|
محمد الربيقي و فالح الغنامي
هذه محاوره بين الشاعرين القديرين الشاعر /محمد عبيد الربيقي والشاعر /فالح الغنامي
اتمنى من الله أن تنال على رضاكم واستحسانكم فالح الغنامي
مرحبا عند الرجال اللي هقوايهم بعيده =فالسنين الحاضره والا السنين الماضياتي عين يم أهل الرياض وعين يم أهل بريده =المواقف حاميه والباقيات الصالحاتي محمد عبيد
والبقا لأهل البقا والله يدبر مايريده =بالسنين الماضيه والحاضره والمقبلاتي التفت بعيونك اثنتين للموضوع سيده =لا تصافقك الروابع تصبح أفكارك شتاتي فالح الغنامي
ياعسى برق المزون اللي مخايلها سديده =عقب خيل ترتوي منها الكبود الضامياتي يامحمد لو مليت وعاءك من بركة زبيده =كان أبشيمك وقدرك تقديري لذاتي محمد عبيد
أبشروا بالخير يا الأجواد والرحله سعيده =والسماء أشوفه يلوح بروق من كل الجهاتي كل يومٍ تطلع الحساد بوجيه جديده =والصحيح الواقع المشهود واللي فات فاتي فالح الغنامي
أنت خلك منتظر لين الاحساء ترجع مديده =ياعسى تمر الاحساء يملأ البطون الجايعاتي يوم أعاين في حلال البدو ماباقي شريده =ليتهم جاروا زمنهم فالظروف القاسياتي محمد عبيد
الضعيف اللي يحط الذيب نابه في وريده =والفهيم اللي تبين الشمس صاحي مايباتي العوارف ماتبا طق الحديده بالحديده =والعواذل ياطويل العمر ماتبقا السكاتي فالح الغنامي
الضعيف اللي يجي ويروح والهرجه تكيده =يامحمد ودي أوصيك وانت إحفظ وصاتي القصيده شامله والعلم في بيت القصيده =إعرف إني مالقيت انسان مثلك في حياتي محمد عبيد
بارك الله فيك كلٍ حافظٍ جيبه رصيده =إن بقيت العلم ياشاعر غناتك من غناتي
|
|
مشكور ابو ناصر صح السان شاعرنا ابو عبيد ماقصر وصح السان الغنامى محاوره ممتازه
|
بيض الله وجهك يابو ناصر
وحقيقه هذي محاوره جزله وبعيدة المغزى كلاهما شاعرين معنى الغنامي وشاعرنا المبدع محمد ابن ربيق والغنامي خطير وابن ربيق سوى له ابريك وهدى من مغزاه وحقيقه محاوره مميزه ومن اروع ماقرأت من المحاورات ذات الهدف الراقي والبعيد عن التناحر القبلي تحيتي وتقديري |
¨°o.O ( ×××××××) O.o°¨
الله يـعـطـيـك الـعـافيـــــــــــة على الاخـــتيار المــوفــق وصحت السنتهم بيض الله وجهك |
بيض الله وجهك على الاختيار الموفق محاورة خطيره |
الساعة الآن 07:54 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
