سلام الله عليكم عد مايبـدي الـورق فالعـود=نبا منك السوالـف وانـت يامستـور هذبهـا
علامك يالعصيمي تختلف فالوعد والموعـود=وانا خابرك وراك رجال تفتل في شواربهـا
هلا يامرحبا حييت ياشاعـر بنـي مسعـود=تدور للسوالـف مـن عتيبـي يجيـك ابهـا
نهار انا تواعدنا على وضح النقـا المجـرود=بهيبتنا كسرنـا القـوم قبـل انـا نحاربهـا
بغيتـوا يـوم جيتـوا مالقيتـوا المقـصـود=ومنهو ذل له من علـة مامـات غيـر ابهـا
نهارك صادفه رمضا واصابتكالليال السـود=وحنا خابريـن اسـود سمحـه مـن ثعالبهـا
ياعبدالله لابد العلم يطلـع فيـه نقـص وزود=وانا اصحح علوم الصـدق والكذبـه نكذبهـا
تدورنـا وتعزمنـا لضيفـه بابهـا مـردود=تهاون بالعزيمه مانـت داري عـن عواقبهـا
تبا تزبن على الحيد الزبين وتبـذل المجهـود=سواة الغاوي اللي مخلـف الساقـه وعاقبهـا
لكنك حج واحرم والفريضـه بابهـا مريـود=ليا صح البدن باقي المراجـل مـن مكاسبهـا
ليامنك جحدت اللي حصل عندي عليك شهـود=شهود تشهـد انـك سبهـا وانـك سبايبهـا
لقيت إيدامهـا قدامهـا فـي سبلـك الممـدود=وبعض الناس وشهو عذرها في ترك واجبهـا
تلحقها بعد راحـت عليـك وفاتـك العنقـود=تلـد بعيـن والا عيـن ماتقـدر تلـد ابهـا
تهز البندق اللي تاكل الصفره مـع العبـرود=ولو يرمي بها الرمـاي ضايعـةٍ مضاربهـا
اظنك ماسمعت اللي ينـادي والعبـاد رقـود=عديم المعرفه يدعي على الصنعه وصاحبهـا
بعد حاشتني الطرقه وجيت انشد عن اهل الجود=واثرهـا مقبـره لقبورهـا تشهـد نصايبهـا