|
ياوقت باب اقّفله ينفتح باب 0000
ياوقت لا جتني خطيه من احباب = اطعم مرارتها بروح مغصوبه وابحث لها خلف الكواليس لاسباب = ولا القى سبب مقنع ويوزم وجوبه واقول دام احباب ما احتاج لعتاب = ولا بعتبرها جاتني ومحسوبه وياوقت فيك تغيرو ليه الاقراب = وكلٍ على الثاني يصيدّ عيوبه سوو معي مالا يسويه الاجناب = وبادلتهم بالود صفو و عذوبه طيبي لهم في كل الاحوال ما طاب = والكل منهم للردا صب كوبه وإن جيت للاصحاب ياوقت مرتاب = البعض منهم ماملا كم ثوبه والبعض ذا عقرب وهذا معي داب = وهذاك حيه يخفي السم دوبه ظهرو معك ياوقت في نّو كذاب = والبعض منهم بين نوبه ونوبه واللي مكانه معتلي راس مرقاب = صاحب على الطالات هبت هبوبه الطيب لا صدأ ومعه الرجا خاب = مثل الحديد اليا لحقته رطوبه والظن في عين الرياجيل لا خاب = راعيه 0اقفوا مايلدون صوبه احدٍ يجي راكب واحد جاب رُكاب = واحدٍ مع حلومه تزايد ذنوبه ياوقت باب اقّفله ينفتح باب = وصبري بهم تشعبتبي دروبه إن جيت والا رحت للطيب كسّاب = وبنيت طوبه للوفا فوق طوبه |
الاخ الشاعر القدير بخيتان البشري
صح لسانك يابومحمد وبيض الله وجهك قصيده جزله من شاعر تعودنا منه الجزاله لاهنت يابومحمد وعسى عمرك طويل |
صح لسانك يابومحمد وبيض الله وجهك
قصيده جزله من شاعر تعودنا منه الجزاله |
إن جيت والا رحـت للطيـب كسّـاب
وبنيـت طوبـه للـوفـا فــوق طـوبـه وأنا اشهد يا سنايدي كلن يعمل بأصله يابو محمد وانت اصيل لك الله صح لسانك حتى ترضى قصيده تسوى قصايد ابداع ابداع ابداع ابداع ابداع |
¨°o.O ( ×××××××) O.o°¨
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
الاخ الشاعر القدير بخيتان البشري
صح لسانك يابومحمد وبيض الله وجهك تحياتي |
صح لسانك على الكلام الجميل
|
احسنت ياابو محمد وصح السانك ماتهون الا على نذل والاالطيبين حلياك رؤسهم بك مرفوعه صح السانك ويامال البقاء
|
حي والله هالراس كفووو يابخيتان
صح لسانك حتى ترضى تقبل مروري واحترامي |
صح الله لسانك ولاهنت وسلم فكرك وبنانك دمت برعاية الله وحفظة |
الساعة الآن 06:08 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir