بخيتان البشري =
صادر موقع لك اقراره = وبصّم وقاره على الميثاق
قدر وأدب جاك ياجباره = سلامي اللي من الاعماق
لي ود يامكثر اوزاره = اللي بها خاطري له ضاق
والله لو خافقي زاره = يلقى جناين من الاشواق
ومشاعري فيه جباره = تنهار لو مزح قلت فراق
كيف اتقي من لهب ناره = اللي غوى جمرها حراق
جباره العروي =
ترحيب يرجح بمعياره=ينصاك ياطيّب الأخلاق
وفاك مانقدر انكاره=دايم لكسب الوفا سبّاق
ودا لنا تشكى اضراره=وحمّلك الأوزار والأرهاق
اسقاك علقم من امراره=وخلاك فى حال ما تنطاق
قدرّت للود مقداره=حنون لاكن غرامك عاق
تياركم عكس تياره=ماهو مثل شوقكم يشتاق
واللى اشوفه ومختاره=ولاشوف غيره على الأطلاق
اصحى اتطور مع اطواره=مادام ماهو لكم مشفاق

المشاركة الأصلية كتبت بواسطة من الماضي (المشاركة 1139632) الحرف الراقي .. أبومحمد نبع عذب .. صافي ينساب الجمال عبر أحرفه وصوره الجمالية الرائعة لينهل منه كل متذوق للحرف النقي صحت الألسن وبيض الله الوجيه سعدت بنيل شرف المرور الأول تحياتي وتقديري لكم

المشاركة الأصلية كتبت بواسطة ابو طلق (المشاركة 1139657) ياسلام ياسلام . صوت وصدى . من ادباء لهم وزنهم في هذا الفن