على نور القمر جينا ورحنا والعباد رقود = وقفينا ورحنا ونتهت قصة محبتنا
وقطعنا مواثيق المحبه والغلا مفقود= وهاذي تعتبر صدق المشاعر من صراحتنا
وكل(ن )راح في فاله ولاناشد ولامنشود = زرعنا الهجر حتى بالرضا ماتت صداقتنا
طوينا صفحة الماضي بعزمٍ مانباه يعود = عسى وقتٍ جمعنا ينمسح من وجه صفحتنا
عسى درب(ن) يوديها عليه بالزمن مسدود = تجرعت المراره والحراره من غشامتنا
كفى من حبنا الفايت كفى من طيشنا الملهود =شربنا كاسه اللي منه خربنا علاقتنا
لقيت الموت رابي في حشاها جوفها موجود = تزين باللباس اللي جذبنا من لقفاتنا
حلفت اني ماجاملها وسلمها قليل الفود = خبيثه والخبيثه تشتكي منها شهامتنا
عليها ثارت جيوش الغضب من دافع المنقود = وهم الحقد في قلبي وزود في عداوتنا
كرهت اوصافها لوجسمها مبري سوات العود =نزعت اللي لها عندي وغيرنا سياستنا
تموت بغيضها حتى تحصل واحد(ن )مقرود = تبين له محاسنها بعد ذاقت ملامتنا
كفاني شرها المهلك كفاني شرها المحدود =لئيمه واللئيمه ماتجي داخل ضيافتنا
يبرهن صدق ماقلته حكيمٍ يعرف المقصود = تولع في هواها وانتهى قبل نهايتنا

المشاركة الأصلية كتبت بواسطة رابح الجحدلي (المشاركة 1164693) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة المطوع (المشاركة 1164736) صح لسانك مليون على القصيده

المشاركة الأصلية كتبت بواسطة مطرح القعدان (المشاركة 1164759) صح لسانك وبيض الله وجهك على القصيدة الرائعة دمت مبدعاً ومتألقاً