ملتقى قبيلة حرب الرسمي - ردي على قصيدة الشاعر عيسى العوفي

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - ردي على قصيدة الشاعر عيسى العوفي (http://www.m-harb.net/vb/showthread.php?t=109668)

ردي على قصيدة الشاعر عيسى العوفي

قصيدة الشاعر عيسى العوفي

انا يابو سامي كل ماذعذع النسناس=وهبت نسائم من شذى الصبح شرقيه
طرت لي طواري قام يطرق بي الهوجاس=معدل انبيره فوق تسعين بالميه
على اللي عناده لويعاند عسل ياناس=وياويل عيسى منه لارحم ابوحيه
حروف القوافي صورن صادق الإحساس=تجاهه وانا قلبي معه مخلص النيه
ومن الصعب تحديد المشاعر على قرطاس=لو ألفت من فكري ثلاثين دوسيه
ولكن رؤس اقلام والود ماينقاس=ولو جيبت احدث وحدة قياس رقميه
فدتها الجواهر مع عقود الذهب والماس=سعودية من نجد بارض حساويه
وتم الكلام ويانداء قفل الاقواس=وتغاضى عن الزله تراها كيبورديه

ردي على عيسى

انا لاتناسيت القصايد ترن اجراس=تحرك هجوسٍ داخل القلب مخفيه
تجي لي قصيدة شاعرٍ فاهمٍ نبراس=مثل صاحبي عيسى وتخلف طواريه
ياعيسى قصيدك يعجب الشاعر الحساس=تحوف القصيده حوف فنجال بريه
ولكن حصلك ماحصل ياعسى ماباس=من العام تشكي لي هوى هالسنافيه
حساويةٍ من بعدها صاربك وسواس=وش المشكله ياجعل ماهي بشيعيه
مادام الحبيب اللي تحبه طليق الراس=ترى ماتزال بيوت الامال مبنيه
عناده طبيعي ياصحيبي ولابه باس=دليل الثقه في رايه وقو شخصيه
وترى البعد ياعيسى مايمنع قوي الباس=لاتحْسب تكاليف العنى روحه وجيه
توكل على الله لايخيم عليك الياس=وانا معك في مالي وجاهي وبيديه

صح الله السنتكم على القصائد الروعه ماشاء الله عليكم شعراء قمه حاولت اختصر لتعليق ولاكن كلهن درر .

الله الله
عليكم من شعراء مميزين
قصيده غزليه رااااااااااائعه
من الشاعر عيسى العوفي
ورد وافي ورائع من الشاعر نداء الغيداني
لله دركم من شعراء مميزين
وبيض الله وجيهكم
تحياتي وتقديري للجميع

¨°o.O (×××××××) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح الله السنتكم
شاعران كبيران

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\

الله الله

صح السان عيسى العوفي على المبدا

وصح السان نداء الغيداني على الرد

قصائد جزله والله يعين عيسى على حب هالحساوية إن ماخنتني الذاكرة إن فيه مساجلة بعد بنفس الموضوع قبل فترة ..

على العموم أبدعتم جميعا

لاهنتم وبارك الله فيكم على هالحضور

دمتم بخير

الله الله

صح لساننك يا ابو سامي

و ح لسان ابو عبد الرحمن

اقتباس:

المشاركة الأصلية كتبت بواسطة ابو سامر الحربي (المشاركة 1125448)

صح الله السنتكم على القصائد الروعه ماشاء الله عليكم شعراء قمه حاولت اختصر لتعليق ولاكن كلهن درر .

صح بدنك وشكرا لك على الاشاده

تحيتي وتقديري

اقتباس:

المشاركة الأصلية كتبت بواسطة سعد المحمدي (المشاركة 1125463)

ووجهك ابيض
وشكرا لك على الاشاده الطيبه
تحيتي وتقديري