سلام تسليمه من الطرقي كما ريح الورود
 

السلام عليكم
جيت طرقي وابا اتسلا مع النشاما :)

لاكن انا اشارك من الجوال واللي بيرد على لا ينسق يكتب مثلي لان التنسيق مايبان فالجوال يخفي الرد




سلام تسليمه من الطرقي كما ريح الورود
تسليمةٍ تضفى على روس النشاما كلها



انا ادري ان الوقت هذا بين نقص وبين زود
لاكن عسى ربي يديم اللي يضلل ضلها

و عليك السلام و رحمة الله
و كما تحب يا الطرقي بدون تنسيق

و استلم

يا مرحبا بالطرقي اللي من ورى سدّ السدود
يرسل من الجوّال ردّه ثمّ يشْرط حلّها

ايقول لا تْنسّق في ردّك يا ملا وجْد الوجود
و ايخاف من ثورة جديدة ما عرفْنا شكْلها


.

ارحب ياعبيدالله الله حيه
ا

يالله لعل ابك البقا ياللي تجود بماتجود
ترسل لك اهل المعرفه بخبارها ورسلها


ان لاح براق المزون اللي تقفاه الرعود
اشرب منه واللي تبا عذب المشارب قلها

صحت السنتكم بيض الله وجيهكم يا الناشاما

حياك الله و يا هلا و مسهلا


عطنا علومك يا عميل الخير يا نسْل الفهود
وش جابكم يمّ الديار اللي سريع ن خيلها ؟

ان لاح برق ن فالسما خيره على الدنيا يعود
و اللي شرب من صافي الجمّه ما يقْطع حبْلها


.

السموحه عندي ضيوف حالياً

افضى بعد ساعه وشوي

¨°o.O ( ×××××××) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم