ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلتــقــى دواوين شــعــراء الــقــوافــي (http://www.m-harb.net/vb/forumdisplay.php?f=82)
-   -   ديوان الشاعر / فايزموسى البشري (http://www.m-harb.net/vb/showthread.php?t=119416)

فايزموسى البشري 15-06-12 04:59 PM

ديوان الشاعر / فايزموسى البشري
 
بسم الله الرحمن الرحيم
اعقول البشر
اعقول البشر ماهي سواء والحياة دروس = عليها تجارب كل عاقل يعــــــــــــــبرها
تمر التجارب والتجارب انتــــــاج انفوس = حسب سيرة الاحداث والوقت سطــــرها
شهادة تقدم فالزمن ماعليـــــــــــها افلوس = وجميع التجارب تنوخذ من منــــــابرها
بها العاقل الفهمان راس ٍ يروس الروس = حكيم ٍ لبيب وحكمته من مصـــــــادرها
بعقله يعرف السيف وام الفشق والموس = ولو يقدر لتكسير الاعضاء يـــــــــــجبرها
وحد عايش بعقله مثل عيشة الجاسوس = مع العجة اما قبلها او جاك ســــــــــابرها
وحد عايش بحوسة يامحيوس وإلا يحوس = يمرك يجر او مر قدمك يـــــــجرجرها
وحد عايش بعقلة مـــثل عيشة الدنفوس = يخل الجمايل والسقـــــــــــــــــايط يزبرها
وحد مايعرف اللمس حتى يعرف الدوس = يصغر كباير والصغاير يكـــــــــــــبرها
وحد من كثر ما شاف في هالزمن ملحوس = معه بندق ٍ من وين ماتلف ثـــــــورها
اقوله انتاج افكار من واقــــــع ٍ محسوس = ولا لي وراء اعقول البشر يوم اصورها
وكل ٍ بعقله راضي ٍ ريس ومـــــــريوس = وذي حكمة المولى وربي مــــــــــدبرها
فايزموسى البشري

فايزموسى البشري 15-06-12 05:05 PM

الزين
 
بسم الله الرحمن الرحيم
الزين زين وكل ٍ يدور الـــــــــزين = من شعر وإلا من بشر من مـــواقع
اقولها واحطها بين قوســـــــــــــين = انتاج هم ٍ داخل القلب نــــــــــــاقع
والكرّه لاسيطر على واحد ٍ شين = ومذكور ٍ آخر طب ضرب المراقع
حسان لو يدري وش يخفي احسين = مبطي لعين احسين بيديه فــــــــاقع
واليوم يالي متجه متـــــــــجه وين = قدمك حواجز لاتزيد المصـــــــاقع
ماتوجه الشرهه لناس ٍ مجـــــانين = ومن لارضا الواقع فـــــلابد واقع
الحب لاجاء في قلوب المحبـــــين = ما يزلزله زلزال ولا صـــــــــواقع
اكرب احزامك وانتبه ياحمر العين = اركد ترفق لايزيد المفــــــــــــــاقع
لا عدت الشيمة ولاعدت الـــــــــدين = الي بقاء طين ٍ على الارض باقع
حنا لها عند اختلال المــــــوازين = ولا نلبس الرجال ســـــــــود البراقع
نسكت عن الجاهل على شان غالين = وإن ماسكت نعطــيه لعبت قراقع
يفطن لها الي يعرف يسار ويمين = وتمشي على الي يجيد طق الفراقع
ليلة ثلوث ٍ قبلها يوم الاثنــــــــين = في شعر وإلا في بشر في مــــواقع
فايز موسى البشري

فايزموسى البشري 15-06-12 05:11 PM

لجل عين
 
بسم الله الرحمن الرحيم
لجل عين

كم قيل لجل عين تكرم مدينــــــــــــــه= واليوم لجل عين تنهان الامــــــــــــــــــه
يا امة الاسلام يالمستكيــــــــــــــــــنه = تولموا للكارثه والمطمـــــــــــــــــــــــــه
لاراي لاتوجد احصون ٍ حصينــــــــه= حتى الطفل يذبح على ثومة امــــــــــــــــه
والخارطه ترسم باليا مدينــــــــــــــه = والعاصمة حطت على راس قمـــــــــــــــه
هذا محجر له وذا مدحدرينـــــــــــــه = وهذا لجل هذاك هذا يضمـــــــــــــــــــــــه
هذا الصحيح وكلنا شايفينـــــــــــــــه = احد ٍ سمع بارود وحد ٍيشمـــــــــــــــــــــه
القدس راحت والعراق الحزينــــــه = ولبنان يسفك كل عامين دمـــــــــــــــــــــه
والشام معروضه على سايمينــــــــه = احد ٍ حفر خندق والاخر يدمـــــــــــــــــــه
وشاط اليمن ترسي عليه السفينــــــه = ومن طاح طاح ولاوجد من يلمــــــــــــــه
والي وراء الشاطي ويظهر خزينــه = وقول ٍ يصرح به وقول ٍ يخمــــــــــــــــــه
سؤال ٍ يحير ترى سالينـــــــــــــــه = وشلون كل الناس هذي بغمـــــــــــــــــــــه
معقول ماتوجد عقول ٍفطينــــــــــه = ولافيه لاهم ٍ ولافيه همـــــــــــــــــــــــــــــه
احيان اقول العاقل الله يعينــــــــــه = واحيان اقول اعقولنا مدلهمـــــــــــــــــــــه
احيوا بنا اجروح ٍ من اول دفينـه = واليوم حتى حلمنا ما نتمـــــــــــــــــــــــــــه
ترى السكوت اليوم قهر وغبينه = الداب نزع الناب يبطل إلسمـــــــــــــــــــــــه

فايز موسى البشري 20/10/1432

فايزموسى البشري 15-06-12 05:15 PM

العدل
 
بسم الله الرحمن الرحيم

العدل ساس الحكم والظلم هدام = ومن العدل لابد تهدم اصروحه
اقولها لقايد وريس وحكــــــــام = وكل ٍ ترى قوله مسجل بلوحه
هذا الوكاد وخوذها بصمة ابهام = ماقول قول إلا محقق رجــوحه
لو جمع القوات مع زرع الالغام = عقول الرجال بكل وجهه تموحه
ماحقق الثنتين من قبل صــدام = ظلم وشجاعه سبب ٍ نزع روحه
صحيح قايد فالمهمات مقــــدام = انا قبل موته بكيت ابنـــــــزوحه
والي يشوف الظلم ويصوم ماصام = لبليس حقق في طريقه نجوحه
تراكمات اعوام تبين في عام = وموج البحر لاهاج صعب ٍنطوحه
ماينطحه ياغير من يزرع اوهام = وإلا سفيه ٍ مايميز الفـــوحه
العين تبكي منظر ٍ وجهة الشام = والقلب مما صار زادة اجروحه
احداث فيها تشبه لعرض الافلام = قدم العرب لاكن صباخ وملوحه
الطيّب الي يصرح بث العلام = وإلا الفعل ياشام نرج السموحه
هذا الصحيح الي تسجله الاقلام = الفكر صافي والنوايا نصوحه
فايزموسى البشري [/poem]

فايزموسى البشري 15-06-12 05:27 PM

الملهمه
 

الملهمه دايم تسما قصيده = انتاج هاجوس ٍ يجي داخل الراس
لاتلها راع البيوت الفريده = ومع الذهب يضفي لها عقد اللماس
ينحت صخر وإلا يذوب جليده = ماهي رسومات ٍ لطفل ٍ بكراس
يطرب لها من لايحسب رصيده = رصيده الهاجوس مع هجعت الناس
ياوقت حذراء هاجسي لاتعيده = اخاف اشد اشوي ثم ينكسر كاس
والكاس من هو ينكسر داخل ايده = ماله الحام وتالي الوضع ينحاس
ياروس لو كل الاوادم بليده = ماكان تلقاء لك من الناس حساس
ولو كل من دمه يغذي وريده = يقدر يقول الحق ماتغيب الوناس
تال الزمن جدة امور ٍ جديده = كم واحد ٍ بسبابها جاه عوماس
كثر المجامل والامور الاكيده = من مرها عليه حد ٍ الاضراس
ايامها هي واليالي شديده = فيها الخطر بيّن ودقن الاجراس
شرق وشمال وزاد كل ٍ مديده = والعلم واضح مايبي قول عساس
والي على التلفاز وإلا الجريده = مابين متغطرس وكاذب وهلاس
يامسلسل الاخبار جملة مفيدة = عصابه ومال وفساد ٍ وحراس
والي رقد سود اليالي تصيده = واليا صحاء ماينفعه قول لاباس
اخذت ياوقتي امور ٍ عديدة = ولاجيت اجمعها على اخماس واسداس
هنيت من هو يقطع الدرب سيده = ولاينقل النمه ولايطبخ الفاس
[/poem]
فايزموسى البشري

فايزموسى البشري 15-06-12 05:31 PM

تضيق وتنفرج
 
بسم الله الرحمن الرحيم


تضـيـق وتـنـفـرج وإلا تـضـيـق ولابـعـدهـا افـــراج = تـعـودنـا عـلــى قـــل الـفــرج مـــن كـثــر ضيقـتـنـا
نلبسـهـا الـوشـاح وفــوق هامتـهـا نـحـط الـتـاج= ونـسـمّـيـهـا بـسـامّـيـهــا وسـعـادتــهــا سـعـادتــنــا
وتمـشـي مــع مخارجـهـا ولانــدور لـهــا مـخــراج = ونخـصّـم مــن يـجـادل دونـهـا فــي قـــو حجـتـنـا
تسـاوت وستـوت وإليـا وردت اورد علـى هــداج = تـبـي تـشـرب قــراح الـمـاء وحـنــا تـحــت رايـتـنـا
تعـلـمـنـا وعـلـمـنــا الــزمـــان انـجــنــب الإحـــــراج = تـبــيــن افـعـولـنــا مـاتـبــيــن لـلـعــالــم لـجـاجـتـنــا
ابــا افـتـح بــاب واقـفـل بـــاب واقـفـيـه بـالـمـزلاج = ونبي نمسك طريق ٍ فيـه الـى ياطـول سجتنـا
ســـلام الله عــلــى بــغــداد وأمـسـيــك يـالـحـجـاج = وسـلام الله علـى البصـرة ولـو مـاهـي ببصرتـنـا
على وضح النقاء وقت اللقاء مافيه واحد ماج = ووقــت الــراي تـلـقـاء راي فـيــه تـبـيـن حكمـتـنـا
علـى ذاك الطريـق الـي يسمـونـه طـريـق الــزاج = نــروضــهــا وحـــنـــا نـــكـــرم الافـــكـــار لاجــتــنـــا
وتـرى سـود القلـوب الـي يشابهـا سـواد الصـاج= تـبــذ اقـلــوب نـــاس ٍ مثـلـهـا مـــا يـــوم بـذتـنـا
وإذا قـو البحـر ينقـاس ساعـة صفـقـة الامــواج = بـسـاعـة يصـطـفـق نـعــوم فــيــه وذي مهـجـتـنـا
نجيب اللول من بطنـه ونطلـع منـه مـا يحتـاج = والـيـا مـنـا غطسـنـا بالبـحـر يـاطــول غطسـتـنـا
ونعـرف مـن يعـوم ونعـرف السابـح مـن الــدواج = ولا انجـالـس وجـيـه ٍ لا عطسـنـا مــا تشمتـنـا
وترى ضيق الصدور الي يسبب نفخـة الاوداج = مـاهــو فـيـنـا ولاهــــو مــــن منـاهـجـنـا وعـادتـنــا
وكـان العـود مـن ساعـة طلوعـه انحنـى ونعـاج= نجـنـب عـنــه دام ٍ عـوجـتـه مـاهــي بعوجـتـنـا
هـذا منهاجنـا يـوم ٍ كــل ٍ صــار لــه منـهـاج= ومـدام اقلوبـنـا بيـضـاء عسـاهـا تصـيـر ميزتـنـا


فايز موسى البشري

فايزموسى البشري 15-06-12 05:34 PM

لاضقت اوسع خاطري بالطواريق
 
لاضقت اوسع خاطري بالطواريق = وسج مع جر اللحن بالقصيدة
لادقن اهجوس الضلوع المغاليق = وقامت تلاعبهن اهجوس ٍ جديدة
ساعة اليق وساعة ٍ ماقدر اليق = ماكني إلا الي يدبر مكـــــــــــــــيدة
ماكني الا الي عطاهن مواثيق = اهموم قلبي يدخل ٍ فيه ســـــــــــــيدة
مع جرة الونة بعد ساعة الضيق = الونة الي تهز قلب الولــــــــــــــيدة
لو اشتكي همي على قمة اطويق = مما لجاء يميع مثل الجــــــــــــليدة
اشكيه للي محصي ٍ للمخاليق = الي خلق خلقه ومحصي عبـــــــــــيدة
تال الزمان اليوم به نشفة الريق = وقامت تبدل فيه حتى العقـــــــــيدة
من لاتحقق عرض القول تحقيق = ومن لاانتبه هذا يسمى بلــــــــــيدة
ومن لايعدي عاليات الشواهيق = كثر الطمان اليوم هو وش يفــــــــيدة
لو راعي القمة وراه الواحيق = لاكنها محسوبة ٍ له اكـــــــــــــــــــــيدة
طيور الحرار الي تتل المسابيق = تكفخ ولوهي فوق يد ٍ شـــــــــــديدة
والبرق في كبد السماء له شواعيق = بس المطر بيدين معط الفــــريدة
والي على قلوب البشر وده يويق = يبطي قزاز يدق له في حــــــــــديدة
ماننقل العوجاء ولانقول تلفيق = ولا زود النمام منا رصــــــــــــــــــيدة
محكمه يارامي ٍ بالتفافيق = من بعدها الجاحد يومت بجحـــــــــــــــــيدة
فايز موسى البشري

فايزموسى البشري 15-06-12 05:38 PM

جرح الايام
 
ياجرح الايام ياتالي لياليها = ياسكرة الموت يوم الموت لابده
ياسود الايام فاولها وتاليها = ياصبري الي يزيد بساعة الشده
ياصمت الايام يالا لا ملاليها = مابين ناطق ومن يده على خده
والناس عن والي توالي مواليها = والي يحده زمان البين لاحده
المرها دام فاقد طعم حاليها = يامدة ٍ تنسفط ماهي بممده
شرهاتنا فوقها ماهي حواليها = يالي سمعت الخبر هذا الخبر وده
كد قالوا النار تحرق رجل صاليها = والي وراء الضلع تبغاء تسبره عده
نفس ٍ سلت غاب مع هالوقت ساليها = ومن يرخي الحبل عاد شوي ويشده
ياحايره فاليال وفي تواليها = به يوم يطلّع مزوح الوقت من جده
ماترقّع ثياب طول الوقت باليها = ولا ترفع اصروح مرتجه ومنهده
فايزموسى البشري

فايزموسى البشري 15-06-12 05:42 PM

ياصمت
 
بسم الله الرحمن الرحيم
ياصمت ياشينك ويازينك بساعات الكــــــــــلام = الي يفصّل مثل مايفصّل على الجسم البـــــــاس
ويازين ضرب العايل وياشين وقت اللرتــــــطام = بالحايط الي لايطيح ولايشال ولايقــــــــــــــاس
ولاياء ضربت اضرب بسيف ٍ ما يلحقك المــلام = والي ضربته مات وإلا راح من دون انـــتكاس
ولاعودت يم المقام وكيف تحديد المقــــــــــــــام = الي من اول ماهو شي اليوم قام يـــــــــــعد راس
الوقت هذا إن جاز ابا اسميه وقت الانفصـــــــام = وقت الغرايب والعجايب وقت ٍ يزيد العمـــــــاس
والي يميز مادخل داخل دهاليس الظـــــــــــــلام = والي يبي يضيع القوايل مالحقانه بحــــــــــماس
يانجمة الجدي اسمعي مهما يغطيك العســــــــــام = نعرف مقرك زين ونميزك دام النــــــــاس ناس
من صام يوم العيد وش حده على هكى الصــيام = عاصي ومخطي ذا خطاء مقصود مافيه التباس
فايزموسى البشري

فايزموسى البشري 15-06-12 05:46 PM

ابيات
 
الواو لاصار عندك فانت متسنّع = من وين ماحستها واوك يسنعها
يالي صريح ٍ ودايم مانت متصنّع = الناس في هالزمن ماكثر تصنعها
البس قناعك وخلك دوم متقنّع = تقنعة روس قوم ٍ مانت مقنعها
يقوله الي عن الي يصير متمنّع = ولاهو وكيل ٍ على هالخلق يمنعها
ضاعت حقوق ٍ وراء من كان متشنّع = مع غبر الايام بانت روس ماشنعها
راس ٍ رسا اول بتال الوقت متخنّع = ثم بينت روس كان الوقت خانعها
فايزموسى البشري



الساعة الآن 01:49 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi