يامن بسط سبع وسبع بناها=منشي من المنشا هماليل الامطار
لك مبتدى الدنياولك منتهاها=علام ماتخفيه من غيب واسرار
ادعوك اغثنا يامغيث بوطاها=غيث يسوق من اول الوسم مبدار
تروي به أرض قاحله من ظماها=ثلاث سيلات تعاقب بمبكار
يعلها ودان ديم وداها=تطرخ ملاطيم الخباري لها أدوار
وبعده محول الارض تلبس رداها=من كل طالع تكتسي جرد الاقفار
بالروض لانسنس نسايم هواها=تومي نسانيس النسايم بنوار
هذا مناي وكل نفس ومناها=الله يبدل شهبها بخضر الاشجار
معنى القصيده جوهرة محتواها=تذكيروالتذكير نور من الانوار
بحقوق تال الوقت شفنا إعتراها=النقص والتهميش مع قل مقدار
علة عصر يبحل بهامن شكاها= للجار يمضي عام مازاور الجار
ولابه موانع يامكافي بلاها=شغل بليا أشغال تبرم به أعذار
وأخس جيره قلل الله حلاها=لو تسأله عن أسم جاره به أحتار
ماذي عوايدنا ولاحد مشاها=إلا ضعيف هف مع جرف تيار
أذكر حقوق الجار يامن نساها=قدر حقوق الجار ياساكن الدار
حقوق ربح رجل لجاره عطاها=ياطيب فال اللي به الوصل عمار
زوره وناب الجار بازكى نباها=الجار له شيمه وقيمه ومقدار
ادمح لها الزلات ماكن تراها=واجعل خطايا الجار في عينك اصغار
وصابها مسرج بهديه دجاها=عظم حقوق الجار تقدير وإكبار
بشروح سنة سيد الخلق طاها=تاجب على المؤمن للمسلم وكفار
سلم العرب للجار يظفي وفاها=من السلف جت للخلف قول وأشعار
اعطر سيرفيها الفعايل تباها=بالمعجزات اللي لهاذكر وأذكار
أجمل قصص جيران شع بفضاها=نور الوفاء والتضحيه بين الاخيار
زحول الرجال اللي بعيد مداها=ماعاشوبوقت تسلي وتذكار
بجزل العلوم اللي زماني وطاها=إلا بواقي مع قلايل من إكثار
أهل النقا الي ماغوت مبتغاها=تشري بسوق الطيب مرفوع الأسعار
بالحضر والبدوان ناس تراها=مع منهج أهل السمت والطيب عبار
ومن خلقت الدنيا خطاها وقداها=لوهي خلت بلت مابهاء نكار

وأخـس جيـره قلـل الله حلاهـا=لو تسأله عن أسم جاره به أحتـار
مـاذي عوايدنـا ولاحـد مشاهـا=إلا ضعيف هف مـع جـرف تيـار
أذكر حقوق الجـار يامـن نساهـا=قدر حقوق الجـار ياساكـن الدار

بحقوق تال الوقت شفنـا إعتراهـا=النقص والتهميش مع قـل مقـدار
علة عصر يبحـل بهامـن شكاهـا=للجار يمضي عام مـازاور الجـار
ولابـه موانـع يامكافـي بـلاهـا=شغل بليا أشغال تبـرم بـه أعـذار
وأخـس جيـره قلـل الله حلاهـا=لو تسأله عن أسم جاره به أحتـار
مـاذي عوايدنـا ولاحـد مشاهـا=إلا ضعيف هف مـع جـرف تيـار
أذكر حقوق الجـار يامـن نساهـا=قدر حقوق الجـار ياساكـن الـدار

إقتباسي لهذه الابيات ليس تقليل من شأن بقية القصيدة
فهذه الابيات تحكي مانحن فيه الآن من شأن حق الجار
صح لسانك وجمل الله حالك على هذه القصيدة الجزله
دمت مبدعا