|
ديوان الشاعر علي هليل الحربي
مجاراة قصيدة الشاعر (( علي الحصني ))
علي الحصني
كان الغنـاه بتـرك بعـض المواجيـب = ما با الغناه الي بها تـرك مـا جـوب لوعشت ما بين العرب عيشـة الذيـب = القل مـا هـو للريـا جيـل عـذروب والـي كفـل رزق البشـر والدباديـب = يرزقك يا راسن على العـز معصـوب للواجبـه نبـدا بـروس المراقـيـب = نصبر علي الكايـد ولا نتـرك النـوب يو م الردي بالطيب ما له مقـا ضيـب = للواجبه كنه علـي الوجـه مسحـوب الطيب ما يصعب على راعـي الطيـب = يصعب على الي عن هل الطيب محجوب هذاكلام مصـا رعيـن التجـا ريـب = والعلم من عند اهـل العلـم منسـوب علي هليل
ياحبني لمرتب القاف ترتيب=الي كلامه مع هل العرف محسوب ماهو كلام مشذبين العراقيب=الي جداهم نقلة العلم مقلوب غبر الوجيه مغثبرين المشاريب=على النميمه كن ما فيهم عيوب ولاانت ياشوق البنات الرعابيب=من روس شيبانك على العز مجذوب من ماكرٍ عزه على شمخ النيب=وراع الردى خشمه على القاع متروب احب اجاري طيبين الاساليب=لو ما نصاني بالتماثيل مندوب من ضامر الي ياحصان المطاليب=لك فيه بالتقدير تسعين دالوب |
لاتقلل من وفاي وتختزلك اسمى علاقه= والله اني لوفقدتك من ورى كل الهقاوي وافيٍ مع كل وافي واحفظ عهود الصداقه=مفردٍ لله رجاي ولالغير الله رجاوي شاعرٍ ينزف خفوقه والزمن جوَد وثاقه=ويتوآرى في ضميره عاشقٍ صادق حياوي يستحي من نول وصله ويتجلد في فراقه=ويتسامر مع طيوفٍ تعزف أشجان الهواوي عاشقٍ طيف الخيال الي تصوَرله وعاقه=جاه في حلم المنام وجرعه سمٍ صفاوي جرعه سمٍ زعاف وبآخرالحلم انصفاقه=ماتهيت للقريب ولاتهيت للقصاوي واق مع حدب الضلوع بمنتهى رق ولباقه=وحط له باقصى الضمايرمنزلٍ قفرٍخلاوي منزلٍ قفرٍ بعيد ولايجيه اهل الحماقه=مايجيه الاَ المزون الي تهلهلها سماوي ارتوى منها الضمير وسيلها جاوز نطاقه=مابقى ضامي شعورٍ صادقٍ ماعادراوي وربعت كل الفياض وصار للشعر انطلاقه=ياعسى الله ما يخيَب نضرة الحرالنداوي قلت تكفَى يالنداوي والصبر مرٍ مذاقه= والحيا سمٍ ذحاح ولايداويه المداوي الحيا وجه الكريم ولو فقد غالي نياقه=والشجاع ليا نخيته قام يشهر بالعزاوي ماشكيت الاَ على الي كل ما ذقناه ذاقه=ولايحسَب للمواجع كود من شاف البلاوي قالها الي فوق همه هاجسه ضيَق خناقه=حول قلبٍ ماشكاها غير للقلب النقاوي ان قتلت ابغاك تقتل واحدٍ ماهو علاقه=والعمر رهن الإشاره سل سيفك لا تراوي لاتراوي في وفاي وتختزلك اسمى علاقه=بس يبقى فيَ هقوه من ورى كل الهقاوي |
أقدم لكم هذه القصيده الموجهه للشاعر المعروف/ ناصر المسيميري
وردها وآمل أن تحوز على رضاكم
يوم الروايع عيفنِّي قصيدي =حلفت ما اكتب غير مثل الروايع امّا تزوّد عند مثلي رصيدي=والا اكتفي بمتابعة كل رايع مثل المسيميري صديق الحميدي =اللي نعش فكرٍ للأشعار جايع بأبيات أحلى من لقاط الزبيدي =في خايعٍ موسوم حول البدايع فيهن من الابداع ما لا يبيدي =ومن الحكم نطقه يسد الذرايع مرصعه ترصيع عقد فريدي =جواهر ما لوثتها البضايع نادمتهن واحييت ليلي وحيدي =كنه يودعهن بقلبي ودايع واصبح على الصبح ما هو بعيدي =وقمت اتخيل نادرين الطبايع اللي معادنهم تقص الحديدي =من ماكرٍ صيته مع الناس شايع وانا مع الشعار شعري زهيدي =من خوف لا عود بليا طمايع يشوق فكري من يمنتج نشيدي =وانت الخبير بكل شاري وبايع اما انصح اللي بالروايع يشيدي=والا اقتلعهن من ضميره قلايع
نوٍ من المنشأ إخياله سديدي =أحياء الغصون المسنيات الصرايع وأورى ظماء كبد ظماها شديدي=من الظماء صارت إفلوح ومزايع ولو الشره يقضب أحبال الوريدي=مالي على ذرية آدم صنايع والوقت طوعني ولا هوب بيدي=لو ما يطيع السوق له صرت طايع يا على ما خليت غير الجريدي=قطفت يالحربي لذيذ النوايع وحركت فكرٍ به ثلاثين قيدي=مغنيه ماله ما لجأ للجمايع ومن الفرح عيدت من قبل عيدي=ورزيت رايات الفرح بالرفايع حي الهدايا اللي منه نستفيدي=من طيبٍ والطيب قسم ووزايع عسف قوافيها على ما يريدي=وقاده كما قود الأصيل المرايع وحنا على الجرة نزيل وشديدي=ما خبرت الركبي كسب له قلايع وافخر اليا صار الحميدي عضيدي=أسندتني للي له الصيت ذايع رفقة ارجال معتبرها رصيدي=وزبني اليا لاعن من الوقت لايع |
يقول من يقرا خلايا دماغه=أمثال تجهلها العقول الصديعه مثايلٍ فيها مصاويغ صاغه=على القسى لين الموده ربيعه ماقالها من شان يشغل فراغه=يقولها لاكض بالهم ريعه يقرا بها بيتٍ ولو ماستساغه=جاهل وله نقد المحارم شريعه وليا غوى الناقد بعلم البلاغه=ماهو حضيض الي على النقد صيعه اهل الحذاقه صار فيهم فداغه=من عقب ماصار التصنَع طبيعه والأجهزه فيها النداءات غاغه=للمجتمع فيها مكاسب وضيعه تلقى مع الريضان مثل المراغه=عقيل في حالٍ وفي حال ضيعه أحيان ثقل طويق واحيان باغه=واحيان يصبح سلعةٍ فوق بيعه |
شعر النبط في وقتنا اليوم ذابل= احدٍ يصبه صب واحدٍ يخلطه واليا اختلط بالشعر حابل ونابل= خطرٍ يصيبك من بلاويه جلطه ماعاد نسمع به صديح البلابل= الي لها بقلوب الاحباب سلطه اقفى دهر روضه بذيك السنابل= والي جرى بالنظم جارٍ بقلطه وش عاد لو تزعل جميع التنابل= الموت لاصححت غلطه بغلطه |
ذابت مشاريه الغلا وسط الاعماق = واستيسر الحزن الخفي كل معلوق والعبره اللي تحترق بين الاحداق = ماضنها ترخص على كل مخلوق ماترخص إلا للذي حبهم فاق = دم العروق بعالمٍ كله عقوق من بعدهم مني خذا الحزن ميثاق = ما تنزل العبره على فقد معشوق واليوم لا تاقف ولاهيب تنساق = تسرح وتضوي بين الاعماق والموق ما ودي اذرفها على وجه الاطلاق = لو قيل لى من همها منت معتوق ولولاي اترجمها على بيض الاوراق = ما صار لي في غيهب اليم دانوق دانوق يجذب لي طويلات الاعناق = لعلي القى بينهن شيٍ يلوق شيٍ يلوق بذوق عالين الاذواق = ويضيف لاهل الذوق ذوقٍ على ذوق تعبير من قلبه شفوقٍ و مشتاق = ومنزهٍ عن ملة الغدر والبوق في عالمٍ ماضاع به غير الاخلاق = وتموت فيه حقوق وحقوق وحقوق واللي لبس نوط الوفى خاطره ضاق = كن الوفى في عالم اليوم ممحوق كونٍ غزاه الكذب من كل الافاق = واسكت بصوت المصلحه كل منطوق واخر عزاي يعوضني بعض الارفاق = وإن خاب بعض الظن شحت النظر فوق ودعيت ربٍ للمخاليق رزاق = يجعلي بأمره كل مطرود ملحوق |
يابو عيونٍ خرس خدرات نجَل=عكشٍ هدبهن يدني الحي لاجــله لاحققن بي والنواعيس خجَل=رف الخفوق وصارت الروح وجلــه والخشم سلة سيف شيخٍ مبجَل=ومبيسمٍ فيه البرد مت لاجلــه عليك قلبي عن جموحه ترجَل=لوان مثلي يرفع الراس سجلــه ياصدق شعورٍ في كياني تأجَل=ارحم محبٍ طالت ايام زجلـــه يقوله الي خطوته لك تعجَل=ولغير شوفك محكمٍ قيد رجلـــه يتوق لك قلبٍ براه التوجَل=توق السجين لشوفة عيون نجلــه |
يازين قلي وش ورى نزعة الروح= ان كان قلبك للوفى فيه نزعه داو الجريح او زوَد الجرح بجروح= وانت المخيَر بين طبه ومزعه مالي بغيرك في هوى البيض مصلوح= أنت الوحيد الي بك الروح جزعه جرحٍ يطيب وجرح يستنزف البوح= وجرحٍ يلج ببسرة القلب هزعه بين الرجى والياس والهم والنوح= لاغتالني حبك ولااحتلت نزعه وان كان قلبي في محبتك مذبوح= ماني مدوَ ر من ورى الموت فزعه |
حييـت ياصبـحٍ عـلـى مـشـرف نهايـاتـي بــدا= لولا مخافـة خالقـي لا قـول عشتـك فـي غـدي والله لو عمري ذهـب فـي مهمـه ايامـك سـدا = لا رجيك في جنة عدن واطالـب العمـر يعـدي واللـي خلقنـي ياوفـى واخـلاص ماحـازه حـدا = راهنت به عمري علـى معدنـك مايطلـع ردي يـاارق والـطـف عــازفٍ حــرك بقلـبـي مـاهـدا = ما حلاك يانبض الخفوق اللي نطق لا يابعدي اهـواك واهـو مــاردٍ بـالـروح مجـهـول الـمـدا = يكفيك ادور لا طريت الحاجـه اللـي فـي يـدي ثورت بركان القصيد وروعتـك صـوت وصـدا = عـيـنٍ تطـالـع للثـريـا وعـيـن تنـظـر لـلـجـدي يا منتهى شرق الغروب وعمـر محبوبـك فـدا = يازمزم اللي غـذت اسماعيـل مـن ثالـث ثـدي |
الله من قلبٍ على الحـزن مجبـول= من خلقته والحـزن فيـه متجـوَد حزن العرب فتره وحزني على طول = حتى الفرح لاحزان قلبـي يـزوَد بالناس لو حالي عن الناس معزول = كني سجيـنٍ بابـن عمـه مقـوَد سجنه طويل ولانتهى السجن مقتول = عنه الرجى من شدة الياس هـوَد يوم اكتمل له عد خمسة عشر حول = مجرى دموعه فوق الاوجان سـوَد من حالته تلقى بي رسوم ودلـول = الاً ان دمعي لاغشى الموق عـوَد |
الساعة الآن 07:06 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir