ياسلامي بردّه للصّديق امحكوره=تشبه الورد لامن بااطيّب الطيب فاحي
قوم يابن الرشودي طالبك للضّروره=بالتّفاهم حلول وبالتّناصح نصاحي
ماتعز الديار الا بناس ٍ جسوره=واعيه للمعادي ليل ولاّ صباحي
واي دوله قويّه علمها له ظهوره=فالصّناعه غناه وفالفلاحه فلاحي
شعبها لو يكافح يهتني في سروره=واكتفائه بذاته ينحسب له سلاحي
وليه مايزرع اللي واصلتنا بذوره=في ديار السّعود وفي ديار الصباحي
كل شي ٍ يورّد للبلد به خطوره=في عقيدة عدوّك كل ذنب ٍ مباحي
والحليب المجفف مايفيد البزوره=ربّما ياصحيبي فيه سم ٍ ذحاحي
والمدارس تدرس علم واضح قصوره= ماقصدت الشريعه علم فيه النجاحي
شوف علم العلوم الدنيويّه بدوره=خاب يصنع نواوي للمعادي كفاحي
جاك موجز كلامي منحكر في سطوره=مانجيب المذمّه يفهم القول صاحي

ياهلا مرحبابك عد مبان نوره=نور فجر تجلىّ لأظلم الليل زاحي
وياهلا مرحبا من قلب مبدي سروره=في خطاب الرفيق اللي يريد اقتراحي
حول موضوعه اللي عنه وضّح شعوره=اشرحه شرح وافي عقب جهد وكفاحي
وبعد شرح المعلم عبر صوت وصوره=من يعلق من الطلاب ماهو بصاحي
يلزم الصمت رجل ماطلب منه شوره=مايرد البحر لاهاج نسف المساحي
انت شاعر وشعرك دائما به خطوره=وصعب آجاريك لكن منك طالب سماحي
الله انه يعز الدار باخوان نوره=والله انه يخلي للكويت الصباحي