يالثور ثارت عليك الثورة=منت الأسد ماعلينا خافي
نسبك أعرفه وأعرف عصورة=المشلح اللي ستركم ضافي
من عقب منت نعجه مجرورة=سموك أسد مار عرقك هافي
سوالفك كلها مخبورة=أنشد وتلقى الجواب الشافي
لاتحسبنك بطل واسطورة=يامسيلمة ماجذبك سنافي
تراك ماغير صوت وصورة=منته كفو لا احتمى الميقافي
الصبح عقب يتباين نوره=مربضك فوق الفراش الدافي
من تعتزي بك مهي مسروره=لايذ ويسفي عليك السافي
تأمر على كلابك المسعورة=وتقول:لاترجعون خلافي
كلاً بسيفه وفي ساطوره=بمحارب الشعب الأعزل تافي
والشعب ثار أو وضع دستورة=تشكلت ضدك الأحلافي
وينك عن الهضبه المشهوره=كانك زعيم وشجيع وافي
لو فيك ذرة شرف مغموره=مابعتها بالرخامه صافي
يازين رأسك للعب الكورة= ف أيران تحرزبه الاهدافي
لك يوم لابد ياصل دوره=وتجر من وسط جحرك حافي
وجنودك من القهر مدحوره=مافيهم اللي تشوفه لافي
فرو فرير الضباء المذعورة=إليا أقتفها الفهد ياكافي
منته معمر على المعموره=بكره تبي تلحق القذافي