ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   ملتقى المقتطفات الشعريه الشعر الفصيح والزواميل واالقصائد المنقولة (http://www.m-harb.net/vb/forumdisplay.php?f=99)
-   -   ابيات مختاره للشاعر سعد المحمدي (http://www.m-harb.net/vb/showthread.php?t=155084)

سعد المحمدي 09-08-17 05:35 AM

ابيات مختاره للشاعر سعد المحمدي
 
ملف القضيه تم حفظه يابن مكتوم
بعد ماقفلنا الباب لاتفتح الطاقه
ترى الوضع صاير فيه بعد العلوم علوم
اشوف السحاب اللي نشا لاح براقه
تبي علم فارس بالشدايد يصد القوم
لاتمسح دموع المبتلى وانت خناقه

سعد المحمدي 09-08-17 05:37 AM

العام حطيتك على راس مشراف
وحطيت في محزمك مية رصاصه
واليوم في ماقلت ماعندك انصاف
ان كان ودك بالكلام الخلاصه
شريف مكه تعرفه كل الاشراف
يالقاضي اللي دون كرسي وماصه

سعد المحمدي 09-08-17 05:38 AM

خذ من كلامي مايهمك بدنياك
اعجبك والا خل هرجي مكانه
عدو جدك لو ضحك لك وحياك
وبالهرج حطك واحدن من خوانه
لابد مايلوي مع الوقت يمناك
ويسقيك من كاس الكدر والخيانه
تسهل عليه اليا درى عن خفياك
يحتاج وقتك بعد شوح وذهانه
ولا تصير شماعه لذولا وهذولاك
اشرف على راس الجبل عن طمانه

الحب الباقي 09-08-17 09:55 AM


تسجيل تواجد في منبر الجزاله
صح لساانكـ
بيض الله وجهك

سعد المحمدي 09-08-17 07:31 PM

الحب الباقي
صح ببدنك وسلمت ودمت

سعد المحمدي 10-08-17 12:01 AM

*دنياك ماعندك عليها مضامين*
*لابد ماسود الليالي تفاجيك*
*قبلك طوت صفحة رجالن مسمين*
*خلك حذر قدام الاقدار ترميك*
*لو عشت فيها ايام وشهور وسنين*
*لازم تودع حي فيها مصافيك*

*سعد المحمدي*

الكحيلة 12-08-17 10:27 PM

انتقا رااقي


صح الله السانك
لاهنت
شاعرنا الكبير
المحمدي سعد

محمد بخيت الحناحنه 12-08-17 10:59 PM

صح لسانك وبيض الله وجهك

الجرح 17-08-17 11:01 PM

لاهنت وصح السانك

تقبل التقدير والاحترام

وفقك الله

فهد ابن غانم 28-10-17 11:05 PM


صح الله لسانك
ولاهنت
وسلم فكرك وبنانك
دمت برعاية الله وحفظة


سعد المحمدي 09-06-18 07:40 AM

هذا زمانٍ فيه صير مغفل

في حال والا حال خلك صاحي

يجيك فيه الجاهل المطفل

ويجيك فيه السارق المزاحي

ميز مابين اهل الوفاء وسفل

دنياك تبغى معرفه وكفاحي

واللي يضوي بالمراح الغفل

خله يوده بالزمن ويتاحي

نبرة حزن 09-06-18 11:20 PM

ابيااات رااائعه
دمت وداام إبداعك
تحيتي لك

سعد المحمدي 30-08-18 12:19 AM

والله اني كل ماشفت الرجل متقلب

عنه اصد الصده اللي مابعدها صده

دام مزنه كل ماحنة رعوده خلب

كل مامره مدور للحيا ماعده

واجد اللي من كشوفاتي عليه امصلب

في زمن ماينعرف مزح الفتى من جده

منير الهرساني 07-09-18 03:01 PM

صح لسانك وطاب زمانك

سعد المحمدي 22-09-18 06:56 PM

أحب الوطن حب العصافير لتغريد

وأحب الملك حب الملك للوطن والشعب

حماك الولي ياموطن العز والتوحيد

من المغرضين اللي تثير الفتن والرعب

نجدد ولانا للملك دون شرط وقيد

زعيم العروبه درعها بالنهار الصعب

سحر المساء 23-09-18 04:15 AM

صح لسانك ياسعد المحمدي مدد بلا عدد
ابيات جميله
راقتني واستمتعت بقرائها

ابوهليل 25-09-18 05:01 AM

جزل يابوتركي

صح لسااااانك ملاااااايين

سعد المحمدي 05-11-18 08:46 PM

*دق المنبه مادرى للمنبه*
*راع العيون الحول مسموم الافكار*
*ينفخ على جمر الغضى لين شبه*
*وطار الشرار من الهوا واشعل النار*
*العام في حلقه عن الهرج طبه*
*اسمه ماسجل في سجلات الاحرار*
*واليوم طاحونه طحن فيه حبه*
*ياعل ماهو من طويلين الاعمار*

سعد المحمدي 03-04-19 10:49 AM

الجمت في ذكر الحقايق يابو غيث
اللي يحاول طمس بعض الحقايق
انشهد انك ليث ومخلفك ليث
محزم ظفر لاولعوها حرايق
للحسد ياراع الحميه مواريث
مورثينه @ للفايق @ لفايق
وقت السعه تنهق حمير المحاريث
ويعوقها لاصمل العلم عايق

سعد المحمدي 03-04-19 10:51 AM

دريت باللي دار خلف الكواليس
وحطيت نفسي كن ماني بداري
بعض الامور اقيسها بالزمن قيس
وبعض الامور اصير فيها انتحاري
ان جيت يطفي نور كل الفوانيس
وان غبت غني ياطيور الكناري

سعد المحمدي 11-05-19 11:47 PM

*الميت اللي يشتكي مظلمة حي*

*جاني وعلمني بكل التفاصيل*

*قال اااه يادين ٍعليه وماقضي*

*ومافيه امل حتى السنين المقابيل*

*وانا بحياتي ماملكته له اعطي*

*واليوم بالبرزخ لاحيله ولا حيل*

*صحيت متوتر وحالي بعد سي*

*ومن دمعي الغالي مليت المناديل*

سعد المحمدي 20-06-19 03:33 PM

لاقل تقدير الرجل لرجاجيل
بالهرج مايميز خطاه وصوابه
يلقى من اللي يشربون الفناجيل
قرم ٍ يحطه بين ضرسه ونابه

سحر المساء 21-06-19 11:05 PM

موضوع جميل
وفعلا ابيات بقمة الروعة
حياكم
احترامي

سعد المحمدي 22-06-19 03:36 AM

اقتباس:

المشاركة الأصلية كتبت بواسطة سحر المساء (المشاركة 1460717)
موضوع جميل
وفعلا ابيات بقمة الروعة
حياكم
احترامي

سحر المساء
الاروع مرورك

سعد المحمدي 21-07-19 01:18 PM

ياكثر ماشوفك بصدر المضيفي
تاكل والا توكل نشاما توكلك
صحنك دايم فوق رفه نظيفي
ماجهلك لو غيري من الناس يجهلك
سليط بالسانك وعقلك خفيفي
حاسد ومدح عيال عمك يزعلك

سعد المحمدي 03-08-19 04:40 PM

لاصار مالك عند ربعك قبولي

اكيد منته عند الاجناب مقبول

عيد النظر في سيرتك يامهبولي

قدام لاتصبح عن الناس معزول

على الخطا لاتصير دايم ميولي

منته على العالم موكل ومسؤول

انصحك لايغرك قريع الطبولي

الناس تعرف كل صاحي ومهبول

سعد المحمدي 09-11-19 12:11 AM

ياللي تحاول بالزمن ترضي الناس
الناس يارجال كايد رضاها
قد قيل مرضيها مثل طابخ الفاس
حضيض يامخلوق سالم غثاها
بعيد عن مايوجع الكبد والراس
في ديرتن يكفيه نفحة هواها

سعد المحمدي 04-12-19 06:40 PM

ماني بشاعر طهبله يابو سولاف
دور وتلقاني نهار المواجه
ادري زعل نايف على شان نواف
وانا الحسد والحقد ماملك علاجه
املك بعيدات المرامي والاهداف
اليا غطا روس النوازي عجاجه

سعد المحمدي 29-12-19 09:15 PM

مليت جوالي بكثر الرسايل

لافايده منها ولا شعر راقي

لو يوم ترسل وانت يابس بلايل

لك احترام اقف على عظم ساقي

مير انت ياكافي تضيع القوايل

فخامة السيسي تحطه عراقي

سعد المحمدي 06-01-20 08:25 PM

يامنفعل وانته ماتقدر تفعل
ارضاك لاسنه ولاهو فرضا
اما أتبعك والا عليه تزعل
ازعل لعلك بالزمن ماترضا

سعد المحمدي 22-01-20 01:02 AM

يوم المحازم تغيض وتمتلي وينك
ماشفت لك في سمايه برق وخيالي
واليوم تشره عليه تبت ايدينك
وانته ماتسوى صدى صوتي وموالي
نفسك كبيره عليها ربي ايعينك
ماقول غير الله الله يستر الحالي

سعد المحمدي 23-01-20 02:30 AM

رفيقك اللي لامدحوك الرجاجيل
ضاق وتكدر خاطره في ثواني
عليه لو تجري بحوث وتحاليل
تلقاه من بعض المشاكل يعاني
ياحاسدن لو تغسله بازرق النيل
ماعاد ينظف يالله المستعاني
ياخبل فكره سمموه المهازيل
سهاجة الواجب رجال الهواني

سعد المحمدي 07-02-20 02:56 AM

الشايب اللي عياله بين خبل وخبيث

انشهد انه ماخلف لشدايد عيال

لو يرفعون الاذان ويحفظون الحديث

المشكله في مرض بين الكلى والطحال

يافالح الراي نارك في شبابك وريث

واليوم طفوا سناها عابدين الريال

غيث الكبود العطاشا قبل ماتستغيث

دنياك ياحارس الخزنه مداها الزوال

سعد المحمدي 08-02-20 02:58 AM

مشعل الضوي

‏لا شفت من يزعل بليّا خطا منك
‏حاول عن اسباب الزعل لا تقصّى

‏أمّا لقى نمّامٍ مسولفٍ عنك
‏و الّا على ما قيل خبلٍ موصّى

مجاراة سعد المحمدي

ياطيب منطوقك وياطيب معدنك
شاعر اعجابي فيك عزوه ونصى

الوقت لااخلف في مسارك توازنك
في مثل مقطوع الرجا لاتعصى

سعد المحمدي 11-02-20 10:46 PM

ياشاهد الزور جعلك من دبور بدبور
الناس تعرف قرى مكه وسكانها

الكلمه اللي تبيها للتقارب عبور
يابعد عنها الصواب وبعد برهانها

خصمك سبيل المزيني في نهار النشور
لابد مايقبض الارواح ديانها

لاشفت كلب الرفاقه لرفاقه عقور
ابعد عن السكه اللي رابض اوزانها

سعد المحمدي 20-02-20 08:49 PM

اليا مدحت امدح كفو يستاهل
يامقرب الولعه من القداحه

حاولت في مدحك وعيا الهاجس
يقول غيرك لردي مداحه

فهمت والا ياعسى ماتفهم
جاك الكلام اللي علي ايضاحه

الطيب للطيب هدف وعشاقه
تموت ماعلق عليك اوشاحه

سعد المحمدي 10-05-20 09:38 AM

لاجيت ابطوي صفحة الشعر وارتاح

واترك جديد القيل واترك قديمه

اخاف جرح ٍ مايداويه جراح

عواقبه بالوقت تصبح وخيمه

وتغيب باللي لثقيلات نطاح

وقت العوافي حول قدر الوليمه

سعد المحمدي 10-05-20 09:40 AM

‏الفاطر اللي ماستوت والعظم ذاب

‏ياليت مدهون الشنب ماطبخها

‏لقيتها وحترت في بعض الاسباب

‏ترغي بعد سلاخها ماسلخها

‏يامعرب الجمله على غير الاعراب

‏سوات من جمرة شليله نفخها

سعد المحمدي 16-05-20 07:07 PM

ياطير ياللي فوق خضر ٍ مواريش
عطني وانا ابعطيك يامبعد الحوم

اعطيك قلب ٍ قافله معه بالشيش
من ماجرا له كله احزان وهموم

وعطني جناحينك فدوك الخفافيش
اللي سببهم حجرنا صار محتوم

ابغى نهار العيد ياصافي الريش
اعايد اللي وصلهم فيه ملزوم

سعد المحمدي 10-06-20 08:14 AM

بعد ديس المنيحه مابقى به مايبل الريق

تقول انت المبداء والهدف تمثيل
وسياسه

سوالف جالها من سفرجي في سوقنا تسويق

بعد معلن زعيم المافيا عجزه مع افلاسه

مع الطاقه علينا بعد قفل الباب كيف تويق


كبيره وانت مايجهلك خف شعيل من راسه



الساعة الآن 03:14 AM

Powered by vBulletin® Copyright ©2000 - 2022, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi