ملتقى قبيلة حرب الرسمي - 1679الاول يعطي والثاني ياخذ .محلول حله ابوهليل صح لسانه

ملتقى قبيلة حرب الرسمي (http://www.m-harb.net/vb/index.php)

- مـلـتـقـى الالــغــاز الـشـعــبــيــة (http://www.m-harb.net/vb/forumdisplay.php?f=151)

1679الاول يعطي والثاني ياخذ .محلول حله ابوهليل صح لسانه

السلام عليكم ورحمة الله وبركاته
والله ان لي عن ملتقاكم الشامخ اكثر من سنه واليوم جيت وانشاء الله اني ما اغيب جيت ومعي لغز ( جديد ) وهنا المكان اللائق لعرض اللغز الجديد مع علمي انه ما يرتقي لمستوى الهوامير هنا ولكن مجرد مشاركة بمناسبة العودة .
يقول :

ياويش عودن له ولدين متناقضين = الاول الى عطا الثاني يرد العطا
في كل يوما على هالحال متناوبين =طول الدهر ذا عملهم ولا بعملهم خطا
وكلا عليه اسمه يدلك وخلك فطين = يابينهم للفطين ولا عليهم غطا
العود سمًه وسمً اعياله الطيبين = وان ما وطيت الهدف غيرك سبقك ووطا

ملاحظة : حاولت تنسيق اللغز ولكن عند المعاينة يظهر الشطر الاول من كل بيت لذلك ارجو من المشرف القيام بما يلزم .

عليكم السلام ورحمة الله وبركاته
الله يحييك ياعشير النشاما والحمد لله على السلامه واخر الغيبات ان شا الله
وصح لسانك على الغز وبيض الله وجهك
لي عوده انشا الله

صح السانك ياعشير النشاما وبيض الله وجهك على اللغز الرائع:
وش رايك يالغالي بهالرمعة:

العود الدهر: والعيال: الليل والنهار:
يعني هذا يطول والثاني يقصر وهكذاء

الله يبارك فيك يابو هليل وبانتظارك .

صح بدنك اخوي ابوفهد ووجهك ابيض والدهر والليل والنهار .......... مالك لواء

وش رايك ياعشير النشاما
العود البحر والعيال الجزر والمد

عشير الشاما
صح لسانك ويش رايك بالسالب والموجب كل واحد اسمه عليه موضح

أسعد الله صباحك ياعشير النشاما,
أعتقد ان ابوتركي برمعة السالب والموجب أ صاب الهدف, والعلم عند الله ثم عندك:
تحياتي للجميع

صح السانك لاهنت

نقول
عقارب الساعة
وابوهم عداد الثواني

ياهلا بالجميع واعذروني على التاخير
ابو هليل صــــــــــــــــــــــــــــح لسانك
الحل ( المد والجزر ) وانت قلت ( الجزر والمد ) .
اشكر الجميع

صح بدنك ياعشير النشاما
بيض الله وجهك على الغز الرايع يستاهل خمس نجوم
وبنتضار الجديد