حكم السعودي دام فالعسر واللين = حكم تعلى فوق روس النوايف
مبني على تقوى وساسه من الدين = عالي مقامه عن جميع الخلايف
الصقر اسس واقتفوه الشياهين = الخط واحد في جميع الوظايف
حكامنا من سابق الوقت للحين = مامنين الدار من كل حايف
ماتهزنا ريح العواصف مريحين = لو تكبر الدعوى تعود خفايف
الراس ابو متعب حبيب الملايين = وجنحانه ال سعود ماهم طرايف
بالامس مع سلطان حنا سلاطين = واليوم مع نايف ترى الكل نايف
اختاره الحاكم وحنا مقرين = في عهد نايف مانشوف الحسايف
خذ عهدنا خذ حبنا لك مطيعين = سمعا وطاعه ماعلينا كلايف
حنا معك دايم على الدرب ماشين = فالقرب وللا في بعيد الندايف
قلته وانا حربي وذاعهدنا دين = رقابنا تحت الطلب لك عطايف
اهلا وسهلا يا كعام المعادين = يانجده المظلوم لاجاك خايف
اهلا وسهلا ياغياث المساكين = يامكرم المحتاج وان جاك ضايف
ياقاهر الارهاب والمستبدين = واهل الحسد واهل النفوس الضعايف
اخوك حبك والعرب لك محبين = انفوسنا بالحب صارت ولايف
مهما كتبنا عنك مااحنا موفين = مهما وصفنا مانطول الوصايف
وزنك كبير وفوق كل الموازين = شهم جمع كل الخصال الشرايف
الياحضرتم مجتمع فيه تقنين = القادة انتم والبقية عسايف
يالايمي فالمدح ماانتم بدارين = انظر بعينك شوف ماكنت شايف
انظر لحكامك في كل الميادين = اهل الثبات وغيرهم دوم هايف
في مدحهم والله مااحنا بغاوين = حبيتهم ولغيرهم كنت عايف
ذولا هم ال سعود للمجد ساعين = المجد غايتهم ونبذ السفايف
حكم الملوك وحكمهم له براهين = ماهي حكومه شكلت من حلايف
في مجلس يجمع رجال ونساوين = رجالهم يخضع لحمر الشفايف
تجمعوا للسلب والنهب راجين = وشعوبهم عانوا كثير الكسايف
كم واحد بالظلم يذبح بسكين = وكم من حراير ظلم راحن خطايف
مانشتمت فيهم لكنا معانين = من مابهم راحو شعوب وطوايف
يالله طلبتك يامجيب المصلين = تحفظ لنا من هو على الشعب رايف
واخوانه الي دوم للخير ناوين = ملاذنا وان طاف في الدار طايف
وحفظ البلادوشعبها اللي موالين= من كل شر وكل ماكان زايف

المشاركة الأصلية كتبت بواسطة رابح الجحدلي (المشاركة 1151496) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة سعد المحمدي (المشاركة 1151497) الشاعر الكبير حسن مريع العبيدي صح لسانك وعتلا شانك تحياتي وتقديري

المشاركة الأصلية كتبت بواسطة محمد راضي العريمه (المشاركة 1151536) صح لسااااانك يابو زكي قصيده شامخه بشموخ صاحبها لله درك ,, تحياتي .

[table1="width:95%;"]

[/table1]

---

المشاركة الأصلية كتبت بواسطة فهد ابن غانم (المشاركة 1151815) [table1="width:95%;"]

صح الله لسانك ولاهنت وسلم فكرك وبنانك دمت برعاية الله وحفظة