رحبت باللي يستحق الـتـــــــــراحيب = الشــــاعر اللي شاقني طِيب نظمه
ينثر قـــــــــوافيها بــــــوزنه وترتيب = عزمه قوي وعالوفا شـــــد عزمه
غــــــازي على ماقلت فالملعبه ذيب = شــــــــاعر يسدد فالميادين سهمه
طرشت له مــــــرسال وآمد له طيب = ياصل على مـــاقلت فالحال باسمه
راحت ملازيم الرجــــــاجيل تجنيب = من جيل خـاوي يشتكي لين عظمه
مــــــــــاعاد لا يفقد ولا ينقد العـــيب = ماجاب لي دعوى ولا جاب خصمه
تقصرخطـــــاهم عن كبار المواجيب = لا تنخدع به لو تكـــــــــابر فحجمه
حــــــــاولت معهم وبجميع الأساليب = آحفز الهــــــــــــزلان ياخذ بقسمه
أعــطيهم الـتوجيـــه قـــــولٍ وتدريب = مير البلى المغرود مرفوع خشمه
مــالي عليهم ياالزغيبي مطــــــاليب = والعقل يستوعب على قـــــد فهمه
بالنصح يالشاعر ومن حالي الشيب = عطهم دروس وكــــل درسٍ برقمه
وأنته من اللي جرَب الـوقت تجريب = خذيت من لينه وجـــــــربت حزمه