( خيزران الحضّ )
( غيبتك تجرح )
غيبتك تجرح مثل طعن السّيوف=للمحب اللي غدا عنّك بعيد ارسلي لي شوق قلبك في حروف=وهيّضي قلبي على نظم القصيد وتعرفين الشّوق في قلب اللهوف= لاقريتي خطّ شوقه فالبريد جارح الملتاع بُعدك ياهنوف= ابتعادك جمر في صدره وقيد لايزيد البُعد تعقيد الضّروف=لاهِب النّيران يصهر للحديد خابرك يازين في حالي تروف=ديدنك فالحُبّ حقّق ماتريد ياجميل الطّبع منته بمخفوف= ميزتك ثقلك ولخصومك تكيد من عرفتك وانت تنعت بالخشوف= يارشيق الجسم وزنك مايزيد خيزران الحضّ جسمك ياعطوف=مشيتك فتنه ونظراتك تصيد وملمسك ناعم ونقشك للكفوف=زاد فيك الزّين يالذّوق الفريد والذّهب فذنك مزيّن للوصوف=والقلاده ماتليق بكُلّ جيد ومبسمك فاتن ولا نبغى حلوف=كالثّمر فاللي لها طلعٌ نضيد يعذلوني فيك جلّابة حسوف= كيف اطاوعهم وانا فيكي عنيد كيدي العذّال عودي يالظّروف=خلّي الافراح ترجع من جديد واحذري فالحُبّ لايحصل عزوف=واعلمي بنّه عذابه لي شديد والفراق آشد من طعن السّيوف= للمحب اللي غدا حُبّه بعيد الشّاعر/ خالد بن عبيد بن معتوق الأحمدي |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لسانك ويسلم فكرك
|
صح الله لسانك ولاهنت وسلم فكرك وبنانك دمت برعاية الله وحفظة |
الحُبّ الباقي
صح بدنك والله يـعـطـيـك الـعـافيـــــــــــة وبيّض الله وجهك |
صح لسانك مليون على القصيده
والله يـعـطـيـك الـعـافيـــــــــــة بيض الله وجهك |
الساعة الآن 02:35 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir