|
ردي على قصيدة الشاعر الكبير سعد المحمدي
المسرحيه يابو تركي امتفرجها = يضيق منها اللبيب وتزعل اقرانه الضيقه اللي عسى ربي ايفرجها = وادنى المحامل الوجه الله سبحانه وبعض العرب لو سكتنا مانهرجها = اشوى لنا لا تجي الغلطات بميانه وان كانها يمنا هبت نيارجها = واقليّل العرف ماكفّاه سفهانه اضرب على الروس في شلفاً مزارجها = مسمومةٍ وسمها من فوق حجانه ولا كبرت الروس يامكثر ترجرجها = وعلاجها تحت ماطى الرجل منهانه ومن شاف ماعاف ماوالله ايعرجها = من شاعر ٍ تعرف الشعار نيشانه كم معترك والعداء دايم مضرجها = بدميها والفعايل دوم برهانه والعشر والوتر ماغرت مخارجها = اخذت معها شهر والنفس طربانه ولاضر بنت العرب الا تبرجها = ومكاسر الطيب معها ريح ريحانه احسب حساب العوارف قبل مارجها = ومن شاف نفسه علينا اليوم حقرانه |
وهنا قصيدة شاعرنا الكبير سعد المحمدي على هذا الرابط :
http://www.m-harb.net/vb/showthread.php?t=111766 |
يارب سترك
من طول الغيبات جاب الغنايم الله الله الله الله الله الله الله عزالله ان ابو تركي اسند على شاعر اضرب على الروس في شلفاً مزارجها ___ مسمومةٍ وسمها من فـوق حجانـه |
الشاعر القدير
والاعلامي محمد عبدالله البدراني صح السانك وعتلا شانك وبيض الله وجهك على الرد الذي غير مستغرب منك يابو عبدالله لك مني جزل الشكر وتقدير لاهنت يالغالي تحياتي وتقديري |
احسـب حسـاب العـوارف قبـل مارجهـا
ومن شاف نفسه علينا اليـوم حقرانـه الله الله والله يابو عبدالله ومهما نقول انقصر اما قصيدك لكن صح لسانك واعتلا شانك وبيض الله وجهك رد وافي على قصيده وافيه . |
والـعــشــر والــوتـــر مـــاغـــرت مـخـارجــهــا اخـــذت مـعـهـا شـهــر والـنـفـس طـربـانــه ولاضـــــــر بــــنــــت الــــعــــرب الا تــبــرجــهــا ومـكـاسـر الـطـيـب مـعـهـا ريـــح ريـحـانـه احسـب حـسـاب الـعـوارف قـبـل مارجـهـا ومـن شـاف نفسـه علينـا اليـوم حقرانـه صح لسانك الشاعر محمد عبدالله البدراني |
اقتباس:
وحظورك يسرني شاعرنا الكبير وماعليك زووووووووووود يالقرم ولاخلا ولاعدم والف مليون شكر لمرورك الكريم تحيتي وتقديري لك مع اسمى ايات الشكر والامتنان رعاك الله |
اقتباس:
هلا وغلا يابو تركي وصح بدنك ولاعدمناك يالقرم وجهك ابيض يالقرم مليون مليون شكر لمرورك الكريم والمبهج وماقصيدتي الا صدى لقصيدتك الرائعه والهادفه ومثلك مساجلته فخر يابو تركي تحيتي وتقديري لك مع اسمى ايات الشكر والامتنان رعاك الله |
اجزل الشكر والثناء لكل من شرفني بمروره الكريم
ولي عوده اليكم ان شاءالله تحيتي وتقديري |
¨°o.O ( ×××××××) O.o°¨
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
الساعة الآن 02:26 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir