ياهاجسي شد الهمم والعزايم / وهات البيوت الشامخات القويه
 

ياهاجسي شد الهمم والعزايم
وهات البيوت الشامخات القويه
نبي نسوق من المدايح حسايم
فيها على رد الجميل احمويه
مارددت وسط الفرح والولايم
ولاجابها شاعر يميدح ذويه
مثل الذهب لاجاك صبه قوايم
ومثل الدراهم في عيون ابدويه
للي من الاصحاب قربه غنايم
وطيبه ينومس واسمعوني شويه
اسمه فهد ياهل الفعول العظايم
نعم الخوي لاصار هذا خويه
ابو خلف وان لامني فيه لايم
رجل على العليا عزومه قويه
واليا مدحته مامدحته ظلايم
له بالكرم اسم ورصيد وهويه
ارسل ايعاتب ويتشره ولايم
ويسأل عن اسباب الغياب ودويه
ويقول قل الوصل يبغى قسايم
وحجز وسجن ومرافعات ولويه
وانا علي ظروف قشر وخصايم
وحظ نفخ راسي ابكاه وعويه
والله لو لا خوته والحشايم
لترك جميع الناس واخذ زويه



عبدالعزيز مناور الرويثي الحربي

صح لسانك
شاعر عانق السحاب بحروفة الذهبية
تقديري لك

بريق السماء

صح بدنك وماعليك زود يالامير

صح بدنك وماعليك زود يالامير

ووجهك ابيض

صح لسانك يابو سعود

صح بدنك يابو تركي