خالد بن عبيـد الاحمـدي =
سـلام فبدايـة السيـره=يحمل ملامـه ومنقـودي
والقاف من زايد الحيـره=بالبدع يحتـاج مـردودي
مكتب عمل زاد تعسيـره=امزعّل الناس مايجـودي
ممنوع يعطيـك تاشيـره=قدّام لاتوضّـف سعـودي
فواز بن محسن الزويهري=
حسب القوانيـن فالديـرة=ترحيب بالعـد معـدودي
واللعب يحتـاج تمريـره=وتسجل القول وتسـودي
ولعلهـا يالفتـى خـيـره=لاسرت في درب مسدودي
ارجع ورى وامشي فغيـره=ماتضيق والرّب معبـودي
خالد بن عبيـد الاحمـدي=
لك البقى راعي ابصيـره=امتعّبـه كـل نـمـرودي
ودون الوطن عنّدنا غيره=واحنا له انصار وجنودي
بعض الاقوانين تخديـره=ضرّت حمد دون حمّـودي
والمكتب اعلـن بتدبيـره=وآضنّها سمكـرة بـودي
فواز بن محسن الزويهري=
من يعرف الشهد والشيره=يمشي على سهود ومهودي
طابور خامس نفخ كيـره=خير الوطن فيه مجحودي
ولابـد مانفـكّ تشفيـره=واتحط جهدك مع اجهودي
حتى الذي بان تقصيـره=يلقى الجزا فيه محـدودي