|
من هو اللي تقدم
الحداري يبتديها مرحبا فأول كلامه
و أثني الترحيب للي حاضرين من القبيله من هو اللي له تقدم ما يلحقه الملامه و الكلام الـزيـن مـا يحتاج يـنـقـدم دلـيــلــه |
¨°o.O ( ×××××××) O.o°¨
صح لسانك والله يـعـطـيـك الـعـافيـــــــــــة بيض الله وجهك |
يا لعلك للبقى راع الكرم راعي شهامه=سوق دلتكم بهارك هيل ولا جنزبيله العميل اللي نصاكم ضيف ويثمن كلامه=وقالو اهل العرف مال الطيبه غير الجزيله |
صحت السنتكم
|
مرحبابك و البقابك في حلال أهل الجهامه
سوقت الفنجال دارت يمكم ياأهل الثقيله أن نشدتكـ عن جبال طويق و الا عن تهامه ويش تخبرني عن اللي صار فسنينً محيله |
لي نظره فالرجال وكل رجلٍ له علامه =وألفهيم اللي يعرف الدرب مايبغى دليله كان تجهلها قليل العرف تلحقك الندامه=وكان تذكرها حذاري تنكرون اهل الجميله |
مبعد النظرات يعرف بعد شوفه وش مرامه
كان لاح البرق يعرف وين براق المخيله ما جاهلها يا عميل الخير من يبغى وسامه يفهم المطلوب منها ما كسب غير المثيله |
مبعد النظرات حرٍ مايوخر عن مقامه=والبروق اللي بدون رعود مافيها عقيله مانلومك كان تبغى علم من بعد الغشامه=لومنا للي يريد العلم ويجيب الحفيله |
صغتي بيتكـ و أنتقيته يوم عديت المسامه
و الرجال أهل المواقف كل حملً ترتكيله أحمد الله وازن الميقاف ما ضيع حزامه و العقول اللي توزن كل ميزانً و كيله |
البعير ابو سنام اشيل حمله في سنامه=والقصور النايفه ماتنبني فو ق النثيله وأنت أشوفك ياعميل الخير تومي بالعمامه=مير يكفي عن كثير الهرج يالصاحب قليله |
الساعة الآن 11:35 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir