حقك عليه ليبقى في خفوقي غلاك=ولاسمع بك اللي يقال ولاسمع اللي يقول
قلبي ترى مستحيل يحب شخصاًسواك=لاني انا عاقل الا في غلاك مهبول
والله لتبقى نجومي ساكنه في سماك=مدام فالبحر لول وبين اشافيك لول
الله هو اللي على غيرك رفع مستواك=ولاطيعبك هرجة الحاسد وهرج العذول
وانا ادري انك ملاك وكل حسنك ملاك=انتي جمالك يفوق ادراك بعض العقول
وانا ادري اني تعبت وغايتي هي رضاك=وانته تغلا عليه يالغزال الجفول
متى تجي ساعة الفرحه وفوز بلقاك=وروي عطش كبدي اللي قد جرحها الفضول
غيرت سيرة حياتي باندفاعي وراك=وانت الذي تخلف العاقل ويصبح جهول
لاون بس الغرام اللي حداني حداك= ان كان كل العوايق من طريقي تزول
الله هداني لحبك ليت ربي هداك =في جاه من شرف الكعبه وعز الرسول
وان مت باسباب حبك يحسن الله عزاك=في عاشقاً حط لاسرارك بقلبه قفول
جابتني اسباب حبك في طريق الهلاك=وانت الذي في فضا قلبي تصول وتجول
والا الجفا هو خطا الايام والا خطاك=والا الخطا يوم احبك ياحسين الدلول
لعل قلبي فدا حبك وعمري فداك=والا انت لعل عمرك ياحبيبي يطول
وان كان كل الكلام اللي مضى ماكفاك=اكيد ابي اصير انا فالحالتين مهبول

المشاركة الأصلية كتبت بواسطة راعي الطويسه (المشاركة 1127702) قلبي ترى مستحيـل يحـب شخصاًسـواك .. لاني انـا عاقـل الا فـي غـلاك مهبـول والله لتبقى نجومـي ساكنـه فـي سمـاك .. مدام فالبحـر لـول وبيـن اشافيـك لـول صــح لســانك وقصيــده جزله من شاعر جـزل دمــت مبدعـاً .

المشاركة الأصلية كتبت بواسطة عواد الظاهري (المشاركة 1127728) صح لسانك كلماتك غايه في الروعه أحييك على هذا البوح المتميز دمت ودام شعرك وبوحك

المشاركة الأصلية كتبت بواسطة تركي العماني (المشاركة 1127757) الاخ والشاعر القدير..الاستاذ شداد عبدالله صح لسانك والله يبيض وجهك على هذه الدره مهما اتكلم يابورائد وابدي كل كلمات الثنا اخاف من تقصيري تجاهك وتجاه حرفك انت مبدع بماتعنيه هذه الكلمه ..ابداااااااااع لايضاها تقديري لشخصك