دوبك عليه واجرح القلب برفوق=تعاملي باسلوب رايـق وراقـي
ترفقي ربي يجيرك مـن العـوق=انا ترايه معك سهـل انسياقـي
انتي غلاك يسوقني بالهواء سوق=ويجرني سلك الحريـر الدقاقـي
لا رحت عنك يردني يمك الشوق=وايضا الياشفتك يزيـد اشتياقـي
انتي وانا قلبين في جسم مخلوق=القلب معك وهيكل الجسم باقـي
مادام بالدنيا مواجيـب وحقـوق=ومادام بالدنيا اللقـاء والفراقـي
شيلي هوانا وارفعي منزله فـوق=باخر مكـان ماتجيـه المراقـي
حطيه مابين المضاليل والمـوق=يمكن يجي يـوم يصيرالتلاقـي
حب نشا غيمه مخاييل وبـروق=وغدتله خدود المولـع سواقـي
وغنتله الورقى على كل طـاروق=في صوتها ذاك الحزين الرقاقـي
وغرست بستانه على كل ميلوق=واسقيته بنهر الفـرات العراقـي
وفصلتله قلبي للاسرارصنـدوق=وحطيتله جفني عن االدهر واقي
يابعدني عن سيرة الغدروالبوق=مادام باق فـي حياتـي بواقـي