|
قصيده مهداه لقبيلة شمر .
مساكم الله بالخير هاذي قصيدة شبه ارتجاليه مهداه لاحد الضباط وهو يرفض ذكر اسمه من طيبه وعادة الشمري الطيب . يقول من عد الصحيح لسانه والصدق ساسه من على جدانه ما نمدح الخايب ولا نظلم كفو وكلا" يجود اما تجود ايمانه ابمدح اللي فعلهم يستاهل قبيلة ساس الفخر واركانه لقيت في شمر مزاين عده ونا من اللي هرجته بعيانه لقيت في شمر جوارا" طيب ولقيت في شمر كرم وامانه واصل الكرامه نابعه من شمر من وقت حاتم والعنا بزمانه ويا حظ من كان الطنايا فزوعه ويا قشر منهم فالقا عدوانه ولو بتقصوى فعلهم ما حصيته كود احصي المبصر من العميانه ابن رشيد اللي شهير بفعله جنازة من جاه جته اكفانه واموت والله ما نسيت الجربا شيوخ تنجي من ورا الزنزانه وياحي والله فعلكم يا طواله يوم" كلا" معتلي فحصانه والظابط اللي هاظني في مدحه يا زين والله رتبته فمتانه احدا" تقصر في ذراعه نجمه واحدا" تطول فالقا ذرعانه قلته وانا من لابة" مشهوره من القصيم اليا حدود كنانه حرب الحرايب ناصرين المله ومجدلين الخصم في مرحانه النا ثلاث" تنعرف وتسمى والكل يعرفها وتسمع ذانه الخوه اللي ساسها بنويشي امع الكرم في حجرف بضيفانه والجيره اللي تشترى فبلادي كلا" شهدها واشهدوا عدوانه وكل القبايل فعلهم موزونا والكل يعرف طيبه وميزانه والعذر يا شمر ليا قصرنا يا تاج كل العز واغلى اثمانه وختامها صلوا على سيدنا اعداد برقه وارعده وامزانه وسلامتكم . |
¨°o.O ( ×××××××) O.o°¨
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح السانك مليون على هالقصيده وشمر يستاهلون المدح لك اجمل التحايا |
لاهنت وصح السانك
تقبل التقدير والاحترام وفقك الله |
اقتباس:
صح بدنك ووجهك ابيض على المرور العطر . |
اقتباس:
صح بدنك يالغالي والله لا يهينك على المرور العطر . |
اقتباس:
صح بدنك وشاكر مرورك الكريم . |
الأخ / عاشق نجد ..
صح الله لسانك وسلم فكرك وعقلك وبصفتي أحد أبناء قبيلة شمر ومتواجدبينكم ياحرب ويعلم الله أني أعتبر نفسي واحدا من قبيلة حرب التي أفخر بتواجدي بين أبنائها الكرام ،،،،، أشكرك نيابة عن شمر عامه وليس بغريب الوفاء منكم ياحرب وبيض الله وجه ابن عمي اذا جملنا عندكم وانتم تستاهلون كل خير ... |
الساعة الآن 08:10 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir