ملتقى قبيلة حرب الرسمي - بـنيـت مائة وبـيت واحد وزيـرو واحاديّه

أخوتي الأفاضل طابت أوقاتكم بالخير والمسرات :

السلام عليكم ورحمة الله الله وبركاته

أضع أمامكم هذه القصيدة وعدد أبياتها (101)مائة وبيت (بـنيـت مائة وبـيت واحد وزيـرو واحاديّه) كلها في الدنيا ومجتمعها آمل أن تنال إعجابكم .

بـنيـت مائة وبـيت واحد وزيـرو واحاديّه=بدعـت لحـنها وأتـقـنـتها من عـدلاً وميل
طـاروقً مـن تجـارب وهـاجـسـاً لـم بـيّـه=وصـفـت فـيـه الــدنــيــا رديـاً وأصــيـــل
شـفـت فـيـهـا حيـاً مانـشــد عـن حـال حـيّـه=هــمـه دنـيـاه تـضـحـك لـه يـومـاً ولــيـــل
مــغـــرور فــي فـــيــاً مــايـــدوم فــــيّـــه=غــافــلً وأفـعــالــه تـكـتـبــهـا مـراســيــل
ودي انـصــح مـن غــفــل وأذخـر وصـيّـه=لعـشـاق الدنـيا الـلـي في هواهـا مغـافــيـل
لا تـغــركـم دنــيـا كـم بــروحــه وجـــيّــه=لـو تـبتـسم مخابـيهـا من بلاويها محامـيـل
قـبـلـكـم من جـرب بـردهـا وحــرها وكـيّـه=رقـى مراقــيـهـا فـي عـسـرً وتـسـاهــيـل
خـاض فـي معـاركـهـا شـرقـيـه وغـربـيّـه=وتــجــرّع مــنـهــا صـفـعــاتـاً مـثـاقــيــل
شـمالـهـا مـع ســطـهــا والــجـــنـوبــيّـــه=تــرجــمـهـا صـمـتً ونـطــقً وبـلابـيــل
وصـفـها بـحـور وسـمـاء وأرض وجاذبيّـه=فـيـها أمـوجـاً تـلاطم وأعـماقـاً مجاهـيـل
ضامي بحورهـا مايـروى مشاربهـا ضمـيّه=مــاغـيـر مـلـوحـتـهـا الــفــرات والـنـيــل
كم واحداً طـرق أبوابـهـا صـبحً وعـشــيّـه=وسطـرها عـلـوم وفــقـه(ن) وتـحـلــيــل
تـذوق مـنهـا أوجـاع وهـمـومـاً شــقــيّــه=وقــاسـى مـن هـولـهـا نـقــصاً وتـهــزيـل
عــانـا مشــاكـلـهـا من ضـد ومكـرهــيّــه=وسـمـع مــن طــيّـــاش الــقـــول والقـيـل
من ذاك الجفـا ومن ذولاك علوماً ثرثـريّـه=زمرةٍ بأمـوالهـم طالـوا فـوق الـرجاجـيـل
شـيـوخ دنـيا شــيّـخــتـهــم دنــيـا الـدنــيّــه=ذيـك الـدنـيـا كـبّــرت رؤوسـاً هـطـامـيـل
مراكـبهـم صنع ألمان وأمريكً وســويـديّــه=ومجالـسهم أكناب من مخمـل وخلاخـيـل
مطـالـبهـم يـوحـى صداهـا وتلـقـى حمـيّـه=وتــلـبـى لـو مايـجـي ورآهـا محـاصــيــل
تـسـمـع أقــوالـهـم لـو كانـوا غــيـر حـقــيّـه=تصغي لها آذانِ عرّيف و قـلوباً جهاهـيـل
تـكـبــر مـنـازلــهـم لــو كـانــوا فــلـوتـــيّــه=ويـتـبعـهــم الـغـاوي جــيــلاً وراء جـيــل
ماضنيت يوقـر لأجل الطمع في دنيا الرزيّـه=إلا ضـعـيفـاً يـشـمـشـم لها بأظـلـم الـلـيــل
لـلـدنـيـا يـسـعـى بـكــل حــرصــاً وجــديّـه=مـامــيــز خـــطـــأهــا بـصــحً وتـدلــيــل
ليا جاء ت صـدفه خـذهـا غـنيمـة وإلاهـديّـه=حـرصـه رماه مع الحـســاد والمبـاخــيــل
همه قـبضـهـا قـبـل تـنحـى عـنـه بـنـحـيّـه=لـومامـيـزهـا بحل وحرم وعـلم تـحـلـيـل
تـرى الـطـمـع وشــبـع الـنـفـس الـشــهــيّــه=يـصـيـب الـقـلـب بـأمـراض الـمـعـالـيـل
إلا مــن قـــدم لـلآخــرة قـــبـل الــمــنـــيّــه=ولاجـامــل بــصــنــع الخـيــر تـجــمـيــل
ماهو من اللي صاحب الحاجة ماله عندهم هـيّه=مسهـوج كأن خواطرهم عليه مـغــالـيــل
ولصاحب الـدنـيـا يـدنـون ويـهـدون العـطـيّـه=عـملهـم مقـاصـد للـدنـيا ورضـا لـلخـلـيـل
دنـيـا يـحــوفـهـا الـشـيـطان بعـلـوم الـزريـّـه=غــرور الـنـفـس وأوجـيه(ن) مخـابــيــل
تـنـســيــهـم الـرحــيــل والخـيــر الـبـقــيّــه=تـنسـيهـم غـدر السـفـر وعـبـر السـبــيــل
تــرى الأعــمـار فـانـيـة والأموال عـاريـّـه=وكـل الخزائن تـقـعـد للوارث محـاصـيـل
الـرحـيـل مأكـود والــراحـم رب الــبـريـّـه=والأعـمال محصاه في كتاب دقً وجـليـل
ياصويحـب الـدنـيا ترى دنـيـاك شـوشـريّـه=تغوى صاحبها وصحبه عن طرق تجليل
تـضـحـك لأهـلـهـا وهـي لـهـم حرز حـيّـه=ويـضـحــك لـهـا خـيـالً مـامـلــك خـــيــل
والـناجـي هـل الـتقـوى والـنفــوس الـزكـيّـه=الـلـي أفـعـالـهم خـيـرً وجل وتـفـاضـيل
أجــواداً جــودهـــم يـرقـى مـراقـي عـلــيّـه=مـاكـبـروا رؤوسـهـم بـكـبــرً وتـطـابـيـل
عــقــولـهــم ســلـيـمـة مـن خــواطــر وفـيّـه=مـالـبّـســوا خـلـقهـم بـشـكـلً وتـشـاكـيــل
يـدرون حـسـنـاتـهـم لاتـنـقــصـهـا خـطــيّـه=يـبـغـون من الجـزلات أجـرً وتـجـازيــل
كـسّـابـة الـدنـيـا من طـيـب ماجـاتـهـم رديّـه=ولاطاشوا بكـثـرها على صـحـب تـقـليـل
كسّـابـة الــمـعــروف بــوجــيــه(ن) نـقـيّــه=مـاحـســبـوا لـيا جـاء مقـصـرً وتصـمـيـل
يــــرســــون بـالـحـــق فــي وجـــه الأذيّـه=حـازمـيـن جـازمـيـن صلـبـاً حــلاحــيــل
مـاحـادوا لـلـدنــيـا بــذنــوب(ن) جـــنــيّــه=ولابــذروا بـأمـوالـهـم إعـجـابـاً وتمـثـيـل
مـن طـرق الـسـلامة خـذوا طـرقـاً سـويـه=زاد(ن) للـسـفـر قـبـل مـجـيّـه بـتـرحـيـل
من رحـابـة صـدورهـم قـلـوبـهـم صـحـيّـه=مافـيـها غـل وأفعـالهم نـوادر وتـكـمــيــل
ماحادوا لـلجـشـع ولادوروا كـسـبـه وطـيّـه=ولا حـادوا لـدنــيـاهـم بـهــفــواً وتـذلـيـل
حـريــصــيـن لــفــعـــل الـخــيــر ومجـيّـه=بالحــق محـقـيـن مـاعـنـدهـم فـيـه تـبـديـل
أفــعــالـهـــم لـخـالـقـهــم عــلـن وســريّــه=أعـمال تـوحـيـد وتـسـبــيـحاً وتـهــلـيــل
فـقــيـهــيـن فـي دنــيـاهـم وعـلم الآخـريّـه=ماصانعـوا بثـمرهـا ريا ورضا للعــمـيــل
مـا زاغــوا فــيــهــا ولافــضّــلـوهـا مزيّـه=حسبوها اسـتـراحة قـيـلولة وقت الـمـقـيـل
هـل عــبـادات(ن) ماضـيـعــوهـا مـنـســيّـه=حافـظيـن أوقـاتهـا وعـددهـا بالتـفـاصـيـل
مـوحـديـن الله مـا دعــوا مـع الله شـركــيّـه=ولا تـشـبه عـليهـم الحـق وقـت الأباطـيـل
وصـّـالـة الــرحـم فـي ســلام ومـكــرمــيّـه=حـقـاً تأكـيـده مأكـود ونـفـيـه مـسـتـحـيــل
تـراكـة الـخــطــأ لـيـا جـاء خـوضه وغــيّـه=ماحـطـوا بالـنـاس تـشبـيـه(ن) وتمـثــيــل
أهـل صـدقاً يـمـتـطـونه لـلـمعـارف مـطــيّـه=مايـزيلهم عن حسن النوايا حسادً وامزيـل
مـاحـايــدوا لـلــكــذب وأعـــمــالاً عـصـيّـه=يـخــشــون عــذاب الله فـالـنـار تــنـكـيــل
أنــفــوسـهـم وصـدورهـم بـأيـمـانـهـا ملـيّـه=زمرة (ن) عـلى الله توكـلـوا كـل تـوكـيـل
بـيـن الــرجــاء والـخـوف وأعـمـالاً خـفــيّـه=مــاضـاعــوا بـيـن تـســويـفــاً وتـأجـيــل
فـاهــمـيـن دنــيـاهــم عــسـرهــا والــرخــيّـه=عـارفـين طـيّـبهـا و خـيّـبهـا والـفـطـاحيـل
مـاتــغـــرهــم لـو بـرقــت لــهـم زهـــيّـه=يسمـو عـرفـهـم بـقـدرً وعـقـلاً وتـثـقـيـل
من عـصـر آدم مادامـت الدنـيـا لـلصـيـرمـيّـه=تـقـبـل وتـقـفـي بـنـكـبـات(ن) وغـرابـيـل
احـد(ن) فـيـهـا يـشـكـي بـدتــه مـاهـي ثـريّـه=ولــيــا عــمّـسـت مـايــلــقـى تـســاهــيــل
واحـد(ن) يـشـكي شـجــرتـه ماتـظـلـه بـفـيّـه=ذراها مـايــذرّي مـن حــر الـشــهـالــيــل
واحـد(ن) يـشـكـي حـجــرتـه مـاهـي دفــيّـه=مـأيــدفـأ بـردهـا ولحــافـه شــمـاشـــيــــل
واحــد(ن) يـشـكــي مـطــايـاه ركــبـاً رديّــه=تــقـعــد بـه مايـصـل بـهـا مــواصـــيـــل
واحـد(ن) يـشـكي شـخـصـيـتـه ماهـي قــويّـه=يـقصر بـاعــه لـيـاناف كل بـاعـاً طـويــل
واحد(ن) تسـهـجـه اوجيه(ن) بـلـيّـا قـضـيّـه=كـأنـه في مـصـيـدة تــرصـدلـه محـابــيـل
يـســهـجـه مـفــاشــيــر(ن) كــابـــريّـــه=كـبّـرتـهـم دنــيـاهــم عـلـى غــيـر تـدلـيـل
اسهـجـوه لـقـل المـون كـنه بعـصـر الجـاهـلـيّـه=غـيـر ضعـف المون مافـيه خله ولاتخاليل
بـصـرح الـخــلاء كـبــوه مـالـه مـنـا صــريّــه=تــرثــابـه اهــمـومـاً اهــاويها مـقـاصـيـل
حـتـى أصـبـح يـعـاني أوجـاعـه والـمـحـقــريّـه=يشـكي وحـدتـه وقـل العــون والمـداخـيـل
يـسـهــر لـيـا نـامـت عــيــون الـبـشــر هــنـيّــه=يـعـانـي مـن دنــيـاه مـايــبـهـت الـحــيــل
كــانـه بـــديــاراً خـــلــيـــه مــهــــمـــهــــيّـــــه=كـل ماطـرق أبـوابـها يـلـقــاهـا مـقـافــيـل
وإن ضـــاق صــــدره ولا لــقــى اعــــونـــيّــه=يـصبح تفـكيـره هـمـوم ونـومه هـجا ويـل
يــصـــارع دنـــيـــاه مــــع كــل فــجــاً ونــيّــه=بـين الرجـاء ويـأس(ن) أبـداله مستحــيـل
يـسـعـى لعــزهـا مـاوده مـشـاكــل(ن) شــريّــه=ولا وده بــغـــلـــب أيـــامــاً مــواحـــيـــل
ولا وده يـحـلـل مـكـرهــا ورخـا أيـامـاً فــتــيّـه=ولا وده يجـرب مرهـا وعـسـر التـهـويـل
وده يـسـلـم مـن آثـامـه ويـسـلـك طـرقـاً عـذيّـه=ويـتـــزود لـــوقـــتـاً مـافـــيـه تــمـهـــيــل
يـعـمــل بـحــق وأحــكــام وأنــواراً مـضـــيّــه=يـأخـذ ماله ويعـطي ماعـلـيه بـدون تدلـيل
فـــقـــيــه عـــارف لـــو مــاشـــاور اشــوريّــه=يـعـرف الصــح والمـزح والـمـصــامـيـل
يـخــفــض جــنـاحــه بـالـلـيـن والـمـعـســـريّــه=شـجـاعاً كـريـم طـبـعـه زيـن الــدوالــيــل
مـاعـاصر الـشـحـاح ولاثـنـوه بـطـبـوع سـيّـه=ولا هـو بـخـيـلاً هـمه كـنــز الـتــوامــيــل
سـديــد رأيـه مـرفـوع الـرأس والـمــعــنــويّــه=طــرقــه يـســلـكـهــا بـكـل الــتـــواســـيــل
مـع طــرق الــهــدي وأمــور(ن) شـــرعـــيّــه=يــدل بــدلــيــلـه مــن عــــرف تـجـلـــيـــل
نـهـج الصـواب صـوبــه وصـوب الــرعـــيّـه=ســديـــد رأيـــه مــن رأي الــمــفــاتــيـــل
ماهــو من الـلــي نـفــســه لـلـدنــيـا شــــهـــيّــه=اللي يـنــزلها لمـهــاوي الــردى تــنــزيـــل
ولا هـــو طــمــاع(ن) مـايـــواســي بــوســـيّــه=الـلـي مالـه فـالخـيـر قـدر(ن) ومـفـاعــيــل
ولا هـــو الـحــاســد الـلــي بـحــســـده دهـــيّــه=يـصـد رزق غـيره بحراب(ن) وشـلاشـيـل
يـبـغى الـدنـيـا لـه ما يـشـارك مـعــه اخـشـريّـه=عـمى البصيـرة للشـيطـان بصدره مداهـيـل
ولا هـو من اللي بهـرج الـنمات يحـدث دعــيّـه=يـثـيـر الـشـك والنكـد بين الوجيه الـبهاليـل
ولا هــو بـخــيـــل(ن) مـا يـهــجــي بـهــجــيّــه=يـبـقـى الـحـرص يــرفـعــه فــوق اطـاويـل
ولا هـو مـن الـلـي يـضحـي بـأمـوالـه ضـحـيّـه=يـنـفــقـهــا ريـاء ولـلـمـفـــاســد مـنـاهــيــل
لكــنـه مـن الـلـي فـي أمـور دنـيـاهـم فـقـيـهــيّـه=مـالـبـّســوا صـوابـهـا بـخـطـأ وتــضــلـيــل
ولا يـصـيـب الصـواب غـيـر أهل قـلـوبً حـيّـه=ماتـغــيّــر مـواقــفـهـم في شـمـسً وظـلـيـل
متوكـلـيـن عـلى رباً يـعـلم أسـرار(ن) غـيـبـيّـه=ربـاً تـكـفــل خـلـقــه بــالأرزاق تــكـفــيــل
الــواحــد الـمــعـــبـــود قــــوي الـمــقــــدريّـــه=مفــرّج الـهـمـوم والحــمــول الـمــثـاقــيــل
مــكــون الـكــون وحافـظـه مــيــت(ن) وحــيّـه=عــالــم الـغــيـب فـأيــتـه والـمــقــابــــيـــل
مـبـدل الـعــسـر بـتـيـســيـر ولـيـن وعـاطـفــيّـه=منـزل المطر ومروي العـطـشـان بالسـيـل
خــــلا ق الــمــعـــدوم بــايـــديـــه الــســخــيّــه=خــيــره ورزقـه مـا وزعـــوه بــالــكــيـــل
يـعــطــي ولأسأل كم عـطـاء وكـم الـبــقــيّــه=خــيـراتـه لـخـلـقــه جـزلات(ن) معـاجـيـل
وخـــتـــامــهــا تـحــيــه لأخــــوانــي هــــديّـــه=عــدد مـاخـط الــقــلـم وأرســل مـراسـيــل
وصلاة ربـي عـلـى خـيـر خـلـقـه عـبـده نـبـيّـه=عـدد ماهـل من هـتـان المـطــر هـمـالـيــل