عندي ثمان ابيات ضمن الجدايـد=تفضلـو يالـي للشعـار تقـرون
يا هل الكـلام منقديـن القصايـد=يا ليتكم عن بعض الا ارياتجوزون
تحـت السقيفـه كبـرو للوسايـد=وليا اذن المذن عساكـم تقومـون
دام البطون اشباع ولامـن سايـد=لعلكـم للـي عطاكـم تحمـدون
وتراء شروط النشر عند الجرايـد=والله يعز اللـي عليهـا يحصـون
وكان الهدف تفريق شمل البدايـد=يمكن ان كم للي تبونه تصيـدون
و انا ماقول اني عن الناس زايـد=من يدعي بزود لنقـص مرهـون

يالشاعر اللي جبت زيـن الفرايـد=لا شك واعي واغلب الناس مجنون
يا مجفّل الغزلان عن كـل صايـد=حنا قنصنا يوم بالرمـي يخطـون
انتـه زعيـم وقايـد ٍ كـل قايـد=ملسون ومسلّط على كل مسلـون
نعرف بطولاتـك بوقـت الشدايـد=هذا كلام ٍ صدق بالحيل مضمـون
يشهد لك الميدان واهـل القصايـد=واهل التجارب دوم شرواك يثنـون
واهل الشروط ان كان فيها فوايـد=ملزوم نعذّرهم ومثلـك يعـذرون
وان كان ما فيهـا مجـرد زوايـد=لا والله إلا غصب بالحال يرضـون
يرضون منهـو للصعيبـات رايـد=هذا الصحيح وقولوا اللي تقولـون

لاتغيب ياناصر على غياب عايد=مروا علينا كـان انتـم تدلـون
راع العوايـد ماتـرك للعوايـد=اهل الخطا عن الخطاء ما يتوبون
وحنا ابشركـم شرينـا وسايـد=نرقد وجاهلنا مع اللـي يلجـون
ومادامهـا لجـة بليـا فـوايـد=ماهمنا هرج الذي هم يهرجـون
وقول بلا نيشـان حسبةزوايـد=نوب هل الحكمة تراهم يصومون
حيو حكيم بـان وقـت الشدايـد=وهذي نتايجها لمن هم يشوفـون

ياهل الفرايـد والعلـوم الجدايـد=بالله عليكـم بالخطـا لاتمـادون
مـن فضلكـم ياطيبيـن العقاايـد=ياهل الحظوظ اللي عليها تـدرون
ترا النصيحه من كبـار الفوايـد=للرجالنا اللي عليهـا يحرصـون
ياتاج راسـي يالرجـال العوايـد=ان كان توحون النصيحه وتصغون
ترا العلوم اللـي تجيـب النقايـد=انتم ورا عن دربهـا ماتشومـون
والصمت حكمه والتـزام المحايـد=وان صفق المسكيـن لاتستخفـون
مافيـه يـومٍ ماتجـدد جـدايـد=والمهزله في زود والمجد في دون
وكثر الكلام وكثر ناقص وزايـد=مثل الربا حكمه نتيجه ومضمـون
والطيب ياعشاقـة الطيـب كايـد=والا الردا هين وراعيـه ممهـون
وهـل النمايـم خاربيـن العقايـد=لمجادكم ياهل الفخـر لايهدمـون