ارفع لك البيضا وفا وين ماكنت = واسوقلك جزل القصيد النقاوي
لاهنت ثم لاهنت لاهنت لاهنت = ياصامل الهقوات زبن الجلاوي
احد(ن) بنى سوره من ارخام واسمنت = وأنا بنيته بالفخر يوم اخاوي
خاويتك بسلم الرجال وتمكنت = من مكسب(ن) يبحث وراه الغناوي
الطيب وعلوم المراجل وانا وانت = نبقا عـلى مــر الــزمن بالتــساوي

هلا هلا ابشخص به ما تهاونت = اللي على الجزلات حبله رهاوي
ما همني من شان لامن معي زنت = ويفداك منهو بالشدايد رخاوي
من طيب ذاتك شاخ طيبك وهيمنت = هرج (ن) اكيد ولا هرج به مراوي
في خوتك شمخت فوق وتيقنت = يقين من حقق كبار المناوي
يابن بصيص بالوفاء ليّه اعلنت = واشهد شهادة حق انك نداوي

يامرحبا ترحيبة(ن) تاصلك كاش = فيها الوفا والود والعز منقوش
ترحيبة(ن) أبيض من الثلج والشاش = للي نباه وسيرته طيب مرشوش
على الوفا والطيب ثابت ولا طاش = مثل الجبال اللي تذرى بها وحوش
قدرك رفيع ومنزلك داخل الجاش = اسمى وأبلغ من مراسيل وطروش
والهم في حضرتك يجلى وينحاش = أنا أشهد إن صاحبك ما ناشه النوش

بك البقا حييت من خاطر شاش = شخص(ن) عزيز وخاطري لأجله يشوش
هلا هلا بك عد مايهمل رشاش = بالشاعر اللي شد بيته على أوش
ولشوفة الطيب ترا القلب معطاش = معزة(ن) ما ناشها شي مغشوش
يفداك منهو صار عرفه على ماش = قول وفعل للطايله دايم تحوش
يفداك من ينسى خويه ولد لاش = يا بن الرجال اللي لها الطيب بعروش
مقامها عالي وتدهش ادهاش = واهل بيوت(ن) بالكرم دايم تغوش
ريف الضيوف مقلطه جزل الأكباش = ومجالس(ن) تلقى بها الزل مفروش
شيراز مبدع بالتصاميم نقاش = ما همهم ما زاد فيها من قروش
وان كان جا للشر طاري ونباش = عدوهم من فعلهم صار مخروش
وضرب المشوك يدفعه قو رشاش = عدوانكم تموت وكبودها عطوش
تاريخكم يا مطير من الوفا حاش = أمجاد فعل(ن) يرفع الراس ويطوش