ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مـلـتـقـى حـمـلـة عـوض الـحـويـفـي وخـالـد الـعـلـوي (http://www.m-harb.net/vb/forumdisplay.php?f=62)
-   -   سالم العرم ... ينخى قبيلة حرب واهل الخير من القبائل الاخرى في اعتاق رقبة عوض (http://www.m-harb.net/vb/showthread.php?t=144617)

سالم العرم 20-12-12 03:11 AM

سالم العرم ... ينخى قبيلة حرب واهل الخير من القبائل الاخرى في اعتاق رقبة عوض
 
اقامت اليوم الاربعاء 6/2/1434هـ الحوامضة من حرب في القاعة الملكيه في عقلة الصقور حملة لاعتاق عوض الحويفي الحربي وقد لقيت من فضل الله عز وجل وقفه مشرفه من الجميع نسئل الله للجميع الاجر والمثوبه .
وقد شاركت بهذه القصيدة ارجوا ان تنال استحسان الجميع .

قصيدة سالم العرم ينتخي فيها قبيلة حرب واهل الخير من جميع القبائل على دفع الديه لاعتاق رقبة عوض الحويفي الحربي



الخير يا اهل الخير فاتح بابه
امرآ من الله وضحه بكتابه

ورسولنا محمد عليه موصي
صلوا عليه وسلموا واصحابه

يا حظ من يحيي بقدرت ربه
نفسآ عليها الموت ساق ركابه

كأنه احيا الناس واحد واحد
يامعتق الطلاب من طلابه

إلحق ما دامك تقدر ومتعافي
قدم القبر فوقك يحط ترابه

العمر فرصه والليالي تجري
وما فات من عمر الرجل ما جابه

والفرصه اليا وقعت قدامك
حول وطير بها تراها نهابه

لا تقول انا هالحين ماني فاضي
إلا لجمع المال وسط عيابه

الموت توه ماني مستعجل
كنك تعرف الغيب ويش غيابه

ما خذت عبره من هذاك الفاني
اللي جمع ماله وراح وسابه

ولعب به اللي ما تعب في جمعه
يمر بيت الله ولا صلى به

لا هو بمتصدق ولا هو معطي
ولا بانيآ مسجد ولا زكى به

والله ما فكر ياغير بنفسه
ماهمه الميت وما وصى به

والميت اللي عاش الامر الواقع
لو عاد غير انه يصف حسابه

عرف وش الي ينفعه ويضره
لكن بعد الموت ما قفى به

هاذي حقايق والحقايق تذكر
يذكر الرجال فيها احبابه

واليوم ياربعي عصابة راسي
الموقف الغصاب نادى اصحابه

موقف جمع ما بين دين ورفقه
عوض ينادينا وحنا اولى به

وامل تقول ابوي لا تنسونه
ما تنام عيني لين اشاهد بابه

قلت ابشري والنور يطلع بكره
ابوك ذيب ومنتخي بذيابه

حنا قبيلة حرب حنا حنا
دون الخوي تشهد لنا الحرابه

كيف الرفيق اللي علينا واجب
ناقف معه ونشاركه بمصابه

البيت واحد والعزاوي وحده
والبيت ما ياقف بدون اطنابه

تاريخنا بالماضيات يشرف
لا كشر اليوم الصعيب بنابه

والحاضر ان راد الله احسن واحسن
ترفع له الوسطى مع السبابه

وكل القبايل ما عليها قاصر
من نقص حقوق الرجال زلابه

واليا انتخى طيب برجلآ طيب
يلقى جزاء طيبه نهار حسابه

وانا انتخي بالدين ويا الرفقه
من كل من جاء مكه وجاء طابه

تكفون أمل لا يضيع املها فيكم
انتم لها يا اهل الشريعه لابه

ماجلان 20-12-12 03:16 AM

الله يفك اسره ويبيض وجهك ياسالم

تكفيني الذكرى 20-12-12 06:14 AM

الله يفك اسره
سلمت.

تكفيني الذكرى 20-12-12 06:14 AM

الله يفك اسره
سلمت.

وليف الشوق 20-12-12 08:11 AM

الله يفك اسره ويسر امره

صح السانك وبيض الله وجهك

سالم العرم 20-12-12 11:58 AM

تسلمون على مروركم
لا خلا ولا عدم

ابوهليل 20-12-12 12:35 PM

الله يكتب له عمر جديد
وانت ياسالم قصدت فاجدت صح لسانك وبيض الله وجهك

الحب الباقي 20-12-12 04:28 PM


صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صقرالعيثمه 20-12-12 10:50 PM

ليس غريبه على شاعر حرب فهذا موقفهم

يعطيك العافيه على النقله

محمدالخضراني 21-12-12 01:34 AM

الله يفك اسره

صح لسانك ياالعرم وبيض الله وجهك



الساعة الآن 06:36 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi