يالرّبع قولوا وش يسبِّب سلوك السفاف؟= اللِّي يعمّ القرَيِّب و البعيد اقشِره
يسوِّي شجيعن من اصناف الخطر ما يخاف= تسمع صليله الى مرّك و صوت اكفِره
الموتر اللِّي اصْطابِه منكسر من خلاف= و يسوقه اللِّي يبا فعله يجيب اخْبِره
مغير يمشي و يلعب بالسكك طاف، طاف= و لا شاف له واحدن راكد قَرَبْ و احْشِره
يطوف يَمْنَه و يَسْرَه يَغِرْفِه بانحراف= و لو كان قدمه بعيرن باركنّ اطمِره
تقول يطْرَدْ من الاعدا و صابه شعاف= حتى على الخط الاسود من وراه اغبَره
و لو قلت له ليش تسرع؟ قال لك شي حاف= يقول: كان الْك نصف ريال خوذ اعشره
هو ما درى ان الرّكاده ما تحمِّل كَلاف= و توفر القاز و المجهود و الفرْفرَه
حتى و لو كلفه ساهر مئات الا لاف= مهوب مهتم لو نشّف لابوه اكمِرِه
يا الله يا واحدن دايم بعبده يَرَاف= تاقى الغلَيِّم و تكفي المسلمين اخطِرِه

المشاركة الأصلية كتبت بواسطة رابح الجحدلي (المشاركة 1120784) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة المطر (المشاركة 1120881) صح لسانك .. قصيده رائعه واحساس اروع ..

المشاركة الأصلية كتبت بواسطة ابوفارس الجريسي (المشاركة 1120916) صح لسانك اخوي الصييفي تحياتي لك ياغالي