|
ليت النشاما تجي وتمد يدها
السلام عليكم ورحمة الله وبركاته
من الاوراق القديمه امل ان تحوز على رضاكم
ياهاجسي غوص في غبات الابحار = وقبض يمينك على الدرة وصدها جيب الثمينه وخل الناس تختار = خل النشاما تجي وتمد يدها نوادرن غاليه من جود الافكار = يقنع بها العاقل اللي قد وجدها من رحلة العمر ابعطي بعض الاخبار= سوالفٍ ثابته معها سندها يوم الليالي عطتنا بعض الاسرار = ابكشف السر للي مانشدها ابقطف ازهار واترك بعض الازهار= مقدر على حصرها ماحصي عددها الاوله صون دينك سر وجهار = صلاتك الواجبه دوم اعتمدها امسك طريق الهدى لايمين لايسار = حافظ على المله السمحه وفدها والثانية طيعني خلك لهم بار = ابذل لهم جهد روحك مع جسدها ابوك وامك لهم حقٍ ومقدار = تبيت يدين السقيم اللي جحدها والثالثة لاتجي للهرج سمسار = ناسٍ تصبح لها وناس تهجدها الهرج لاتنقله من دار في دار = وتخرب ابيوت وتهدم عمدها والرابعة لاتدور زلة الجار = احرص على هيبة الجيران زدها عن حرمة الجارصد وغض الابصار= لو شفت لك زبدةٍ بين شهدها خله بعينك كما ضلعان سنجار = لو كنت تبغى علومن يفتقدها والخامسة خوة الطيب لها اذكار = بين العرب سيرتك كلن حمدها احرص على خوة الوافين الاخيار = عشرة هل الطيب يبدا لك سعدها والسادسه يافتى صلفات الاقدار = لاتشتكي ضيمها يكبر نكدها اصبر ترى الصبر له حكمه ومعبار = لابد من ليلةٍ تسمع رعدها والسابعه لابغيت تروح مشوار = انظر وش اللي كسبته من بعدها كم رحلة ماوراها غير الاخطار = احسب حساب الخطاوي وقتصدها والثامنه من يخون العهد غدار = من يوعد الناس ويغير عهدها هذاك منبوذ عند الناس مكار = مذموم بالمجتمع نفسه قردها والتاسعه للقناعه تاج وشعار = يحصل على تاجها شبلٍ قصدها لاتقول ياليتني حطمت الاسعار = اللي عطاك الولي لاتنتقدها والعاشرة كان تبغى كبح الاضرار = العلم سيف الفتى في كل بدها العلم يرفع مقامك بين الاقطار = يحميك بالاوله واللي بعدها جتك العلوم الثمينه لد الانظار = لاتشوم عنها وترجع في صددها |
صح السانك وبيض الله وجهك
|
صح لسانك يا صنت البدراني علّمت وافهمت وأوصيت ووفيت واخترت فأحسنت اختيار العلوم من قاموس الرحلة وعلقته وشاحٍ على صدر المستقبل لمن يبي يقبل لا هنت وبيض الله وجهك تحياتي
|
¨°o.O ( ×××××××) O.o°¨
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
الشاعر القدير
صنت البدراني صح لسانك وبيض الله وجهك على القصيده الجزله والواعظه تحياتي وتقديري |
صح لسانك وسلم بنانك وبيض الله وجهك قصيدة في غاية الروعة والجمال الله يعطيك العافيه دمتم بخير |
اقتباس:
|
اقتباس:
|
اقتباس:
|
اقتباس:
|
الساعة الآن 01:43 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir