ياذيب لي كلمة عليها براهين ، قصيدة
 

السلام عليكم ورحمة الله وبركاته

ياذيب لي كلمة عليها براهيـن
ارخ الأذان ويمــي العيـن لـدا

أثقل وهونهاعلى النفس تهوين
طويـق ثابـت والعجاجـة تعـدا

خلك على مبداك فالعسر واللين
ولا تجاري فعـول الردي و تـردا

مالك بها كثر المشاريه ذلحيـن
وقـت الثعالـب بالذيـابـه تغـدا

ياماوياما ناس طاحو من العين
سـراب ما لأقصاه بالقيض حدا

بسقوطهم ماكانو الناس داريـن
ووجودهـم مازاد الأرقـام عـدا

من راح خله لا تقلـه على ويـن
جعلــه مهــف مـايعقبـه مــردا

يامبرك الحـزة غيابـه عن العين
من بعد ما قلبه بالأمراض صدا

ومن صد ماتعرف لصده عناوين
خبـل مثـل ماجِيـب يمـك يـودا

اللـي يبيك يجيك لوهـم بعيدين
حتى ولو من بينكـم حال سـدا

مايجحـد الوافي حقوق الوفيين
ولا يختفـي طيـب ليا فـاح نـدا

أترك مسافة كافيه بينك وبيـن
بعض البشـر يكفي سلامـه يردا

أترك مسافة كافيه بينك وبيـن
بعض البشـر يكفي سلامـه يردا


صدقت صدقت
اي والله صدقت
حتى لو مايرد السلام يكون ابرك


وان اشعر بيــت انــت قائله
بيت يقال اذا انشدته صدقا

صح لسانك ملايين على جزالة وصدق القصيدة
احترامي

صح بدنك ووجهك أبيض
الله يعافيك
تحياتي

صح بدنك
الله يعطيك العافيه
تحياتي

صح السانك اخي البيرق على القصيده الجزله

صح بدنك
الله يعافيك
تحاتي

صح بنك
الله يعطيك العافيه
تحياتي