ملتقى قبيلة حرب الرسمي - ياصفوف اللعب بيت القصيده وحـدوه

@عيد الرشيـدي =
ياصفوف اللعب بيت القصيده وحـدوه=إن قدرتوا مطلبي بـس هـذا مطلبـي
ازهمو صياف وإن قام صفه شجعـوه=وعلموه أن مكسبه لايخالـط مكسبـي
@صياف الحربي =
أبشر أن الصف رحب بقافـك كلبـوه=كان حظك معتلي غير هذا وش تبـي
أنتبه ياعيد واعط الولد كرسـي ابـوه=انت نجم سهيل تحت السماء مانته غبي
@عيد الرشيـدي =
الكريم لياحضر حفـل ربعـه قـدروه=ولايضر الأدمي مثل ضيـق المذهبـي
واثق ان ريمان ليا طال ليله مثل ابوه=لاتوصيني وصاتـك تراهـا بشنبـي
@صياف الحربي =
انزلو في شاطي النيل الازرق وأشربوه=ولاأنا مع نهر دجله بطـول شاربـي
أبشر أن شيوخنا كـل ماكـر سيبـوه=يسنـدون العلـم لله وماقـال النـبـي
@عيد الرشيـدي =
منزلتنا في علم عبس لو عبس هجروه=والسنـه متقلبـه والزمـن متقلـبـي
العرب لو رأيهم بـس مـره وحـدوه=كان يبقى صفنا سيف ابن طالب علـي
@صياف الحربي =
عبس فارس معركه والقبايل حاربـوه=وأنته احسن منه سمعه عزيز المنسبي
أرقصوا مع سالـم الزيـر ولاجنبـوه=قام يحبي مثل شكل الجمل يوم يحبـي
@عيد الرشيـدي =
عدو الجمـرات والله وحـده راقبـوه=واشهد أن العلم يرفعك لو أنـك غبـي
آه من فرق تسد فرقوا صالح واخـوه=راحو الأخوان فيهـا بقصـة مقلبـي
@صياف الحربي =
جابوا الحجاج طابورهم ثـم أركبـوه=مار بعض القوم مسلم ولالـه مذهبـي
الحليب يبات في الديس والصبح أحلبوه=ثـم قـول الحمـدلله وابليـس يهبـي
@عيد الرشيـدي =
من يسوي الفاحشه في ذنوبه حاسبـوه=مايعاقب شايب ٍ عود في غلطة صبـي
أنت تدري الهندسه كلي لغـمٍ فجـروه=بس باقي لغم واحد وراء هضبة دبـي