلاق مواضيعه وحذف اساءاته للقبيله والفضل لله سبحانه ثم بوقفة الرجال النبلاء امثالك ودورك هناك لايخفى بيض الله وجهك وبيض الله وجيه العقلاء والمنصفين من رجال الطيب هل المواقف المشرفه من الهيلا الف شكر لمرورك وتعليقك ولاعدمتك ايه النقي تحيتي وتقديري |
اقتباس:
اما عن الهيم فليس معناها كما تفضلت ولكن الهيم جمع هيم بالهجه العاميه وهو الكاذب الممقوت الذي تعود على الكذب وبالفصحى : يقال: رجل هيمان، وهائم: شديد العطش، وهام على وجهه: ذهب، وجمعه: هيم، قال تعالى: (فشاربون شرب الهيم( [الواقعة/55] والهيام: داء يأخذ الإبل من العطش. يقال حتى تأكل التراب وليس لها علاج الا الذبح شكرا لمرورك الكريم تحيتي وتقديري |
الساعة الآن 05:26 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir