ملتقى قبيلة حرب الرسمي - عندما يتمرد عليك

عندما يتمرد عليك الكمبيوتر فإنك حتماً سوف تشتاط غضباً
فكل شيىء فيه متوقف عن العمل لأن الجهاز يرفض ألأستجابة
تبقى على هذا الحال ساعات وساعات وقد تصل يوماً أو يومين
ثم تلجأ لمهندس الكمبيوتر أو ( طبيب الكمبيوترات ) .
أنا " عاند " معي كمبيوتري ولمدة يومين ، يشتغل بمزاجه وليس
بمزاجي وكأنه يقول لي : يعني أنته الحين صار لك أشهر تمشيني
على مزاجك وتنقلني من موقع لموقع وأمبهذلني ، مالي حق آخذ
راحتي بمزاجي لو يوم واحد ؟؟؟
أنا تسامحت معاه وعطيته الحرية يتصرف على مزاجه ، وقعدت أطالعه
وحاط إيدي على خدي وأقول : شسوي أمري لله .
وصلت عندي خلاص بعد ماقدر أخليه على مزاجه رحت أمعصب و " أمطفيه "
وأنا أسب وألعن الساعه اللي عرفته فيها ، ومع هذا كانت أحلى ساعه .
تم الجهاز " طافي " أكثر من ساعتين ورجعت شغلته ونفس الشي " أعنادي "
موراضي يصير رجال ، قمت وعنادته وطفيته مره ثانيه وطلعت بره ، وقلت : والله
ماراح أشغله إلا بعد أربع ساعات خله ينلطع ويموت لطع .
وبعد مانفذت قراري وأنقضت ألأربع ساعات رجعت له وشغلته ونفس الشي
ماكو أي تطور جديد .
ومضى اليوم ياثقله علي ، لا دشيت منتدى ولا مواقع ولا قريت أخبار ، بصراحه
أنتصر أهو علي وأنا أنهزمت أمام تمرد هذا الجهاز المسمى بالكمبيوتر .
:0756: :0756: :0756: :0756: