ملتقى قبيلة حرب الرسمي

قصيدة الشاعر عدنان حامد مسفر الغامدي1:
1

:في زمانٍ مختلف كلٌ يحسّب رايه=سيّد الاريا وهو متأخرا ومّهدي
2:عولمة يا لعن أبوها موضةٍ وهواية=افهقتنا للورا عكس الطريق المقدي
3:علموا بنت المدينة الهدف والغاية=كل منا يمسك حدوده وانا امسك حدي
4:لا تبرج في العثيم وتتجه للراية=وتلبس الجنز المقوصر واتمايل عندي
5:وتركب التكسي وتطلب رز في الشوية=ما تعرف إلا ابي هذي وروح وودي
6:علموها ما هي بشفي ولا مشهايه=وعلموها لن ولا يمكن تفوز بودي
7:ما ذبحني واتعب رجولي وهدّ خطايه=واشغل افكاري وسيل دمعتي في خدي
8:غير بنت البدو هي عشقي وزود منايه=لا تعزوت قالت ابويه وقالت جدي
9:حسنها بين العذارى نازلٍ كل آيه=جادلٍ تنظر لها شمس الضحى وتلدي
10:ولو ابين وصفها يا السادة القراية=خوفتي من فتنةٍ كبرى واكسّر يدي
11:بأختصرها يا عسى حظي معا مسعايه=إيتواردها ويارد لين تروى كبدي

بسم الله الرحمن الرحيم
((مجاراه))
هذه آبيات كتبتها مجاراة لقصيدة الشاعر عدنان بن حامد ألغامدي
أرجو أن تنال إعجابكم وإعجاب شاعرنا عدنان فهو شاعر ومن بيت شعر عريق
1:في زمان فيه خير وفيه شر غــــــوايه@
@فيه للنازل وليف وللمنيف معدي
2:عالــما فيه اختلاط الرائحة بالجـاية@
@المبادئ والسلوم بفعلهم تنهدي
3:تأخـذ من الـغرب من بـين السمين اشلايه@
@تنجرف خلف السقيم من الجزيل تصدي
4:من محاجي المغرضين تسدد الرماية@
@والـــــهدف قبل القذيفة تلحقه يمتدي
5:لا تلوم المهرة اللي تتبع المشاية@
@البلى يا صاحبــــــــــــي خيّالها المتردي
6:زول هادي يا بن حامد مثل زول هداية@
@السوائر والسلاسل والجديل يكدي
7:دامها المتسّيدة تأخـذ عليه ولايه@
@تورده وتـــصـــــدره وتحمله بالشدي
:ويش حال الزرع لا من طاحوا الحماية@
@والتخــــوم إلى غفا سباّرها المتبدي
8:الهوى جدره تضعضع واخلف البناية@
@جفت نهول القراح من الرسين العدي
9:ما بقي من وقـته الزاهر يقع ذكـــــرايه@
@باقي أطلالٍ على مرسى قطينٍ شدي
10:والشهيم اللــي تــــمنى غايــــــته بدراية@
@الله يحقـــــق مرامه بالوليف الجدي
11:والوصوف اللي على قلب الجريح وشايه@
@خلـــــها تبقى كنوز ولا تبّيح سدي
مبارك نايش علي الغامدي1/1/1433هــ