الجرح جرح القلب لا صار مجروح = ياللي جرحته كيف ترجي رجوعه
ماقلت لك من دورة الوقت مسموح = ما أسامحك لو قلت فالوقت طوعه
يابنت خليني عـلـى قــمــة الـسـوح = أناجـــي هـمـومً بـقـلـبـي جــزوعــه
أجاوب الورقى على نايـح الـــدوح = وأشيل معها البيت مــع كل لــوعــه
يابنت لـو تـدرين عـن كـل مصلوح = ماتنشدين الوقت عن كل صـــوعــه
لـو تعـرفين بـداخـلـي كـل مـكـبـوح = كان المسابق مـن دموعـك فزوعـه
يابنت مـا بيح و لا خـاطـري بـــوح = و لا يبيح المكنون لأذنً ســمــوعـه
الحمدلله صدري اليـوم مــشــروح = لـو ضاقت الـدنيا علينا وســـوعـــه
والحمد للي عالمً خـافــي اللـــوح = عطاه من جوده و لا هي مـنـوعــه
الأدمي لو يبني بيوت و صـــروح = ما غــير رزقـه يأخـذه في وقـوعـه

المشاركة الأصلية كتبت بواسطة سعد المحمدي (المشاركة 1068516) الشاعر القدير بدر الحداري صح لسانك وعتلا شانك

المشاركة الأصلية كتبت بواسطة بخيتان البشري (المشاركة 1068616) صح لسانك شاعرنا القدير بدر الحداري وبيض الله وجهك

المشاركة الأصلية كتبت بواسطة الكحيلة (المشاركة 1068628) صح السانك وسلم بيانك نص راائع يشد القاري لمتابعته

المشاركة الأصلية كتبت بواسطة رابح الجحدلي (المشاركة 1068674) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك