ياخالي الهقوات بالطيب تنحل=كلن مع الايام يرضى بنصيبه
يامغير الازمان حلن بعد حل=يامخمد الاحزان لوهي شهيبه
اطلب عزيز الكون والهم ينجل=يالله يارحمان روحي وهيبه
يامن علمت الحال والحال معتل=كلن رجا رجواك وكلن رجيبه
لاتجهد التفكير وتسير مختل=اصبر صبر ايوب حقك تجيبه
ياما من الاوجاع بالصدر تنهل=وتبقي لنا الايام ذكرى حبيبه
وان كان لك مطلوب قول وتسهل=لاتخفي العبرات عبره كئيبه
ياخالي المحبوب حبك ترجل=وسط الحشا لك بيت محدن دريبه
لاغبت عن عيني فكري تبدل=ولاشافتك عيني فرحها طليبه
قدرك بوسط القلب زايد ولا قل=وجيوش حبك ساكنه في كتيبه
وارسلت لك يامن بالقلب محتل=تصريح لك وهاك حق الظريبه
ياليتني يمك والحال بي مل=طول المسافه هم واكبر مصيبه
قلبي شكا عيني وهمالها هل=ومن شافني ياخال زود نحيبه
انا بلاي الليل وكم علني عل=نفسي تذوق الويل حالي مريبه
هذا يصبرني وهذا علي زل=وهذا يقول اليوم حالك غريبه
وبعض العرب قالو يمكن يمثل=وبعض العرب قالو قصه صويبه
والقلب كنه شاح برصاص ينخل=جفى ولابه دم واقف صبيبه
واوصفت طلق النار وصفن يغربل=وصف اللذي دساس حد الخليبه
واليادخلت الصبح حالي تعدل=كن الحزن والهم مني سليبه
ادوج بالفيا ظلن ورا ظل=وازاود الونات ولاهي مجيبه
واليا قويت امشي ساقي تعرقل=مثل اللذي دوبه يشّرب حليبه
واليا قويت اقف جسمي تمايل=كن الظهر مقسوم ذاق الغليبه
من شوفتك ياخال ودي اكحل=واروي عروق القلب واطفي لهيبه
القلب كنه زرع ضامي ولابل=والشوق كنه نار نارن صهيبه
يامن على ممشاك دليتني دل=دربن توارثناه محدن لقيبه
لجلك زرعت الدرب بالورد والفل=حالي بعد فرقاق عادت سخيبه
ياتل قلبي شوق تليت به تل=شوقن على ملفاك محدن سهيبه
واصير متواصل وانتا لنا صل=ياماحلا شوفت قريب وقريبه
واليا كتبت البيت بيتي تزلزل=واليا قطعنا عهد واجب نفيبه
واليا قفلت القاف قافي تقفل=واليا وزنت القاف قافي عجيبه

المشاركة الأصلية كتبت بواسطة الحميدي الحربي (المشاركة 1148106) السلام عليكم ورحمة الله وبركاته سلمت ودمت أخوي الشاعر ابوعوض على القصيدة . . . جزله ورائعه وصح لسانك أخوك ابوساره

[table1="width:95%;"]

[/table1]

---

المشاركة الأصلية كتبت بواسطة فهد ابن غانم (المشاركة 1151839) [table1="width:95%;"]

صح الله لسانك ولاهنت وسلم فكرك وبنانك دمت برعاية الله وحفظة

المشاركة الأصلية كتبت بواسطة الجرح (المشاركة 1155754) لاهنت وصح السانك تقبل التقدير والاحترام وفقك الله