بديت بأسم اللي مقسم للارزاق=اللي مكون ساير الكون كله
خالق خضع له كل خلقه بالاعناق=واللي هدا قلبه على الخير دله
عزالله ان القلب بالحيل منعاق=كنه على جمر الوقيده تمله
ماقولها وجهه ولاني بزلاق=الله عليم بدق علمي وجله
لا والله الا محترق كله أحراق=والهم مستوطن وعيا يزله
على الخوي اللي له القلب مشتاق=قدام شوف العين حتا يدله
اللي قضا مابين رمشات الاطراق=في حادث مقدر من الله حصله
أبن عتيق اللي مثل شمس الاشراق=ياطيب ذكره كل دارن وصله
عز الخوي ودوم للطيب سباق=مذكور بالخيرات في كل حله
يوم الخبر جاني منه خاطري ضاق=علم(ن) فجعني فيه ياقدرت الله
والقلب جاه من الهواجيس دقاق=ماني مصدق فيه . ل . لله. و . ل . لله
يالله عسا قبره مساحات وافاق=ماتلحقه ضيقه ولافيه ذله
عساه للجنه ورحمات واعتاق=لاجا نهارن ماش ضلن يضله
يوم الوقوف وبعد نشفات الارياق=يالله بغفرانك على كل زله