|
يامل صدرٍ لهيب القلب يوقدهُ هذه القصيدة على البحور الفصيحة وهي تكلم عن فلسطين والعراق والقصيدة قديمة أيام الأحتلال المريكي للعراق :
يامل صدرٍ لهيب القلب يوقدهُ = بقصى الضلوع العجاف العوج يلتهبا من ما جرى في بلاد العرب من حدثٍ = يبقى سواده على شيماتنا حُقُبا هذي فلسطين برض الشام أرملة = تبكي أهلها وحقٍ برضها سُلبا ذليلة دنّس العدوان عزتِها = تحلم بنصرٍ قريب أبطاله العربا ألقت بأحداث سنٍ لا سلاح لهم = إلا الحجارة وما بالقلب من غضبا ترمي بهم عزّلٍ في قعر مظلمةٍ = صاروا لنيرانها الدخان والحطبا لم تنتهي عند هذا الحد يا عجباً = بل ألحقت بالعظام الدم والعصبا هاذي عراق الحضارة غاب حارسُها = واظلم سماها ونجم أنهارها غربا هديّةٍ سلّمت بخسٍ بِلا ثمنٍ = عذرا شريفٍ رماها الدهر للغربا في ما مضى عاصية عن كل مُغتصباً = حصنٍ منيعٍ على من يطلبه صعِبا واليوم تبكي ولا احدٍ حن دمعتها = ارحمهم اللي لروس أموالها نهبا تخضع لوجهٍ غريبٍ ما تواطنهُ = وجهٍ به الظلم والمجهول مُنتقِبا وين السلاح الذي تُخشى عواقبهُ = يا للأسف لا قبل سلمٍ ولا حربا يأيها المسلمون ابنوا لأمتكم = مجد على الأرض لا زيفٍ ولا كذبا استوردوا من بلاد الصين قاعدة = ولا من الروس نيرانٍ من اللهبا نشوي بها طائرات الغرب لحجبت = أسرابها الشمس وقصر دونها السببا إن ما طرحنا من الأسراب لهجمت = سبعٍ من العشر عز إسلامنا ذهبا سبعٍ قبل يصِلن الحد نحرقهن = وثلاث عن ما يريدن رامن الهربا لبد من وقفةٍ تحمد عواقِبُها = تجلو عن وجيهنا ليلٍ من العتبا الحر ما تقبل الهزلات شيمتهُ = ومن المعايب خضوع الرأس للذنبا شرح الكلمات : حقبا : وقت وزمان غير محدد \ عزّل : مجرّدين من السلاح \ القُعر : أ خر البئر أو الحفرة في داخل الأرض \ بخس : في أزهد الأثمان \ أقصر : لم يصل إليها \ رامن : فظلن الهروب على الأقدام والشجاعة \ نافع الحربي |
دنّـيـت جـيـبٍ حـديـث الصـنع مـكـتـمـــلًٍ هذه القصيدة على بحور الشعــر الفصيح
دنّـيـت جـيـبٍ حـديـث الصـنع مـكـتـمـــلًٍ =تشرح له الشمس سر النور بالزهرِ قـام يـتــرشّـف هــبوب الــريح مـنـدفــعً =يصدع بصوتٍ كـما الانغام بالوتـــــرِ ياطـى عـلى يابـس الـمـطّــاط مـــرتــبـعً =سودٍ تحتهن تغوص الارض بالحجرِ عقّب جحيش العروس الصبح مفتحصاً = يمـشي رويـدً يقـص المـغـلق الوعرِ قام أيـتـهـنـفـل عـلـى حـمـراء مـلمـلمـةٍ = حمراء الجمل غيرها مايجذب النظـر استـوطـنـت من جـبال طـويقِ مـنـزلـــةٍ = في قـرقـرى من قـراها السيل ينحـدر من فرعها أُوبير شق الأرض معـترضأً =وادي حـنيفـة بمـيّ الـمـزن مـنـتـحـرِ من قمّة اطويق اسوق الطـرف وارسلهُ = عـن الصقــورية الإبـصـار يـنـكـســرِ هـيّـض شـجـوني طــريـقٍ غاب عامرُهُ = مـؤبـــدٍ عـنه حــد الظـل يـنــحــســـرِ عــلـى ثــنـيـة زبـيـدة درب عـــابــــرهُ =مـتـقـدم الـعـهـد والأيـام والـــــدهـــــر قـمـت اتـقـدم وكـف اطـويـق مـعـتسف = جالٍ بحـضنه ظلـيل الطـلح والشـجــرِ انشـد خـبـر عـيهـلٍ قـد مات شاهــدُها = بـيـر الحـجـيلاء اذا صـرّحـت بالخـبــرِ قال ابن شايع حـسب ماقـيـل مـوقعها =حـول العـويـنـد عـليها القـاع مـنطـمـر ترقـد بحضـن اشقـرٍ لذيب مُـعـتـصـم =فـي لايـذٍ عـن عـيـون الناس مـستـتـــرِ غربٍ من اطويق كتب العلم ترصدُها =شرقٍ من اقـنيـفـدة وطـعـوسها الحُـمُـرِ الشرح المواقع التي مر ذكرها في القصيدة : 14 موقع جحيش : جبل صغير في وادي العمارية جنوب منها قريب بالرياض \ العروس : هضبة جنوب من جحيش قريب منه \ حمرء الجمل : هضبة في قمة جبل طويق يحول منها وادي العمارية شمال ووادي المهدية ووادي أوبير شرق وكلها من روافد وادي حنيفة الغربية \ طويق : اكبر جبل في نجد \قرقرى : هي المنطقة الواقعة غرب من طويق وهي تمتد من المزاحمية شمال حتى عريق البلدان جنوب امراة فيما بين جبل طويق ونفود قنيفدة \ أُوبير : وادي من روافد وادي حنيفة الغربية \وادي حنيفة : هو الوادي المعروف في مدينة الرياض \ الصقورية : جبل جنوب المزاحمية غرب جبل طويق وشرق نفود قنيفدة \ ثنية زبيدة : هي من الطرق المعمورة سابقا تقع شمال مركز القدّيّة في جبل طويق \ الحجيلاء : بير قديمة موقعها حول البرّة اليوم \ العويند : قاع جنوب البرّة \ قنيفذة : نفود المزاحمية \ نافع الحربي |
عسفتني الدنيا على كل طاروق هذه القصيدة اسندها على عبيد النصيف لأن عبيد كل متواجهت أنا وياه قال حي الله الشايب : فقلت هذه القصيدة في الشيب حيث إن الشيب ماهو عيب واللي ما شاب يبي يشيب :
اعـسفـتـني الــدنيا عـــلـى كـــل طـــاروق = وخذت منها ما كتب لي نصيبي شـبـنا عــلى وضــح النــقاء يابـو مرزوق = وشيبٍ على وضح النقاء ما يعيبي من شـب شـاب وكـل مـطــرود مـلــحــوق = حلفت ما غطّي عن الناس شيبي أن ما شهـدلي ماضـي العــمـر بحـقــــوق = ما زوّدتني صبغة الشيب طيبي كــم ابلـجٍ فـي عــارضـه تـقـل غــرنـــوق = زاده على طيبه وقار المشيبي كــبـير جـمــعٍ با الــمواجـيـب مــاثــــــوق = يدعى بدورات الحديث الأديبي وحــكم الــفنى مــاضي عـلى كل مخلــوق = أم الكبر ولا طويل المغيبي لــنا بغــروب الشــمـس واللــيل واشروق = آيات يفهمها الفطين اللبيبي يامـــل قــلــبٍ مـن عــنى الــوقت محروق = ينفض معاليق الضماير صويبي عــلى رجــالٍ باالشــهامــه لــهــم ســـوق = عز الرفيق منزّحين الحريبي عــاشـــوا كمــا نوًّ معـــه رعــد وبــــروق = مزنٍ تعطّف بالغزير الرهيبي وراحـوا مـراح الريـح مـع كل ساحـــــوق = ناديتهم بالصوت مالي مجيبي دنياً بــها عـمـر المـخالـيـــق مــــســروق = يرمي شبكها بالأصيل العريبي تســـوقــنا بـيـــّامـهـا للفــنى ســـــــــــوق = من عقّب السبعين كنه غريبي كــم عـاش فـيها مغــريفٍ تـقـل زملــوق = ياطى على العظم الصحيح الصليبي جـعـد الشعر جـثلٍ كما الكـحل مسحـــوق = حلو الحديث السلسبيل المصيبي بـوّل شـبـابـه للبـطــــــولات مــعــشـــوق = في حل عسرات المصاعب طبيبي اليـوم محـني الظهر عـظـم وعـــروق = عافه زمانه والوطن والقريبي نافع الحربي |
يا حمامة نسيم الغيم لو تسمحين قصيدة قديمة
يا حمامة نسيم الغيم لو تسمحين = حاولي مرةٍ بالعمر لي تسمعي حاولي تسمعين اللي غرق بالحنين = في لهيب الضمير اللي يهز أضلعي ادفن الحرف والمعنى بصوت الحزين = وفحصه بالجوارح قبل ما يطلعي انتظرتك على باب الرجاوي أسنين = اقبل الركب وقفا والأمل مرتعي كان سلك الربابة يطرب العاشقين = من الثمان العوازف يا فتاة اسجعي جاوبيني بسيف الشرع لا تستحين = اطوي الياس ولا للأمل نرجعي كل ما لاج نجم الجدي بالفرقدين = عض الابهام دونه قايد السبّعي القضية تريد مزكّي وشاهدين = مع محامي يتمّون الجميع اربعي ياقوافي عطيني خاف حقّي يبين = واخذ الحق من طفل الهوا الاتلعي ابرقي للجمال وكل برقٍ حسين = مثل برق الذهب بمعشرق الاصبعي كان زادت علي بحبها أم الجنين = كل حبٍ بدون المستوى يمنعي وكان برق الحيا ما شاف حال السجين = يا عيوني عن الدمع الغزير اقلعي نافع الحربي |
اكتب سلامي وأرســـله للــمراوين هذه القصيدة أول مشاركة لي أشارك فيها في منتدى المراوين وهي عبارة عن هدية مني لقبيلتي المراوين بمناسبة افتتاح المنتدى
اكتب سلامي وأرســـله للــمراوين = أهل الكرم والجود وأهل الشجاعه ربعٍ على كسب النواميس ضـــارين = رجال الوفا اللي معرفتهم اطـماعه نفخربهم بين الرجــال المــسـمــين = إليا من كـلٍ طــال شـــبره وباعــــه بمواقفٍ يشهـــدبها الحق ويـبـيـــن= صبحٍ جلى سبع الرواسي شعاعــه ياجاهل أنشـــد عن منيع الـمراوين = يـنـبـيـك مـطـروقٍ قـديــم الاذاعــــه بيتٍ وصـلنا من فـتـــــاة الجداعـيــن= شـيّد عـلى تاج الـــمـروّة اشـراعــه جونا لمنيــع الحــــرب قلنا امعــيـّين = دونه عـوى ذيـبٍ تـعــاوت اســباعـه ارواحــنـــــا يـوم إرتــهاج المــوازين = من دون سـتر أوجـيهـنا للـــوداعـــه هـذا قـليـــلٍ مـن كـثـيـــــرٍ مــلايـيـن = ديـوان تاريــخٍ ثــمـيــن الـبـضــاعــه وأشكر اجهود المخلصــين الوفييــن = اللـي مــجالـسهـم تلم الــجماعـــه وأثني جزيل الشكر تسعةوتسعين= لـهـويـدي رمـز المعــــرفة والـبراعـه نافع الحربي |
مشيت والصبح ما بانت معالِمُهُ هذه القصيدة على بحور الفصيح
مشيت والصبح ما بانت معالِمُهُ = والنجم يعكس شعاع الشمس بالأُفُقِ من فوق خرسا على ركوب الوعر عُسفت =مصبوبة الشاص والمسمار والحلقِ نار الشرارة على ضغط الهوا حُبِست = في مغلقاتٍ بها البنزين يحترقِ أقحمتها جنح ليلٍ لا ضياء لهُ = ليلٍ بهيمٍ به الأشباح تدّرقِ ارمي بها حِشّةٍ عسرٍ مسالِكُها = في غامضٍ مع مشكّ الزور يخترِقِ كأنها من حمام سدوسِ ساجِعةٍ = مُخطّطة موخر الجنحان والعُنُقِ أفرا بها حشّة الضيرين مُفترِشٍ = أيمن عزاري من حيث الرمل يختنِقِ ورينبة والثمان وما يجاورهِن = مرّيتهن والغصين الغض يطّرِقِ من الرياض الشمال الشرق مُتّجِها = حتى انحدر بي مضيق الكوع مُنطلِقِ اضرب بها كل مجهولٍ يواجِهُني = حتى الوريعة عن التمثال تنفرِقِ مواقعٍ قبلنا ثبّت معالِمُها = شواهدٍ في حروف الشعر تنزلِقِ شرح الكلمات والمواقع التي مر ذكرها في القصيدة نار الشرارة : شرارة البوجي \ المغلقات : غرف الأحتراق على روس البساتم \ بهيم : شديد الظلام \ الحشة : جبال متوسطة الأرتفاع ولكن وعرة الدروب \ الغامض : وادي يشق هذه الحتيفة \ الزور : هو الصدر من كل شي وقصدت فيه نصف هذه الحتيفة \ سدوس : وادي شمال الرياض \ الضيرين : رجمين متقابلات في سلسلة جبلية متوسطة الأرتفاع شمال عرق حروري وجنوب عرق حزوى في شرق الدهناء \ عزاري : دحل اسمه القديم خريشيم شرق الدهناء قال عنه ابن شايع هو أول مورد شرق الدهناء يرده الطريق التجاري من حجر اليمامة إلى البصرة في العراق \ الرمل : قصدت به عرق حزوى من الجنوب حيث انه يخف ويسهل أجتيازه \ أرينبة : هضبة صغيرة حولها رمل في منطقة الصمان شمال بلدة شوية وجنوب بلدت الرحمانية \ الثمان : هضاب متجاورات جنوب غرب بلدت الرحمانية شرق الدهناء في منطقة الصمان \ الكوع : جبل في أقصى الشمال الشرقي للصمان \ الوريعة : قارة في متسع من الأرض في أقصى الشمال الشرقي للصمان أقرب مايقارب لها الدبدبة والصداوي \ نافع الحربي |
إن القلوب التي في حبها انكسرت هذه القصيدة تكلم عن الحب الحقيقي , وهي على البحور الفصيحة
إن القلوب التي في حبها انكسرت = أعلاجها في حديث الطب قد صعِبُ مثل الزجاجة إذا ما أطرافها انشعرت = لا يمكن إصلاحها من ذالك العطبُ الحب ليس عباراتٌ يُخالفُها = فلمٍ مدبلج على الدقات والكذبُ الحب صدق المشاعر حيث ما وجدت = من العيون بسرور الوجه ينكتبُ حبٍ على المصلحة شيدت قواعدُهُ = لابد مع عاصف الأيام ينقلبُ خلقت الأرواح بالدنيا مُجنّدةً = مابين مُختلفٍ وبين مصطحبُ كيف السبيلُ وقد مال الغرورُ بِها = واستوطنت منقع الأموال والرتبُ إن الجمال بجمال الروح ما بقيت = ليس الجمال بدثور المال والذهبُ كم رأس قومٍ شموخ النفس يدفعهُ = على حياةٍ يهد أركانها التعبُ عزيز مادنس الحاجات شيمتُهُ = ولا وقف عند باب الذل للطلبُ رزقه على واحدٍ عمّت فضائلهُ = الكاف والنون والأقلام والكُتُبُ إذا رفع أمريءٍ اخرس عواذلُهُ = عنه الزمن في بليغ القول يختَطِبُ يامن سهومه زرعها في عواسِلُهُ = النار بالنار والدخان بالحطبُ أد الأمانة لوجه الله خالصةً = ما خذتها في سلاح القهر مُغتصِبُ نافع الحربي |
ياونتي بالروح مااصعب ادواها
ياونتي بالروح مااصعب ادواها = فيها صناديق الظماير يضيقن وياطي حالي طي طيٍ طواها = طي الحديد اللي تقدم به الفن عيني سهج رمانة الخد ماها = ذوارفٍ من ما حشرهن يميعن الأرض ضاقت ما حملني فضاها = علي وسيعات المعابير ضاقن الشيب كحلي الضفاير غشاها = قامن على سود الضفاير يلوحن ومن لا يحسّب للأمور وخفاها = خطرن عليه بتالي الوقت ينجن أما صبر والصبرحاله براها = ولاّ تكلّم ولحم الشن بالشن شكيت أنا الدنيا على من شكاها = وعطاني العلم الصحيح المبطّن قال احترص والكبد برّد ضماها = مدام تقدر والمصادير يردن دنياك غدارة من اول صباها = دايم على الاجواد رمحٍ مسنّن تمشي على غير الهوى في هواها = واسنينها بالخير والشر يطون أزريت أميز غيضها من ارضاها = ضاع الدليل وفيه الاشوار تاهن مرّ النهار وقصتي ما قراها = إلا شفق خرسٍ على الصم يِقرن عشقت لي عيطا رفيعٍ حجاها = ونا صغير السن سبعٍ يشحّن من دونها حالي طواها عناها = عشرٍ على عشرٍ وعشرٍ يزيدن عشرٍ ألاعبها على مستواها = وعشرٍ تلاعبني والانياب يبدن وعشرٍ تحاكمني بحكمة قضاها = ولا من سلامة والمحاديب يكون ملّيت من دنياً وسمني جفاها = وسمٍ بغضات اللواجي تمكن لواهني من باعها مشتراها = لو يربح الدولار من عملة اليَن نفسه على خير المكارم حداها = في طاعة الله قبل الايام يقضن كم واحدٍ له حاجةٍ ماقضاها = يريدها مير المقاديرعيّن قضا حياته في حراوي رجاها = واليا ذكر له حاجةٍ قبلها ون جاه الكبر والشيب حاله شواها = فارق اصباه وفيه الايام بارن وكم واحدٍ جزل المعاني حواها = يضخر بيوتٍ بالمواجيب يافن نفسه يحقق بالنوادر امناها = بمهندساتٍ لاندبهن يطيعن وكم واحدٍ بالسيف داره حماها = على الكحيلة كنّه السبع بالجن كم سابقٍ في حد سيفه رماها = بمصقلٍ منه التراقي يجضّن وكم واحدٍ ناره ينادي سناها = ودلاله عن جمر الغضا مايتوارن صفرٍ على نار الكرامة جذاها = بالهيل والبن اليماني يفوحن من بن صنعا حبها قدر ماها = بمغريفاتٍ يزهن الهيل والبن نافع الحربي |
كنا الشباب وشايب القوم غيرنا
كنا الشباب وشايب القوم غيرنا = ولابد من بعد الشباب نشيب نقطف من الدنيا البهيّة أورودها = في ضل غصنٍ بالحياة رطيب واليوم شبنا والهقاوي تكودنا = أصبح علينا ما نبيه صعيب أنكرت دارٍ عقب أهلها تغيّرت = للبوم بأطراف الرسوم نحيب دارٍ لحيٍّ من وطنهم ترحّلوا = كانوا بها بعض الزمان قريب وقفت فيها لين جفّت عبايري = حتى أقبلت شمس النهار تغيب أقيس بالواقع سنينٍ تصرّمت = على سكونٍ بالخيال رهيب كناّ بها نرقد لياروّح الدبش = بليلٍ نسيمه للرقود يطيب في ليلةٍ ظلما ضياها نجومها = والجدي فوق الفرقدين رقيب واليا ألذن المذّن هجرنا منامنا = كلن على حيا الصلاة أيجيب كلامنا أحلا من المصفّأ من العسل = عليه من در البكار حليب وقلوبنا أصفا من سحابٍ تزبّر = بعد الأصيل مكلّلٍ عجيب شرق السراة وغرب من نجد الانجد = عليه من شمس العصير نصيب يامن بنا عن مذهب السّوّ جارنا = لوجارنا طول الزمان ايغيب وجاراتنا نقصر هوا الطرف دونهن = سلمٍ لهلنا من قديم عريب نحفظ مواجيب ألوفا لهل ألوفا = يوم الردي بالواجبات أيخيب يسوقنا وجه النداء لهل النداء = ناخذ ونعطي والكريم يجيب اليوم اشوف الوقت عقّد حواجبه = قامت اسهومه بالظهور اتصيب كم واحدٍ يمشي على غير ما يبي = من ظلم الأدنى صاحب الغريب ومن لا تراعي قدر الاجواد شيمته = ما له بتقدير الرجال نصيب تمّت وها جوس الروابع يسوقها = سوق الفراق لمفردات حبيب هذا وصلاتي مع سلامي على النبي = ما سال من وقع السحاب شعيب نافع الحربي |
أنا الذي للقبيلة حرب مُنتسب هذه القصيدة ذكرت فيها بعض مفاخر قبيلة حرب والقصيدة على بحور الفصيح
أنا الذي للقبيلة حرب مُنتسبٌ = اللي من ألقابها حرّابة الدِوَلِ يوم ان كلن بدا يمدح قبيلتهُ = قبيلتي من خيار الأُمة الجُللِ أبطال عهدٍ مضى ولّت مواكبهُ = ماكر حرارٍ بسيف الحق مُكتملِ اذعار شقرٍ رفيعاتٍ مراكِلُها = حجلٍ بترسانة الفرسان تجتوِلِ يما عليهن كسرنا كل مُفتخرً = صعب الهزيمة قويّ البأس والخُيَلِ عليه ريب المنون أرست قواعدهُ = رجّح به اليأس واضعف عنده الأمَلِ يوم ان كلٍ حياته في شجاعتهُِ = أمانةٍ بالحسام الصارم الفصِلِ حربٌ لها مركز بالأرض تعرفهُ = الإنس والجن بين العقل والعمَلِ العزم والصبر ولإقدام مذهبُها = والكر والفر طول اليوم متّصِلِ كانوا بدارٍ علياّتٍ شوامِخُها = جبال فاران ذات الحق والعدِلِ دار بها المصطفى بلّغ رسالتهُ = الداء الأمانة بلا بخس ولا زللِ منها إلى نجد ماتمسي جحافِلُنا = ناطى الأفاعي نحث السير بالعجلِ متسربلين الحديد بكل عدتهُ = مثل الأسود بظهور الضمّر الحجِلِ حتى ركزنا بروابي نجد بيرَقَنا = نحمي حماها من الآفات والعِللِ ننام والأمر مانخشى عواقِبُهُ = والقوم بين الهلع والحزن والزعلِ تشهد لنا الضلفعة إنا كواكِبُها = يوم الوغى والسلاح الرمح والنصِلِ ويومٍ تجضّ المليداء من وقايعُهُ = وصارة وساق الجواء والقور والعبلِ والشقيّقة يوم جاد الغيث جانِبِها = واثمر زهرها وصار العشب له قِذَلِ نرعى بها بحد سيف الهند مُختضِباً = رغم انف من لقّبوه الفارس البطلِ وتشهد لنا روضةٍ غناّء بذي مرخٍ = بحضن الضويحي عليها ذاري الرمِلِ ومجدٍ لنا بالهييشة من شواهدُهُ = البنت والبيت والفرّيس والجملِ والحرمليّة وعرجاء من مفاخِرُنا = وحيد الردامي لنا في ساحته طللِ أقول قولٍ يقول الحق قائلُِهُ = دلايلٍ مثل خط الميل بالمُقَلِ خوينا عندنا الأولى سلامتُهُ = بالماقف اللي يسوق الروح للقتِلِ ودخيلنا نمنعه من شر طالِبُهُ = وجه المراوين دونه كنه الجبَلِ وان فاخروا بالكرم يكفي مكارِمُنا = صيت ابن ناحل مع الرُحّال والحلَلِ وبالجار سطّر لنا البشري بطولتُهُ = بتسعين وضحى على حيرانها هجِلِ وابن نحيت الذي وصلت شهامتُهُ = رد السبايا على الأيتام والثُكَلِ اليوم ما حدٍ يقول الحق يذكرهم = أنكرهم اللي يدس السم بالعسلِ سجّلت ما راوي التاريخ دوّنهُ = يشهد به الحق والركبان والسجِلِ هذا وكل القبائل ما نُصادِرُها = حقٍ لها واضحٍ بالقول والفِعِلِ من واضحاتٍ كاعين الشمس شاهِدُها = أبطالها في سلاح الموت ترتجلِ واليوم حنا خوان بحكم قادتنا = والفضل لله راع المن والفضِلِ رهن الإشارة لأوامر عز دولتنا = مليكنا اللي به المِنعاج ينعَدِلِ والمعذرة شاب قافي ومتنع قلمي = ما وفيت ما بخاطري والنفس في وجلِ شرح الغامض من الكلمات المُقل : العيون \ الميل : مايكحل به العيون \ والثكل : جمع ثُكلى وهي المرأة التي ماتوا رِجالها \ روضة غناء : روضة السبلة \ ذي مرخ : وادي مرخ وهو من اكبر روافد روضة السبلة \ اذعار : ذعر وخوف \ الترسانة : وسط المعركة \ ريب المنون : الموت \ نافع الحربي |
أنا كيف أصخّر من جديد المعاني طِرق هذه القصيدة , عبارة عن سلام وهدية مني لعليان الطهيمي حيث هذا الرجل من رجال حرب الذين يرفعون الرأس :
أنا كيف أصخّر من جديد المعاني طِرق = على شان وصف البل على عاتيٍ طرقا سرقني هواها في كنين الضماير سرق = تمركز على باب الحشا يسرقه سرقا جذبني هوى شقحٍ تجوب الفيافي شرق = كما متون مزنٍ يرهج الدبدبة شرقا تحرق القلوب المبغضة بالمحافل حرق = ياكم من كبودٍ من سبب فوزها حرقا خزايز شريفٍ كن إذراها شعايل برق = كما روس غرٍّ رف بنحورها برقا ملكها الطهيمي وحتماها بشلفٍ زِرق = ثنا دونها بمزرّجٍ حدها زرقا وكم نوّ سحبٍ بالوسيعة غرقها غرق = شرايد خشاش الأرض في سيلها غرقا ذعرها الخلاء واصبح زهر نبتها به فرق = بها عن سواها يااهل المعرفة فرقا نزلها الطهيمي مابها غير صوت الورق = وعذبٍ على ريح النفل تعزفه ورقا رعاها بوضحٍ كالبرد مادرقها درق = ولا يدرق الحربي هوى خاطره درقا وكم مهراجانٍ بالوطن يطرقنّه طَرق = حضورٍ جموعه تطرق المحتفل طرقا خذن نخبة النخبة على أهل المزاين زَرق = وعاداتنا رمح الظفر نزرقه زَرقا نافع الحربي |
الأم غيثٍ يفرش الأرض بزهار
الأم غيثٍ يفرش الأرض بزهار =غرٍّ شعاع البرق يسبق رعدها عبير وردٍ مع نسيم الهوى سار = أورود قفريٍّ مطرها هجدها الأم هي شمعة مشاهير الاحرار = تبني لهم صرح المعالي بيدها كم خفرةٍ تصبر لو إن الدهر جار = من خوف لوعات الزمان لولدها لو ابنها له مع اهل العرف مقدار = ترعاه لين الدود ياكل جسدها كنه بيدها عشبة النبع بالغار = في صدر عيطا نايفاتٍ اعردها ريحانةٍ تزهى عناقيد الاثمار = ما جف من وبل المخايل صردها الأم قبلي خلدوها بالاشعار = بنوادرٍ يصعب عليّه عددها أمٍ رقت في مجتمعها للبرار = تلقى جمايل فعلها في لحدها كم انتجت من عالم العز والكار = وكم صارعت غبر الليالي وحدها تحية للأم في كل الاقطار = هي الحياة وهي رواسي عمدها نافع الحربي |
البارحة يوم دنّق النجم شبّيت = نارٍ لعشاق المحبة تنيري وصحّيت قلبٍ لاسليمٍ ولا ميت = ماله عن اللي بالضماير مجيري وقلت السموحة كاني بحقك اخطيت = حملتك الدرب الطويل العسيري قال التكل ونا معك ماتخليت = مدام يحرم لبسنا الحريري كنك على ركنٍ من اركون حلّيت = ملموم جيلان المهيف الوعيري قلت الوداعة كان للشعر مريت = اقرءا عليه رسالتي وتعبيري قله تراني بالعهد ماترديت = اقطف زهور ملاعبات الضميري ماجت لي الدنيا على ماتمنيت = صار الهوا يمشي على عكس سيري وسكت عن مابخاطري واستكنّيت = وسجنت همي في مساجن ضميري يما وردت وبالمواريد ماشفيت = صدرت من مارد ضميري فقيري تدفعني الهقوة على ماتورّيت = ويثنيني الصبح الوضوح المنيري يما على فرز الجواهر تهقويت = اعسف عاصيها على ذوق غيري جابتني القدرة على غير توقيت = يمشي بي احساسي على درب طيري قلبي غلب عقلي على المرتع الهيت = ركب جواده وصار هو الأميري يما على درب الأماني تحريت = ألقى على جرد الفيافي غديري الحب تخضع له رقاب الزناتيت = كم ضل شيخ واكم قتل من أميري يامن على عرش المشاعر تساويت = ان كان تسمعني تراني خطيري نافع الحربي |
يامل قلبٍ هاجسه يزرقه زرق = زرق السنان اللي على القلب مزروق ياطرق حالي من لهيب الهوا طرق = طرق الحرير اللي من اللبس مطروق حبك درقني مع طرف غفلتي درق = علق بقلبي للمحبين معلوق سرقت حالي من رغد عيشتي سرق = ماباقي إلا دم وعظام وعروق كتبت لك حرفي على كوكب الشرق = في دم قلب ٍ من عنا الوقت محروق أخيل مزنٍ شب بمتونه البرق = على طرف خدٍ من الارض ماثوق يبدي سحابه مع قرار الوطى زرق = غرٍ فويق الارض يبدي له اعنوق عساه يسقي دار من كان به فرق = اللي عقدني بالهوى عقدة العوق ياشوق حالي جاوبت نايح الورق = شوقي تعدى الحد وخشى من الشوق اغرقتني بمعسلات الهوا غرق = من در نضمٍ كالعسل حالي الذوق نافع الحربي |
سقاك الغيث يادارٍ تقافا = عليها المزن حتى اخضر شجرها يمسيها غروب الشمس غراء = رفيف البرق ينبي عن مطرها تبسم من فنون النبت وردً = نسيم الريح من شاذي زهرها يغرّد في سماها الطير شعراً = على عزف اللحن يرسم صورها دعاني نبتها والجو صافي = ولا بالارض من يرعى خضرها على الغدران صافحني هواها = بعبير الورد ينطق عن خبرها خلا من وسمها مامر فيها = ياغير الشمس يتبعها قمرها قضيت برحلتي وقتٍ صفالي = جلى بالفعل عن نفسي كدرها اسوق الطرف بهضابٍ عوالي = جمال اورودها عانق حجرها طرالي من زماني ماطرالي = وهلت عيني القشرء اعبرها على كنزٍ مع الايام غالي = عليه النفس مايبرى ضررها عطيته من ورود الحب باقة = وهجرني والمشاعر ماهجرها ولكن سوف اشق دربي لحالي = اورّدها وعلى ربي صدرها نافع الحربي |
هذه القصة قريتها في إحدى الصحف
القصة تقول ان فيه فتاة طلق ابوها امها وهي لاتجاوز السنة من عمرها , وتزوج ابوها امرأة ثانية , وتزوجت امها رجل ثاني ,و بقت هذه الفتاة كاليتيمة , زوجة ابوها تعاملها بقسوة وزوج امها يعاملها كذالك في الكره وقلت الاحترام , فعند مابلغت سن الزواج المبكر زوجها ابوها شايب من جماعته عنده امرأتين , ولما انجبت بنت من هذا الشايب طلقها فصارة يتيمة معها يتيمة ومريضة بنفس الوقت , وحالتها صعبة للغاية ,,,
يا أهل المواقف والقلوب الرحيمة = ياللي لكم بالطيبة صيت واذكار لقيت بنحور المصايب يتيمة = لو كان أبوها وأمها مع أهل الدار زوجة أبوها مسرحٍ للجريمة = وزوج أمها مع جور الأيام جبار تجرّعت ذل الحياة السقيمة = وتزوّجت عودٍ عليه الكبر جار عودٍ حريمه ساطيات الشكيمة = لا خاصمنّه عن هوا الحق يندار وصار اليتيمة في حماها يتيمة = اللي جرى للأم مع بنتها صار حياتها صارت عليها ضليمة = مطلقة ملها مع الناس مقدار من المرض والجوع ماهي سليمة = تشكي حياةٍ كلها حزن وامرار زرع بها جور الزمان ونديمه = ما تزرع الحاجة على وجيه الأحرار ترجي زهر غيثٍ حرمها نسيمه = وتخفي جروحٍ تلتهب كنها نار الآدمي ماله مع الفقر قيمة = به يستغل الفقر مجرم وسمسار يابنت مايجلى الهموم المقيمة = إلا الذي يأمر سحابه بالأمطار محي العظام الباليات الرميمة = اللي يخر لسطوته كل جبّار توجّهي لرضاه ورجي نعيمه = يوم ان سيرك مع اهل الجود ما سار تصبّري والصبر تاج العزيمة = ولا خاب عبدٍ لمر الإله صبّار قالوا بعلم المفردات القديمة = يمكن يدور الوقت والوقت دوار نافع الحربي |
طوَّل غيابك يا هوا البال لا تغيب 0000
طوَّل غيابك يا هوا البال لا تغيب = لولا غيابك ماجرم الشعر فيّا 000لي وعليّه في حضورك مواجيب = باللوح كتبن في حياتي عليّا ماتشوفني عن نفسي اسج وغيب = مع الخيال أغيب ماني هنيّا اركب على متون الرياح اللواهيب = اطوي تضاريس المسافات طيّا يسوقني وقتي على غير ترتيب = بليلٍ شحيح النور مافيه ضيّا طرقت بابٍ يسمع الصوت مايجيب = اسمعت لو ناديت ياصوت حيّا من دون حلمي جاثم النمر والذيب = يتناوبون الدار صبح وعشيّا دربي طويل وحال دونه غياهيب = وزادي قليل ولا معي لتر ميّا هواي روس النايفات المراقيب = قبّة شريفٍ في ذعاذيع فيّا مجدٍ يصادم مبرمات اللواليب = له شاهدٍ بين القمر والثرياء ان ماجزينا راعي الطيب بالطيب = يحرم علينا لبسنا كل زيّا أنا من حرب معرّبين المناسيب = قبيلةٍ ينطح بها كل هيّا مثل السحاب اللي انصوبه محاديب = يروي غشينه يابس الارض ريّا ون جت على روس النوازي جناديب = وعقيدها عن واجب الصلح عيّا ركبوا عشاشيق البنات الرعبيب = من فوق حجلٍ زادن الني نيّا نقسم بهم ترسانة الحرب لاهيب = لاصاح صياح الغضب للحميّا كم نافلة وضحٍ عليها الدباديب = نكويبها وجيه البغيضين كيّا نافع الحربي |
الله من قلبٍ بحالي تلاعب
الله من قلبٍ بحالي تلاعب = زادت هواجيسه ووقته لعبّه حكم عليّه في هواه اتعذّب = ازريت للقاء مع اهل الطب طبه اخيل برقٍ في نحر غيمته شب = برقٍ سحابه صافي الوبل صبّه ذعذع نسيمه في شذى الورد واطرب = قلبٍ عبير الورد من ورد لبّه زاهي نباته بالروابي تناسب = يسوق عوده في سنابيل حبّه كان الهوا لي في سماء ا المعرفة هب = قسمت في سيف الحقيقة مهبّه نقيت مرجان الثمين المذهّب = وكتبت حرفٍ بالقلم ما كتِبّه حرفٍ على سبع المواهب معرّب = ابداع موهوبٍ على در غِبّة على حريرٍ بالزخارف مرتّب = فن البريسم بالأباري ارتبّه وقفت في باب المنيع المحجّب = ادرس نفايس كنزه اللي احجبّه كني على رأس المنيف اتقضّب = في عاصفٍ ما فيه ما ينقضبّه دنياً نسايرها على الصِدر والغب = تطحن رحاها والسنة مشلهبّة ياهيه ياراع اللسان المخضّب = بأعراض خلق الله نسي دين ربّه ما يضيع حقٍ عند الإله يكتب = نعم الكتاب وعدله اللي اكتبّه كم نوّ صيفٍ بالرياح ايتقلّب = بالماقف المحسوب ماينحسبّه لامال فيك الوقت مع ميلته طب = يفرح بميلات الزمان ومطبّه عليك باللي بالمواجيب يحسب = هميلعٍ جزل المثل ينضربّه حرٍ على كسب النواميس يتعب = تشكر مصاديره مصابيح غِبّه وابعد عن اللي فيه الاحقاد تشتب = هشيم شعواطٍ شرارة تشبّه تمّت بمقفيٍّ من الشعر يطلب = ورود وسميٍّ على نبت خبّة نافع الحربي |
في دار وافين الفعول المجيدة - إلقيَت هذه القصيدة في الاجتماع الثالث لقبيلة المراوين في مدينة الراياض مساء يوم الخميس الموافق 28\10\1431 هـ : ويقولون الشعر ديوان العرب : والشاعر اللي مايمدح ربعه مافيه خير : -
يا مرحبا يأهل الخصال الحميدة = ترحيبةٍ من وافيات التراحيب تحيةٍ بالمفردات الجديدة = تمسي على طيبٍ وتصبح على طيب الملتقى الثالث لبس ثوب عيده = انتم نجاحه والفرح والمكاسيب بحضوركم يكمل لنا مانريده = لنا وعلينا في لقاكم مواجيب إن ما صخرنا للظروف العنيدة = رايٍ ليدينا في حباله مقاضيب غدابنا وقتٍ طوانا بعيده = وحنا منوّل روس قومٍ مذاريب المجتمع كنز المحبة رصيده = ورجلٍ بلا ربعٍ زمانه عواقيب حنا اليا قر الوكاد بوكيده = عيال مروان المسمى اهل الطيب ننطح عواصيف الأمور المكيدة = نضرب على الراي الرهاوي اليا هيب مجد الجدود اللي تقدّم نزيده = مجدٍ يسجل في جديد المكاتيب بديدةٍ ياحي والله بديدة = عالي نسبها ماوطتها العذاريب تاريخهم يصعب عليّ اتعديده = صبحٍ جلا ليلٍ سواده غياهيب رجالهم فن الشجاعة يجيده = عن واجبه بين المناعير مايغيب يما احتمينا بالسنين المديدة = يوم الليالي بين أهلها شلاهيب عفرٍ كما متون الرواسي امشيدة = وضحٍ اتعلّق في اذراها الدباديب ويما وقفنا بالفعول الرشيدة = وقفت شرف مع حرب ماهي تكاذيب بشعرٍ يصوّت بالمعاني نشيده = وجاهٍ وراي ومال وعرفٍ وترتيب يما ارتفع للمجد منا وليدة = يشهد على طيبه شيوخ الاجانيب ربعك اليا طقّت حديدة حديدة = يغني ذراهم عن بعيد المعازيب كنك براس اللي تراكم جليده = مشمرخٍ ثلجه من الشمس ماذيب هلابكم والقول يكفي سديده = يكفي مصيبه عن كثيره اليا صيب في دار وافين الفعول المجيدة = دار السعود مطوّعين الاصاعيب كم شاعرٍ فيها يشوقه قصيده = في كل مطروقٍ جميل الهناديب ما حقنا فيها القسوم الزهيدة = يوم ان كلن يقتلب كنه الذيب نفرض صليب الراي من روس غيده = نفتل وننقض مبرمات اللواليب كم جيش قومٍ طاح منا عقيده = عيون جموعه مثل قدح المشاهيب وكم داهية حربٍ قطعنا وريده = ترمي جواده في نحرها المعاطيب ويما ملكنا المكرمات التليدة = معرّباتٍ طيّبات المناسيب جف القلم بالواردات الأكيدة = وأزريت لاحصي عد شمٍ مراقيب تمت بمضمون الحروف المفيدة = في مدح ربعي متعبين المناجيب - نافع الحربي |
مريت مسنيٍّ من الوقت مهجور
مريت مسنيٍّ من الوقت مهجور = دارٍ لهيب الشمس صرّم شجرها من عقب ماكانت بساتين وازهور = يموج ريّان الورق في زهرها مرابعٍ من فوقها المزن مزبور = تشرب من انصوب السحايب مطرها تنصر بها الشيمة ويمنع بها الزور = تنوض بحكام الشريعة صورها الصبح يِلبسها جمالٍ من النور = والليل يرسم بالروابي قمرها اليوم جرد إسهالها كنها قور = حتايفٍ مثل الشباري حجرها تشكي خفايا ضيقها اصدور لصدور = يطير من وقع المعاني شررها لاباس ياقلبٍ من الوقت مكسور = خضر الغصون اليانعة من كسرها كم واحدٍ عند الشدايد تقل سور = ترمي به الريح القوية خطرها يقطع بحور ويعترض دربه ابحور = يطوي على هوج العواصف بحرها وافي شبور ويدفعه علم واشعور = آيات حقٍ بيناتٍ اسورها جتني تخطّا كنها درة الحور = غراء سواد الرمش يزهى حورها كتبتها بسطور من فوقها سطور = اصوغ من نور الكواكب ادررها ودعتها قافٍ من الشعر مجرور = على براويز الحقيقة سطرها من رام دربٍ دونه البحر مسجور = ياطى على روس الأفاعي وأبرها الله على قفرٍ من الوسم ممطور = دارٍ جديد النبت غطّى مغرها تلعب بها الغربي نسانيس واخدور = على شذى زهور جميلٍ نظرها سج القدم فيها على فجة النور = يجلى عن النفس العزيزة كدرها من فوق مزغوفٍ على الدرب مامور = روسٍ يشاورها وروسٍ خصرها مشى وكمّل كل واجب وميسور = قبل شعاع الشمس يبدي حمرها على دليلٍ صادق العلم مخبور = عليه برمج رحلته واختصرها العصر من الشم المراقيب واحدور = قرنة يسنّدها وقرنة حدرها والليل حجّب زاهر الارض بستور = اسدل ستوره والفيافي سترها خوة ارجالٍ معهم القلب مسرور = تبقى كما نقش الحروف بصخرها ماكولهم رز الوليمة على طيور = وشرابهم مي السماء في انقرها هاذي طراة العمر والطيب مذكور = وكلن يميل لرغبته لاذكرها نافع الحربي |
غنيٍّ عن وضيع القول قولي = مادام الصبر له عندي مكاني درست بنجد رمز حروف نجدي = شموخ النفس و الهام المعاني اليا من الحياء باكر وطنها = فروع الغري مثل الأرجواني عبير الورد لاذعذع هواها = و مزنٍ الغيث فوق الأرض داني يروف الحال ويخفف عناها = وتنعم بالسكينة والآماني مضالي في زهور العمر غفلة = يوم ان الوقت وقتي والزماني ذرعت الارض حتى الارض كلّت = على متن الجديد البهبهاني اسوقه مع شروق الشمس حتى = يشيل الهضب موج الضحضحاني على مد النظر باللال كنه = اسطولٍ بالمحيط ابلا مواني حريٍّ بالوفاء ماشال خايب = مريض القلب ندّاس العواني يلم المال مايدي زكاته = ويرضى بالمذلة والهواني الا يا الله جنبني صفاته = وعن ذا الخُلق يا الله اتحماني حبست النفس حتى العمر طرّف = ولا لي غير ماحصّلت ثاني عرفت اوجيه بوجيهٍ وراها = عليها من مواريها بياني وكيف أسف على وقتٍ ظلمني = مدام الظلم والمظلوم فاني |
ياالله طلبتك غر مزنٍ مزابير = نوٍّ تلاعج بالمثاني بروقه برقه يشق المزن كنه فنانير = دهمٍ مواخيره وغرٍ وسوقه البرق يبرق والرعد له زماجير = والريح بنفاس النسايم تسوقه مزنٍ يلاعب كل شما شناضير = ينثر ادقاق الودق منخل فتوقه مابه برد والا عجاج ومعاصير = سحٍّ وتسكابٍ تواصل دفوقه سحاب وسميٍّ تدافع مناحير = يضفي على نجد العذيّة حقوقه سيله يجنّب عن قديم المعابير = يومي بعيدان الشجر من عروقه ستين ليلة مرزماتٍ مهادير = ليلٍ غطى شمس النهار بغسوقه حتى نبات الأرض غطى العثامير = وقامت تغطرف بالروابي اعذوقه عشبٍ على البيداء فروعه مزاهير = يضيع بدريّ البهم في طروقه الأرض خضراء والمحاجر مغادير = والريح ذعذاع القفاري نشوقه مراتعٍ لبست احللها مقافير = تبري جروحٍ بالضمير امحروقة وصارت لعشّاق الطبيعة تباشير = واللي بغى المقناص حضّر علوقه ركبوا على مترفّعٍ كنه الزير = يضرب على الدرب الخطر مايعوقه سرّوه يوم ملابطين الغنادير = كلن بنومه محكماتٍ اوثوقه على الطريق المختصر خطرن ايطير = لا اعرض مساره كنه الحزم فوقه قبل يطير من العشاش العصافير = والشمس في برج الشروق امخنوقة ياطا على غض الوسوم المباكير = يفوح ريان الشذى من عنوقه فوقه اهل الهقوات ماهم مثابير = كل ابلجٍ كيف النشامى يشوقه في ديرةٍ فيها الزبيدي مغارير = تطرب رفيع الذوق ويطيب ذوقه هاذي وصايف عشقتي يأهل الخير = وكلن حسب عشقه يشوف امعشوقه |
هاض الضمير وفي عنا خاطري هاض = واسترجعت كل الجوارح زمنها وهني من سج القدم عقب مقياض = برضٍ زماليق الربيع اتحضنها يتبع سحابٍ بارقه بالسماء ناض = على زهر دارٍ نضيفٍ وطنها سيله من العالي على حايره فاض = اغصونٍ يطرقها وغصونٍ دفنها دارٍ مرى خضراء صحاصيح وفياض = اتعزف بها طيور الهواجر لحنها ترعى طرف روضٍ من المي ماغاض = ماوايقت غيب القلوب ودرنها القلب به من جاير الوقت عضّاض = والنفس عياّ عن هواها بدنها الله على اللي لا مشى يومض اوماض = كنه بسيف العدل يامر وينها رفوق ما هو للأزاهير نفاض = كنه بميثاق الأمان يهدنها كامل مكمّل عن هوى النفس ما جاض = مروة فلاةٍ ينطق الغيم عنها كنه بقفريّ الحَياء يعرض اعراض = وضحا وشيع القطن يزهى رسنها اليا دق في حدب المغاليق كضاض = وضاقت بمفهوم الوسيعة اسننها نصيت فوقه مزهرٍ كنه احياض = يلبس متون الارض ويلبس طمنها يطلع وينزل من مراعيف لرياض = في ساعةٍ بالعمر غالي ثمنها مناظرٍ تجلا عن القلب الامراض = الله كساها بالجمال وضمنها اخذ بها عن ناقص الهرج مركاض = عن كلمةٍ هراّجها ماوزنها تقرض معاليق الحشى تقل مقراض = تقتل قلوبٍ صافية من رعنها نفسي عزيزة ما استكنّت بالأنقاض = لو كان وقتي عن هواها سجنها تنجض لي المعنى على كيفي انجاض = ولا لي سكن بالارض لولى سكنها والله لا جاهدها على الحق لو غاض = حتى بروابي نجد تلبس كفنها |
غطرفي يا لمملكة والبسي عقــد الورود = والمعـــاني حضّري للمليك أعــقودهـا الفرح عــم الجزيرة وزاد الجود جود = يوم أبو متعب لفاء مـــن بعيد أحـدودهـا خــــادم البيتين ليثٍ تحيزم فـــي أسود = من نوادر لابةٍ مـــا تهــاب أســـودهـــا طيبٍ بالطيب طيبه عــلى الطــيب يـــزود = والكـــــرم بأهل المكارم يزود بزودهــا دارنــا دار الجـــزيرة سعدهــا بالسعـــود = تحـــفةٍ بين الـــدول عـــزها بسعودهـــا دون أبو متــعب نجـــدد وثيقات العــهود = بيعةٍ على الوفاء مــا نقضنا أعهودهـــــا هم أهل المعروف والأمن بحماهم يسود = دوحةٍ عن واهج الشمس يغني جـودهــا مــزنةٍ غراء بهـــا البرق تزهــاه الرعود = من مطرها تنبت الأرض ويخضر عودها يا مليك المملكة كــــان طق العود عود = تتبع الأحفـــاد مـــا قدّمــوه أجدودهــــا جـــــعل أبو تركي مخــلّد بجنات الخلود = يوم حرر دارنا مـــن جـــميع أقيودهــــا صيرميٍّ جـــرّد السيف والكــــــايد يكود = لين أطــــاعت وأعلنت للإله أسجودهــــا ثم ورّثهـــــا حــــرارٍ عظيمين الـــجهود = ما تفـــل المعضـــلات الكــبار أجهودهـــا مـــرحبا بالشعر ما هز غصن الورد نود = فــــــي مشاريــفٍ رفيعة عــذيٍّ نودهــــا الملك يستاهل المدح وأفعـــــاله أشهـــود = وافياتٍ بالوفاء حــــاضرات أشهـــودهـــا من فعوله كـــــل شعب الميامين أمحسود = دولةٍ ذرعــــانها من صليب اعضودهــــا زادت بعبدالله الحــــــاتمي ليث الفهود = منجـــــزاتٍ للعـــــلا حركت ركـــودهــــا عاضها عن لقمت الفقر ورقـــاها سنود = وستعدت واجــهشت بالغزير اعدودهــــا كلنا للدين والــحق والقـــــــــايد أجـــنود = دارنا حنا ذراهـــــا وحــنا أجــــنودهــــا دونهــــــا عبدالله بسيفه الصـــــارم يذود = عـــلى غير الأسرة المـــالكة يا كــودهـــا ودام أبو متعب عزيزٍ على عرش الوجود = ماعلينا من كلام السعة وحشــــــــودها |
ياخادم البيتين يابدر الإســـــــــــلام = لك في قلوب الناس عــهدٍ وثيقي حييت ياتاج الشهامة والإكــــــــرام = تحــــيةٍ فـــــيها مقامك يلــــــيقي فيك المعاني بالجواهر ولإلـــــــهام = قامـــــــوس مجدٍ للبطولة عريقي نضرتك بعيون الأرامل والأيـــتام = تطفي لهــــــيبٍ بالضماير حريقي انته كما غيثٍ سحــــــــابه اليا زام = يطـــرق احزوم الأرض حتى تفيقي نبته على اصدور الفيافي والآكــام= زلٍ بدقات الأعاجـــــم أنيـــــــــقي ياسيدي حطمت بالطيب الأرقـــــام = طـــيبٍ على بيض الدلايل حقيقي يزهاك مطروقٍ يرفرف بالأعـــلام = يغـــــوص ببحور القوافي غميقي يامن قراره فوق الأمـضى ولأخــتام = للحرب حرب والصداقة صـــديقـــــي جارك بميقاف المواجيب مايـــــضام = دونه تيبّس بالوفى كل ريـــــــــــقي حكمك ايدرّس في قواميس الأحكام = رسمت لرباب الممالك طـــــــريقي ركزت لك في قمّة المــــــجد مرسام = صرحٍ من الألماس يبرق بريــــــقي أنت الزعيم اللي به المجتــمع قـام = يقطف زهور العلم صاف الرحــيقي يما ثنيت عــــزوم زراّع الألغــــــام = ويما انتشلت من المحــــيط الغريقي كم من سجينٍ ينتظر حكم الإعـدام = اصــبح بك الحر العزيز العـــــتيقي يبصـــم لك التاريخ عامٍ بعـــــد عام = على شرف عيش الزمان ألسحـــيقي ترفع لك الرايات بيـــــضٍ من الخام = في راس ريحان النسـيم المــــويقــي يعيش ابو متعب دليلٍ للإقــــــــــــدام = شامخ شموخ المرتفع من طــــويقـي مثل السحاب اللي ركم يـــرزم ارزام = وبله على حدب الجراهيد سيــــــقي لبست به الدنيا على غــــر الأيــام = شروق صبحٍ بالربــــيع الـــوريــــقي |
ندبت قافٍ للصحيح يتحراّ = قافٍ يهجرس بالمعاني لحونه كنه رفيف البرق بنصوب غراّ = غراّ لبس ربانها من فنونه يوم النديم بواجبي ماستقراّ = عيّت ضعوني لاتباري ضعونه اقفت به الدنيا على متون عراّ = مع غيهبٍ بالليل تعزف جنونه حتّيش لو انه شجاعٍ مضراّ = في لازمي ماورّدنّه شطونه وجر قلبي من عراويه جراّ = جر الهشيم اللي تقصّف مزونه هشيم سدٍ فوقه المي قراّ = حتى انثلم حبسه وذابت متونه يفر مابوجهه من الارض فراّ = مع واديٍ سيله تجاوز ركونه على رجالٍ من نجوم المجراّ = فيهم ثقيل الدين يوفي ديونه مرّوا كما مزنٍّ مع الوسم مراّ = من غب سيله مبرضاتٍ غصونه نوٍّ سحابه من ربابه تبراّ = يفوح وبله من مثاني ردونه من جرّب الأيام حالي ومراّ = يملى من النوم المقرر جفونه ماكل شرهات الهقاوي تسراّ = ولا كل جفنٍ يبصر الحق نونه شكواك للي مايودك مغراّ = ورجواك للعدوان ذل ومهونة ثوبٍ على غير الحقيقة ايزراّ = مايلّبس لو لون الألماس لونه نقيت من كي الهواجيس دراّ = شعرٍ بشيمات العرب يذكرونه شاب الزمان وجاير الوقت كراّ = والدرب حر القيض يبّس شنونه حطيت من دونه مجاهيم حراّ = حماّ قراها كنه الليل دونه رقيت في راس الطويل المذراّ = وجنيت من لب الشوارد عيونه ومدام راس العز للعز براّ = في قدرة الله شيمته ماتخونه |
البارحة والنجم في غيهب الجو = يتبع مداره في غياهيب جواّ بدعت لي قافٍ على جذوة الضّو = كنه يفصّل من لواهيب ضواّ دق الضمير وقال لي للزمن سو = شعرٍ على حروف الفواصل ايسواّ وزهمت مطروقٍ مثل ديمة النو = نوٍّ على نوٍّ تقفاه نواّ الله على اللي من حفيزه لفا تو = توه وصل من يمت الشرق تواّ ربان غراء سيلها يرهج الدو = سهاب نهابٍ على كل دواّ ياهيه ياللي فوق كشنه تساوو = الله يجنّب دربكم كل سواّ سوقوه لين الليل يبرد ويحلو = في روضةٍ من زاهي النبت حواّ مرّوا على وقع السحاب وتروّوا = من مر في وقع السحاب ايترواّ كم قبلكم في قمّة المجد حلّوا = قومٍ بهم لو يقسي الوقت قواّ حليب وضحٍ ضيّروهن على بو = ثلاث درّتهن على جلد بواّ ماكنهم في صفحة الأرض مرّوا = على طريقٍ للوفاء والمرواّ يما على عسر الليالي تخاووا = وحلّوا عقودٍ كالحديد المطواّ طابوا وحجّة طيبهم ماتورّوا = علم على وضح النقاء مايلواّ بحضورهم تقرءا الصراحة الياجوا = وبغيابهم شيمة وقدر وسمواّ |
صفحة من الماضي محا رسمهااللمس = تلوح من لمس الأصابيع ملسا فليتها للنور بطرافها رمس = وطويتها والليل بالأرض ماامسا مرّتبي القدرة على مجلس الأمس = ووقفت به للغد واليوم وامسا باقي تناتيفٍ حمسها الدهر حمس = غيدٍ حمسها تالي القيض حمسا صافحتها بمعشرقاتٍ من الخمس = خمسٍ عليهن للمواجيب خمسا معالمٍ كانت طمسها البطى طمس = كتبٍ طمسها رايح المزن طمسا اقفيت منها خاطري ضايقٍ عمس = أكثر من ابن سرور ضيقة وعمسا خواليٍ للريح بورودها همس = حديث عشقٍ بين الاحباب همسا النمر دمّى بمقلته بالزمن نِمس = ونمرود عرشه طاح وافناه نِمسا قريت بالدنيا على حاجب الشمس = حرفٍ من الياقوت بخيوط شمسا حرفٍ غمسته في لهب ضامري غمس = حتى غمس غض المعاليق غمسا الليل خلاّ الارض واجبالها دمس = والصوت ماله مع دجى الليل رمسا |
سقاك الغيث يادار الفضايل = صدوق النّو مردوم الخيالي كأن البرق في محفل سحابه = جواب العلم بحروف ألسؤالي لها في ضامري قدراً وقيمة = يضم ترابها عمي وخالي مضالي برضها عز ومعزة = وعقدٍ من عقود العمر غالي بلادٍ حكمت سنة مُحمد = عضيم الخُلق مصدوق المقالي بها القرآن والسبع المثاني = على علمٍ به الإيمان عالي حكمها المُصطفى بالحق جهراً = بعشر ألاف بسلاح القتالي ثلاث ألاف منهم من مُزينة = على دهمٍ عريباتٍ طوالي صقلها عن سواد الشرك حتى = كساها النور بعقود الجمالي بعلمٍ من وضوح الحق كنه = شروق الشمس بورود الجبالي تركها درّةٍ بيضا جميلة = كاعقد الماس في عذراء دلالي وسلمها من السادات سادة = رجالا يوم يعدون الرجالي ثنوا من دونها من فوق ضمّر = كا أقواس الاهلة بالعوالي تجوس الأرض بالفرسان شعثاً = على صُمٍ صليباتٍ جِلالي ألا يادار حبك في فوائدي = كما الريحان بالعذب الزلالي يذكرني نسيم الغيم رسماً = من الايام والهجران بالي يزوره مع نسايم نجد زائر = لامن المزن بالربان مالي |
هات القلم وكتب على صفحة الزرف = لاسال حبره بالمكاتيب كفاّ الله من قلبٍ على هاجسه رف = رفيف برقٍ مع سدى الأرض رفّا سجلت بحروف المعاني امية حرف = من صافيٍ عن الشوايب مصفاّ حاكمتهن في مفردات ألوفا عرف = حكمٍ بدستور الشريعة اموفاّ غرفت من شاطي سراب الأمل غرف = حتى الزمان بزهرة العمر قفاّ القلب من واقع زمانه على جرف = يمكن على درب المشاريه هفاّ نظرة تأمل دونها يقصر الطرف = تشعل قناديل الحنين المطفاّ يالله يامنشي سحابٍ ترازف = يدف وبله عاتي الريح دفاّ تجعل لنا قسمٍ من الطيب يعرف = يكف جزلات المواجيب كفاّ ياونتي ونت كريمٍ بلا صرف = منصى لزواّر العرب مايتخفاّ حده ضروف الوقت ضرفٍ بعد ضرف = على بغيضٍ في مطيحه تشفاّ اسرف بحاله في طريق الكرم سرف = نفسه عزيزة واشهب الوقت حفاّ قامن عيونه بالخفاء يذرفن ذرف = يفرق هدبهن من نظرهن تكفاّ في مامضى يخرف من المرجلة خرف = واليوم رزقه عن عوانيه جفاّ له صحبةٍ دون الكرم تهرفه هرف = ولا له سوى كسب النواميس شفاّ |
الحمدُ اللهِ حمداً لانقطاع لهُ = يملا مابين السماء والأرض بالكرمِ رضيتُ بالله رباً لاشريك لهُ = رباٌ خلق كل مابالكون من أمم وبي مُحمد نبياً خير مُتّبعاً = مسلم على فطرة الإسلام مُستقمِ حاولت أدافع وعلمي ما يؤهلني = واخشى يزل القدم في عثرة القلمِ عُذرا بأمي وأبي ياخاتم الرُسلِ = ياخير من به نزول الوحي قد خُتمِ نشكو إلى اللهِ قهراً ضعف قوتنا = إناء أذلّة وموج الكفر يلتطِمِ سُحقاً لقومٍ رسول الله يلعنهم = خابوا وخسروا فكيف عيونهم تنِمِ, يامترفاً في نعيم العيشِ مُنتعِماً = تباًلها في ثياب الذُل من نعم ماعذرنا والوَهن والهون حجتنا = والمصطفى في بلاد الغرب قد ظُلمِ ياللأسف يأهل الإسلام وأسفي = وين البطولات والتاريخ والهممِ يأمة الحق والإسلامِ قاطِبةً = عرباً وروماً وما بالروس والعجمِ هبّوا لنصر النبي والله ينصركم = الله بخلاصكم للحق ينتقمِ لابُد من وقفةٍ والحق قائدُها = تشفي صدورا بها النيران تضطرِمِ هذا النبي الذي وصلت رسالتهُ = ديمومة في سراب الأرض تنقسِمِ أُوتي بيان الحديث الجامع الفصلِ = ( فأسمعت كلماته من بهِ صممِ ) آيات حقاً من القرآنِ رتّلها = أنار ترتيلها غياهب الظُلمِ أعطاه ربه من الأخلاقِ أعظمها = إن العظيم بعظيم الخُلق قد عظُمِ أوثان مكة بسيف الحق حطّمها = ياطى عليها بحد السيف والقدمِ يامن أسئتم إلى خير البشر نسباً = وخيرهم في كتاب العادل الحكمِ مبالكم في اثنين الله ثالثهم = قد افلحوا لو جموع القوم بالقممِ من كان ينصُرُهُ في مهد دعوتهِ = قادر على نصرهِ والخطب قد عظُمِ موتوا مثل غيركم بالغيض والكمدِ = نبينا بالإله الحق مُعتصمِ |
هذي قصيدة قديمة أيام الغزو الأمريكي على العراق حيث كلفني العمل في مهمة إلى الحدود الشمالية وقلت هذه القصيدة :
يمشي بي الواجب على الوجه قداّم = حتى ظلام الليل جاله سهومي من فوق مرعوشٍ ننوشه بالاقدام = جسرٍ على طي الفيافي عزومي اليالمسته عن مدا هقوتي زام = قام يتخطّف نابيات الحزومي كنه اليا حوّل مع النازية ســـــام = بخط الدفاع موجّهٍ للهجومي احكم تمثاله على نبير الا رقام = اعد فوقه ساريات النجومي يوم ان كلن في حضن صاحبه نام = وطاب الكرى مع زاهيات الهدومي نومي على صمدٍ مثل قطعت الخام = أغط وصحي من غياهيب نومي يما جهمنا بوّل الصبح مجهام = ويما سرينا ليل غدرا قحومي ويما شوتنا الشمس بالشارع صيام = بوجيهنا ننطح لهيب السمومي ويما دعانا أمر على غير ما يرام = بالصبر عدّى والذليل امخدومي من دون ستر وجيهنا نقدم إقدام = ندحر شياطين الكسل بالعزومي تسوقنا سود الليالي ولايام = حتى نذير الموت جاله رسومي العمر يطوى كل عامٍ بعد عام = يطويه مجهول النظام اللهومي والله خلق خلقٍ على كل الاقسام = معطى ومحدود العطى ومحرومي كم من وضيعٍ حطّه المال مقدام = لولى فلوسه ما سوى فص ثومي وكم من خبيثٍ يلمز الناس نمام = دايم لسانه بالأجاويد يومي وكم من رديٍّ ناقص العقل لواّم = كلن حصلّه من بلاويه لومي وكم من ضعيفٍ قدرته عض الإبهام = لا جاب علم ولا تحذاّ علومي وكم عاش بالدنيا غريقٍ بالاوهام = مغرور في نفسه سجين الوهومي وكم نوّ صيفٍ في هقاويك ما دام = معهم عليهم عشرته ما تدومي وكم عاشقٍ صابه على خله هيام = من حب ترفات الصبايا امهيومي وكم طيّبٍ ينقلك للطيب همام = شهمٍ لصعبات المراجل يهومي عزٍّ لربعه كلّهم عنده حشام = ومن حشّم الاجواد صار امحشومي وكم خيّرٍ من راتب الفقر منظام = ودّه يقوم ولا حصلّه يقومي وكم من فقيرٍ طاح حضه ولا قام = صار الفريسة للعفون الرخومي وكم من شباب شب في دين الاسلام = الله هداه لطيّبات السلومي جليسه القرآن تفسير وحكام = نعم الجليس اللي يبيد الهمومي وكم كاتبٍ بيّد صواريخ الاقلام = عليه من فن الكتابة وسومي وكم شاعرٍ وثّق حروفه بالاختام = درٍّ من الجوهر عليه الختومي وكم شاعرٍ بالواسطة وصل الاعلام = خلى بياض الشعر كله وشومي وكم من شجيعٍ للمناعير لطام = تاسم مخاليبه رفيع الخشومي ولا دام عرش العز للشيخ صدام = طشه زمانه من رفيع الرجومي أصبح ذليل يهددونه بالاعدام = ما كنه الليث الشجاع الجزومي في مامضى شيخٍ على كل الاقوام = وليوم صاروا حتى الاصحاب قومي يا الله يا للي للمخاليق قسام = تجعل نصيبي من خيار القسومي يا معطي أبنادم فضيلات الانعام = أنا دخيلك يالكريم الرحومي لا خير في عيشٍ بلا عز وكرام = يوم المعزّة ينشري بلف يومي الله من قلبٍ على هاجسه عام = بين المغاليق العرايا يعومي عن كل مغرورٍ رفع خشته شام = يحق له عن كل ناقص يشومي شم الهوا بأرضٍ بها شيح وثمام = غضٍ ورقها بالزماليق يومي وهضبة ربيعٍ فوقها الصيرمي حام = مفرود كحليّ الجناح الردومي وعشبٍ سحابه بالسماء يرزم ارزام = على رفاع الارض مثل الغيومي يجلا هواجيسٍ على قلبي احيام = رواسيٍ بقصى الظماير أجثومي الله على ربعٍ لهم بالشهر زام = اقطع بهم قفرٍ بعيد اليمومي ومالٍ يصخّر لي صعيبات الاحلام = يطلق سراحي لا سجنّي لزومي وجيبٍ جديد الصنع من مصنعه تام = عجلٍ مسيره للوعيرة غشومي ماني بمن يبني له الظل بلحام = يدور حوله بالقراش مخزومي إن ما سهجته بين كثبان وآكام = يحرم عليّه خوتي للقرومي اتبع هوا نفسٍ بها قيد والجام = تطلب محالٍ في وطنها معدومي شب الشباب وشاب وهجارها غلام = مبهم حديده بالرصاص مختومي صُم الحلق صنع الفرنجي ولا اروام = اسقوه عقب النار من دم رومي |
من يعد الليالي والليالي تعده = اشهد انه حزين القلب ماهو بسالي ياحياةٍ نسايرها بعزمٍ وشدة = طار فيها زمنها وعتلقها جفالي كم قويٍّ قوي العزم حيله تهده = لين تثنّيه تثنيت الجمل بالعقالي كل ماسار سيري مع رفيقٍ أوده = غاب عني وخلاني وحيدٍ لحالي ماطواه الزمن لايمكن انك ترده = كيف تقدر ترد اللي على القلب غالي ياجزيل المعاني مالك اليوم صدة = كان ماشفيت صدري منت جزل المقالي كل مالاح برقٍ بالغيوم المسِدّة = ارهش القلب يتبع مرهشات الخيالي ياسحابٍ نزل بالعيلم المجرهدّة = طاب وبله على قفرٍ من الناس خالي لاتخلي خويك والليالي تحده = ونت تدري ماهو عقبك سليم الحوالي مايحب النمايم والوجيه المصِدّة = ولايحب الحرام ورغبته بالحلالي منوته خوّة اللي ثوب الامجاد قده = صيرميٍّ على طول المناعير طالي العرب كل مسعورٍ معرّط ببدّه = والليالي غروب ومنزلٍ وارتحالي |
عند ما سمعت إن خالد نجا من القتل والمبلغ المطلوب تم لله الحمد والشكر أولا وأخرا هاضت القريحة في هذه الأبيات : لقد وقفت قبيلة حرب موقف بطولي يسجله التاريخ في حروفٍ من ذهب في عتق رقبة خالد مقابل ثلاثون مليون , ومنهم رجال تميزوا وصاروا ابطال هذا الموقف ومن ضمنهم صلاح الزبالي الذي قام في تسديد أخر المبلغ جزاه الله خير وعوضه عن ماله الجنة , لقد هاضت المشاعر وحضر الشعر ليتوّج هذا الموقف البطولي في هذه القصيدة :
كتبت في بيض الصحايف دموعي = بشعرٍ حضر لعتاق خالد تولم يوم اعلنوا تمت فلوس الطموعي = وخالد نجا وصبح به الشمل ملتم قام القلم بحروف حبره يزوعي = من مفرداتٍ بالمشاعر تداحم ياقاف سجل كل حرفٍ بطوعي = شعرٍ بجزلات المعاني تفلهم المبلغ اللي كان كثره يروعي = في قدرة الله ثم رجال الوفاء تم نعم القبيلة طيبين الجموعي = حرب الحرايب فارجت كربة الهم لبن الزبالي نوري ياشموعي = بالفزعة اللي في قرى المجد ترقم قولٍ بلا فعلٍ قليل السنوعي = وقولٍ على فعلٍ به الحق يختم ياحرب يارجال الوفاء ياربوعي = كل القبايل في وفاكم تكلم المعجزة يشهدبها كل نوعي = ينطق بها الابكم ويسمع بها الصم انتم كما غيثٍ كريم الرجوعي = ينثر على البيداء قراحٍ من اليم من غب سيله للبشاير طلوعي = نبته على صدور الفيافي امعمّم يرفع لكم في عاليات الفروعي = الموقف اللي طول الايام ماايذم يوم ان خالد بين حق وقطوعي = ومصقلٍ جرحه اليا بان مالتم خصمه عنيد ودون حقه جزوعي = حقه امصيب ويطلب الدم بالدم استسلم الحربي لهمٍ يلوعي = منه الضماير في حشاها تصرّم قصة حزن منها تذوب الضلوعي = تذوب منها مهجت الخال والعم ابوه حدر الجاثمات الركوعي = ومّه حشاها من افراقه تحطّم قاموا قبيلة حرب حبس الدروعي = مقام عزٍ غطرفت عقبه الأم وقفت شرف لها تصن السموعي = اتعلم اللي للوفاء ماتعلّم ياخالد بوع الأرض بالعيد بوعي = عيد بمان الواحد الحي الأرحم كنك بروس النايفات المنوعي = امشمرخاتٍ عن طمان الوطى شم |
هذه القصيدة مدح في قبيلة حرب على وقوفهم المشرف في انقاذ رقبة زكرياء سالم الحنيني من القتل مقابل ٣٥٠٠٠٠٠٠ مليون ريال فاتمت كلها ولله الحمد والشكر ، ولولى توفيق الله اولا ثم وقوف هذه القبيلة المباركة لم يتم ذلك المبلغ ، ولكن تكاتف الرجال ذلل الصعوبات ،. فاشكراً لكل من ساهم في هذه الدية من حرب وغيرهم :
ياحرب ياهل المواقف معتقين الرقاب يافزعة اللي يحد السيف. لرقابها يما دفعتم ملايينٍ بليا حساب ونفسٍ من الموت سلمت وانتم اسبابها ترفع لكم راية البيضاء بروس الهضاب بالقنة النايفة من نايف هضابها ياهل البطولات شب الطيب فيكم وشاب وانتم خزاين. شريفٍ شرّع ابوابها اليا حضرتم ثقيل الهم والاّ وغاب قبيلةٍ بالمواقف يحرم غيابها يما وقفتوا وقوف. مناطحت السحاب في قالةٍ فالجٍ بالحق طلابها طبتم ومن. طيبكم شعر المواجيب طاب يمدح رجال الكرم ويكرم اشنابها ميقافكم ينجي الضايق من. الاكتئاب يفتح. له اللي تعصّت وانقفل بابها قبيلةٍ لا بلتها المعجزة ماتهاب بالسيف والمال . والا سلّة حرابها تبقون ياحرب عن حر السمايم حجاب يذري ذراكم سهول الدار. واحجابها |
اهدي هذه القصيدة لقبيلة حرب حرابت الدول البارحة بالليل هاضت مشاعري واحيت بمكنون الضماير شعورها تذكرت في حرب العريقة قبيلتي رجال يكفي جايع القوم سورها رجالا لها الطولات بيض على النقاء اهل الشجاعة وافيات شبـــــــــورها نزلنا بهم نجد العذية وطاوعت من ضربنا عقبانها مع صقورها ليا نزلنا بديرة ذاع صيتنا وحرم احماها اللي منول يزورها حامينها بملحمات على القناء لا زاد في بعض القبايل غرورها يما وقفنا موقف يزعل العداء لا كبرت القالة وكثرت شرورها حنا قبيلة حرب صعب مراسنا لاطار عن بيض الحراير ستورها قبيلة يجبربها العظم لانكسر يرجح بميزان المناعير شورها اهل الثلاث اللي عرف قدرها الملا يصعب على بعض الرياجيل جورها حنا قبيلة حرب حرابة الدول يشهدلنا تراب الجزيرة وقورها لنا بمشارف شار مجد يسرنا يوم السعودية على اول ضهورها في جيش ابو تركي على العز والنقاء نقود نمرا مايعارض عبورها هزمنا جيش الترك من دون سيناء حتى وصلنا حد سينا وطورها حضورنا في ماقف العز والشرف يجلى عن الكبد المريضة حرورها بروضة مهنا والسبلة وغيرها مركاضنا يشبع كواسر طيورها انصار رسول الله في فتح مكة بثلاث الاف من مزينة صقورها تجري بهم صم الحوافر وتنثني تنطح مراهيف الاسنه نحورها ولنا بحرب مسيلمه وافي الثنى يوم اليمامة عارض الحق زورها لنا بتلك اليوم جيش عرمرم حنا مقاديم السرايا اسبورها وبعد قهرنا الكفر بالحق واشرقت شمس الايمان وزين الارض نورها قمنا نحث السير عجل مسيرنا ترمي بنا جرد الفيافي وعورها لبلاد فارس مالنا شف. غيرها حتى عطتنا جيوش كسرى ظهورها ملكنا نفايس ملكهم يوم عزهم نقسم غنايمها ونسكن قصورها ولنا بحرب الروم دور موكد يوم السرايا معطيتنا صدورها بحومانة اليرموك مع جيش خالد فيها جموع الروم نحفر قبورها تم الكلام وختم القول قايله وسجلت من التاريخ بلغت سطورها هذا وخصص مابقي من قصيدتي لتاريخنا الحاضر وحرب ودورها حنا قبيلة حرب في حومة الوغى مثل الرواسي ماتحرك صخورها ثلثين جيش المملكة من رجالنا نحمي حماها برها مع بحورها يوم الخليج احاط بحدوده الفتن حنا من اللي شاركوا في دحورها ويوم اليمن تقاسموا داره العداء اشبعنا من لحم الروافض انسورها بقيادة سلمان المسمى مليكنا خادم بيوت الله رافع امورها هذا وقبيلة حرب بالشام شاركت وصلت لقواد المعارك انذورها ويما بطولات عجزنا نعدها مثل الاهلة في مقادم شهورها حاضر بحاضر مانفاخر بغيرنا امجادنا ماياصل اللاش سورها انصار دين الله والحق والشرف اسود غاب مايناطح كسورها من يوم كنا بالعروبة وطبعنا نحب العوالي مانواطن حدورها ابيوتنا تشدى مراعيف حرة سود تنادي للطراقي نجورها نزلنا بمثنات الوسيعة وسلمت لرماحنا صدر الوسيعة وكورها تبقين يادار البطولات دارنا من الكويت ليا مشاريف غورها سقاها من الوسمي ثلاثين ليلة حتى كسى عشب العثامير قورها صبحتها والصبح باول طلوعه تعزف تغاريد الوناسة طيورها من فوق مبروم الزوايا اليا عترض كنه فتاة الحي باول غرورها بوصاف ليلى يوم ليلى على الهوى رمت قتيل العشق باهداب حورها يشهد على ماقلت مجنون ليلى يهيم بليلى لين ولت انشورها قيس الملوح واعذب الشعر والوفى قصة من الالماس تكتب اسطورها |
اكتب سلامي وأرســـله للــمراوين هذه القصيدة أول مشاركة لي أشارك فيها في منتدى المراوين وهي عبارة عن هدية مني لقبيلتي المراوين بمناسبة افتتاح المنتدى اكتب سلامي وأرسـله للــمراوين = أهل الكرم والجود وأهل الشجاعه ربع على كسب النواميس ضارين = رجال ألوفا اللي معرفتهم اطـماعه نفخربهم بين الرجــال المــسـمــين = إليا من كـلٍ طــال شـــبره وباعه بمواقفٍ يشهـدبها الحق ويـبـيـن= صبحٍ جلى سبع الرواسي شعاعه ياجاهل أنشد عن منيع الـمراوين = يـنـبـيـك مـطروقٍ قـديــم الاذاعه بيتٍ وصـلنا من فـتاة الجداعـين= شـيّد عـلى تاج المـروّة اشـراعه جونا لمنيــع الحـرب قلنا امعيـّين = دونه عـوى ذيـبٍ تـعاوت اســباعـه ارواحـنا يـوم إرتهاج الموازين = من دون سـتر أوجـيهـنا للوداعـه هـذا قـليـلٍ مـن كـثـيـرٍ ملايـيـن = ديـوان تاريخٍ ثمـين الـبضـاعه وأشكر اجهود المخلصـين الوفييـن = اللـي مجالـسهـم تلم الجماعه وأثني جزيل الشكر تسعة وتسعين= لـهـويـدي رمـز المعرفة والـبراعه شعر \ نافع مطر المرواني |
الا ياسلا مي كان يـنـفـعـنـي السـلا م = على اللـي كـما بـدر الـدجـا لاكـمـل نـوره
لـحـضـنـي بـحـورٍ لاخـرزهن تـقـول اسهام = عـلى القلب الاقشر وجه المـوت من حـوره تـبـسم بـغـرٍ كـلبـرد ماعـليـهـا الثــام = كما نظم عـقد الماس في حلق مطيــوره ونا ما عـلـي اخـلاف دا م الـهـــوا قـدام = ابـسـوج رجـلٍ في هـوا القلب مجبــوره ابسوجـها باالمملكه واليـمـن والشـام = وبـحـذف عـجـز البـيـت مـن خــوف محـذوره الايانديـبـي فوق من يـرفـع المقـام = يـجـاوب تـقـاسـيـم الوتـر صـوت ما طـوره حـديـث المـديـل اليـاعـترض كـنه الغمــام = عـلى ثـقـب الابـره وزنـة البـلف مصخـوره ادنّـيـه لاضـاقـت عـلـيّــه وفـكـري هام = ابـجلى صـدا نفسٍ من الوقت مكسوره ابسري عليـه بلـيل والشامـتـين ا نيام = قـبل ما يـشـق الصـبـح وايـوص عصفـوره هوا البـال دارٍ مابـها حاسـد و نــمام = نـضـيـف الفـلاة ا للي من الـمـزن مـمطـوره أبتبع هوى نفــسي لو ان الهوى ما دام = يغلب النهار الليل ويمرّح طيـــــــــــــوره نــــا فــــــع مطر المرواني |
مجاراة لقصيدة مالك ابن الريب
سلامي على الابداع مني تحيةً = على كل من سطر جميل القوافيا لقد قلت يابن الريب عصمى ثمينةً = لها رونقٌ من زاهي الشعر صافيا ذكرت القصيم ورمل الاسياح والغضى = وبئر السمينة والعروق العواليا قراحٌ غزير الجم بالنقع حددت = عليها من سافي خبة النقع ذاريا دعاك الهوى والشوق وافراق نسوةٌ = عليها غداة البين لجلك بواكيا وسجل لك التاريخ والشعر دُرّ ةً = ترانيمها تجري دموع النواعيا رماك القدر من نجد برضٍ بعيدةٍ = على مهجرٍ بقصى خُراسان نائيا تمنيت غيثً. يسقي أودٍ وأهلها = ووادٍ عليه الرقمتين مواريا وتلك المواقع بعد علمك تغيٌرت = فاصارت لعشاق الطبيعة مفاليا حصانك وسيفك في لقى الحرب عطلت = ولا عاد تنفع بالحروب الدواهيا قد استبدلوا بالسيف والخيل والقنا = سلاحٍ يقض مزخرفات المبانيا إذا برمجت من عالي الجو حولت = يحدد خطرها بالاصابيع راميا صناعة يهوديٍّ على الحرب طوّرت = خبيث النوايا والدينه. زوانيا ولا عاد مثل أول للاسلام دولةٌ = تقود. السرايا للحريب المعاديا مثل ماذكرت بجيش عثمان حالكم = تجوس الفيافي با أول الجيش غازيا كثير العرب قد بدل الله حالهم = من العز ذلٍ للعروبة. هوانيا رضوا بالرباء والكاس والعيب والكسل = وشقرٌ على ابواب المحافل. عواريا فألبسهم رب الملا. ثوب ذلةً = وجوعٌ بعد. عزٍ من العيش هانيا فلا باقي الا قلةٌ خير أمةٌ = من الناس للتوحيد عزاً هواديا فداهم رديٍّ بالمواجيب ناقصٍ = من المال شبعانٍ ومن الطيب عاريا اثيمٌ على الاسلام نفسه خبيثةً = عن الدين واهل الدين ليس براضيا حريصٌ لجمع المال من كل ديرةً = تحت نعمة الاسلام بايع. وشاريا بخيلٍ طغى من. كل. وجهٍ يلمها = قريبٍ من النكران. للدين ناسيا إذا ولّعت. للحرب ناراً. وريّةً = تركها وعلّق بأهل الكفر. ناجيا أليس مثل هذا. الردي يستحقها = إذا. حصّنت من جيشها بالحواميا فا لله در الامن. والجيش والحرس = على الارض والا الجو والا الموانيا عليهم نعلّق بعد. الاإله نصرنا = يعم الرخاء كل. الوطن. والامانيا و لا تستجير الدار في غير اهلها = ولو حقهم منها. قليل. النواليا إذا. ولّعت واهل الملايين حوٌلوا = على سويسرى كدح السنين الخواليا ثنى دونها كل ابلجٍ من قبيلة = لها في تاريخ العُرْب شمٍ عواليا قليل المواشي أنقض الدين ظهرهُ = تقافا زمانه بالاجارات باقيا وكم من وضيعٍ بالرخى شال. مالها = فلما تردّت طار للغرب جاليا فالو كنت من حكامها مايطبها = بعد ماتركها للسباع الضواريا وماهذه الايام الا. دقائقاٌ = وتبقى على. جوٍّ من الناس خاليا مُقيمٌ مأقامت على الارض وعلةً = تحت جندلٍ مادامت العيط ثاويا فاجاهدجموح النفس عن شهواتها = على كل. خلقٍ بالمواجيب عاليا ويامن ملكت الارض واغليت سوقها = ترى الارض ارض الله لالك. ولا ليا وعما قليلً تترك. الدار وأهلها = وتبقى رُفاتً بين. الاجداث باليا كسرتم ظهور الناس في ثقل دينكم = فاكم من فقيرٍ شال مالا. يشاليا عليكم من الاإله ما تستحقهُ = نفوس الحيارى والعيون الروانيا ولولاي اغض الطرف عن كلمة الردي = وقعت بجدالٍ مع اهل الشر طاليا إذا سبني تبعٍ من الناس ناقصً = تركته لقدر مشوربين. الرجاليا فاهذا وباقي لي حروفٍ تركتها = ولكن . قافي عن هوايه. عصانيا نافع مطر المرواني |
يا حروف الشعر بالخط السماوي
يا حروف الشعر بالخط السماوي = ارحمن قلبٍ هواجيسه تلوفه لوف غصنٍ من لهيب الشمس ذاوي = باوّل الكنّة يعاني من احفوفه يا وجودي يوم حيلتنا المناوي = زاهيٍ به من بديع الصنع نوفه كنه اللي له ثمان أيام طاوي = أشهب ما طب حلو الزاد جوفه مثل حرٍ بالسماء للأرض هاوي = أشقر موت الحباري من كفوفه لا رجس بين الضلوع الذيب عاوي = والضمير الحي هاجوسه يحوفه قلت شيلوا عزبتي تراي ناوي = مهملٍ قفرٍ ولو دونه كلوفه ثم سرّيته وثلث الليل ضاوي = حالفٍ قبل الضحى محدٍ يطوفه عارفٍ ساعة صباحه بالحراوي = اخضرٍ غضٍّ مزاهيرٍ قطوفه وخويايه من بعيدين الهقاوي = يستحقون الثناء عقب النكوفة من رجال العز صلفين العزاوي = والنفوس خفاف بالطيب امعسوفة ياحلو ريح النفل والعشب راوي = من سحابٍ لاح برقه في اقنوفه الهواية سيّرت رجل المهاوي = لا ومرها القلب سارت في حروفه انصح اللي للتعب والسير قاوي = لا يفوته مرتعٍ تطرب صنوفه منزلٍ قفرٍ بعيد الدار داوي = من طراة العمر ريفٍ من ريوفه شعر \ نافع مطر المرواني وهذي مجارات الأخ العزيز الشاعر الكبير , عبدالله الفريدي لقصيدتي السابقة بسم الله الرحمن الرحيم تحية طيبة وبعد هذه مجاراة لقصيدة اخي نافع الحربي والموجودة في ملتقى حرب ياهجوس الشعر بالقلب الشقاوي = نبضه الاحساس وهمومه رشوفـه من سنة تسعين والهاجوس كـاوي = خافـق" مـاذاق بالدنيـا مروفـه ياوجودي وجد من جـذ الرجـاوي = له ثـلاث ايـام بديـار المخوفـه تاهت اقدامه عـن اليمـه خـلاوي = بالظما والقيـظ واسبـاع" تحوفـه وانكفى يبحـث نبـات" بالمطـاوي = مايفارق مبسـط الرجليـن شوفـه منوتي مـاورّده مصنـع عـراوي = دولته فيهـا عـن اليابـان نوفـه رجّت اليابـان بسـلاح النـواوي = لين بن جابـان مايقـوى وقوفـه من مصانع جمس والصانع رهاوي = كمّلـه مافيـه للشـراي حـوفـه مايبـي ياغيـر بنزيـن" نقـاوي = ماتوقف بالـورش تـازن بلوفـه لالمست ابنص سلطـان الجـلاوي = يجذب المـوال بالحـان امعزوفـه وان مشيت اعصير والخط امتساوي = ماتشوف من الطريـق الاّ كتوفـه وان تسنـد ماتحـداه الـنـزاوي = مايهمـه لانـفـود ولا جـروفـه وان تحدّر من رفاع الـى مهـاوي = كنه الطيّه مـن الطـيّ امحذوفـه ماعليـه الا الدريـول والمخـاوي = والميانـه طايحـة مابـه كلوفـه بينهـم ياماحـلا زج الـحـداوي = باللحون اللـي تنسيـك الكسوفـه مع خثال ولا مشوا خـد" سنـاوي = مع نبات الوسم وان كثرت صنوفه غيرها ماني على الدنيـا شفـاوي = ماصفت قبلي لمن جمّـع اولوفـه الشاعر : عبدالله عبد الرحمن الفريدي |
الساعة الآن 08:28 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir