الا ياقلب يومنك شكيت الهم والاحزان=شكيته من زمن ولا غلا بك ذيك مع ذيه؟
تلحف في ضلوعي تشتكي ياخافقي بردان=تقول الشوق يلعبك صباح وكل عصريه
تمهل لاشكيت الوجد له لا تشتكي ولهان=ضروف الوقت لابيدك ولاياقلب بيديه
أنا مثلك خلقنا يا الخفقو الواحد الرحمن=يسيرني بروحاتي كذالك مثلها الجيه
أنا ياقلب مابيني ومابينك من خصام إن كان=هويت اللي على العليا منيفاتٍ مبانيه
وليفٍ زاد له شوقي وّله وابكي من الاحزان =سهر عيني من أسبابه ثلاث سنين شاكيه
كتبت الشعر من شانه بلحن الميجنا الدان=تغنابه مثايل من جزيل الشعر مرثيه
عليه الروح ولهانه ومن شوقي غديت الوان=دموع العين من لجله على الخدين ماريه
حدود الشوق في قلبي تهالك دونه الركبان=يبون سنين معها سنين ما وصلو حراويه
تضاعف لي مساحتها اليا قلت الغلا مابان=قياسات الاسىء فيها تعدى الكون جبريه
تصافق موجة اشواقي وله في شاطي الوجدان=مثل موج المحيط اليا صفق بحيود صخريه
عليه الله والله عالمٍ بالشان والاكنان=ماغيره يسكن بقلبي ولاغيره طرا ليه

المشاركة الأصلية كتبت بواسطة سعد المحمدي (المشاركة 1103873) الشاعره الكحيله صح الله لسانك وعتلا شانك حضور مميز في جميع الاقسام تحياتي وتقديري

المشاركة الأصلية كتبت بواسطة رابح الجحدلي (المشاركة 1103876) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة القناصه (المشاركة 1103986) تصافق موجة اشواقي ولهفي شاطي الوجدان=مثل موج المحيط اليا صفق بحيود صخريه عليه الله والله عالمٍ بالشان والاكنان=ماغيره يسكن بقلبي ولاغيره طرا ليه الله عليك مبدعه يالغاليه اسجل اعجااااااااااااابي ودي لك