العشق مردوده على العِشَاق مكروه وخطير =إن ماسقى نبض القلوب البيض يكويها كوي
لو انه أحلى من العسل مثل الرحى اللي تستدير=يمشي مع الدرب العسير ويترك الدرب السوي
وأنا دخلت لبيته العامر مع الباب الكبير=بالمجلس اللي يحتوي من يتجهله مهتوي
ولا نظرت بعيني إلا للمها اللي تستذير=الجادل اللي من كسبها كاسبٍ ربع وخوي
أبدت مفاتنها وغرتني وانا ماني غرير=وأنحيت معها عقب ما سيلي على البعد انحوي
من حسنها يسوقني لعيونها سلك الحرير=لين اعسفتني للهوى عسف الجمل وأنا قوي
هذا وانا جدي راع الميقاف والسيف الشطير=إبن فضيل اللي من الدم الحمر شِّرب وروي
و((خوالي)) اللي ينطحون القوم لاصاح النذير=روس الرجال من(( اهل العرفاء)) على القاع تهوي
لكنها ماتعترف لا بالشجيع ولا الأمير=خلت ذيابة نجد في روس المراقيب تعوي
تفتن ولكن باسها بالناس شره مستطير=إليا تمكن من يد الرجال يلويها لوي
يكفيني الله شرها غرامها مافيه خير=ليا اضحكت لي يوم عشر ايام تكويني كوي

المشاركة الأصلية كتبت بواسطة فهد إبن فضيل (المشاركة 1077763) السلام عليكم ورحمة الله وبركاته اعزائي: أعضاء وزوار ملتقى حرب الرسمي أشغلتنا الدنياء الله يكفينا شرها حتى عن كتابة الشعر فأرجوا العذر على الانقطاع هذه ابيات كيبورديه جت على الطاير أتمنى تعجبكم وارجوا الصفح عن التقصير العشق مردوده على العِشَاق مكروه وخطير =إن ماسقى نبض القلوب البيض يكويها كوي لو انه أحلى من العسل مثل الرحى اللي تستدير=يمشي مع الدرب العسير ويترك الدرب السوي وأنا دخلت لبيته العامر مع الباب الكبير=بالمجلس اللي يحتوي من يتجهله مهتوي ولا نظرت بعيني إلا للمها اللي تستذير=الجادل اللي من كسبها كاسبٍ ربع وخوي أبدت مفاتنها وغرتني وانا ماني غرير=وأنحيت معها عقب ما سيلي على البعد انحوي من حسنها يسوقني لعيونها سلك الحرير=لين اعسفتني للهوى عسف الجمل وأنا قوي هذا وانا جدي راع الميقاف والسيف الشطير=إبن فضيل اللي من الدم الحمر شِّرب وروي و((خوالي)) اللي ينطحون القوم لاصاح النذير=روس الرجال من(( اهل العرفاء)) على القاع تهوي لكنها ماتعترف لا بالشجيع ولا الأمير=خلت ذيابة نجد في روس المراقيب تعوي تفتن ولكن باسها بالناس شره مستطير=إليا تمكن من يد الرجال يلويها لوي يكفيني الله شرها غرامها مافيه خير=ليا اضحكت لي يوم عشر ايام تكويني كوي