دلــه وفــنجالها خـــولان = مــع شبت النـــار مرباعي
تصميمها شركة الشعلان = والنجر صوته بالأسماعي

ياما ضحكنا وقلنا افراح = والهم مانعرف ادروبه
والقلب كاتم على الاجراح = ولابين الهم وشعوبه

ظــنيت فيــك الوفا ياحيف = وخيــبت الآمــال في عيني
بردك شتاته لهيب الصيف = حسره معك ضاعت سنيني

صمتك وصمت المكان احساس = يــامبـــادل الغــيم باحساسك
لا تــظن لحـــظه يــــدور اليــاس = في راس من يعشق انفاسك

حطمتها صـــورة الأعجاب = والحلم تـــوه في قلبي حي
ورحلت وانا اجهل الأسباب = وشلون ترضى سواتك في

ودعتــني بــالسنين العوج = وخليتها بالعيون اسرى
ولاكنت اصدق يهزك موج = وتـروح بـايع ولاتشرى

تستانس العين للاشراق = وتناظر الشمس لاطلت
وتـعلم بـأن الحياه افراق = تشرق وتـغرب ولاظلت

يـا قـوقـل البـحث ما وفى = تبــحث وتبــحث ولاتـلقاه
مدري مع الحزن قدغفى = ولا سعـــاده فـــرح دنــياه
وانــا زمـاني مـعي صفى = والقلب عيت تقوم اعضاه
والصـبرمن ديــرته جفى = مــعاد بــاقي عنـى يـرضاه

الله وأكبـــرسحر بـــالعيـــن = وفي طلــتك يـــعدم الناظر
لكن بالاحساس أشوفك زين = ومن داخلك تكسر الخاطر

رايــق مــزاجي انــا رايق = ومهـما تــحاول معي بدري
ولاتظن من هرجتك ضايق = صدر السما يشبهه صدري