خالد بن عبيد الاحمدي=
لولا الحسد والكبر يابن الرجاجيـل=ماكان شفنا بالمخاليـق عصيـان
وان كان تطلب برهنـه بالتحاليـل=لابدنـا نعطيـك للعلـم بـرهـان
خذ في جدال ابليس للكبـر تمثيـل=يوم الولي يامره يسجـد للانسـان
واب الحكم صابه عن الرشد تحويل=كفره سبب كبره موصّلـه نيـران
واقرا فقصّة حامل الـوزر قابيـل=وتقول فهل الحسد صاحين خبلان
وقابيل وش حدّه على قتل هابيـل=غير الحسد زاده وساويس شيطان
عطيتك الموجز كفـاك التفاصيـل=ومثلك ذهين ايعامل الناس بحسان
فواز بن محسن الزويهري=
حي الجواب اللي كما مشرب النيـل=قاله عريب الجـد خالـد بالاحان
ونزيد ياخالـد علـى بنـّك الهيـل=وانّصبها قهـوة مـن ادلال رسـلان
داء الحسد أفنا ملوك ٍ حلاحيـل=وسيله جروف يهد بيت ٍ بسيسان
ونجم الجدي لو يحسد الراقي سهيـل=نزلوا من الأبراج واقفـوا بخسـران
ويكفي وصية خير من يركب الخيـل=عن الحسد ينهى ..وانتعايش أخـوان
ونقطه أخيره لجـل للقـول تعليـل=نوع ٍ من الأحساد محمود الأركان
غبطة هل الإحسان فالفعـل والقيـل=وحسد الصحيب الصاحب فحفظ قرآن
هذا كلام الصدق من شاعـر الجيـل=صلّي على المختار ياصقر شيهـان