من فوق جيب(ن) بعـيد الخـط يطرب له = وينومس اللي يسوقه قو ماطــــــوره
لاقام ابنصه مــن البـــترول يسحب لـه = تورنيدو ون بالمدرج وارتـــفع زوره
فــكس ار فـي قــوتـه الـكل يشـهـد لــه = نـوره زنن ليزر(ن) لامن كشح نـوره
مـصمــم(ن) فــل كـامـل وآخـذ الـقـبله = ومواصفات(ن) تكمل زين منظــــوره
مـركب شـيوخ(ن) لهم بالطـايلـه شبله = ومواقف(ن) بالوفا والطيب مخبــوره
للعاصـمه الرياض الـخط نـحسب لـــه = بـزمـــالة(ن) ماقناها شاكي امـــــوره
ملفاك رجـل(ن) جـزيل العلم ينسب له = بالطيب والمرجله ما تقصر شبــــوره
يـوم إن ولـد الردي مـا وصله حـبلـــه = أبو رياض الكرم والطيب دستـــــوره
استـاذ فــاهم حـكيم الـكل يحسب لــــه = من شاوره يستفــيد لا أخذ شـــــــوره
البيرق بكل ما ســـــواه ينصب لـــــه = بصمة وفاء تكتب على كل منشــوره
الطيب وهبه والله صار واهب لــــــه = أفعال طيب(ن) تشرفني ومشــــهوره
يفداك من هو حدود العرف للعبلــــه = ولا بشبك الغنم أو فك ماصــــــــوره
وإلى هرج هرج(ن) يقرش كما الطبله = من قل عرفـه وقع في كل محظـــــــوره
لوكان يسكت تراه أحسن وأطيب لــه = من شان ماينكشف في حضرة سبـــوره
وصلاة ربي عدد من وجه القـــبلـــه = راجي من الله عسى السيات مغفـــــوره
على النبي عد همال(ن) صدق وبلــه = محمد المصــطفى ذكــراه معمـــــــوره