راشد السحيمي & سفر الدغيلبي 1
هذا الطاروق الاول بين راشد وسفر الدغيلبي في حفلة حروب الكلية الامنيه
بتاريخ 25/6/1430 راشـــــــــــــــــــــــــــــــــــــــد :
هلا يامرحبا عند الحروب وحرب تاج الرأس=ولا يهضم حقوق الناس لا أبويه ولا جدي أنا ياصحابي الشعار تحكمني سلوم الناس=سلوم الناس هي اللي توقفني على حدي ســــــفــــــــــر :
يدوم الك البقاء ياللي حمية الموقف الحساس=على ورث الجدود وخابرك ماأنته بمتعدي أعرف انك قوي الباس وأعرف اني قوي الباس=غرابيل الليال التاليه مابيحت سدي راشـــــــــــــــــــــــــــــــــــــــد :
ليامنا رجعنا للحدود اهرج بدون قياس=اطالع لك رضا وانته ولد ماانته على قدي سفر يبغى يسبب شوط بين الكهرباء والماس=ماعنده غير كلمة كيف حالك وانت متعدي سفـــــــــــــــــر
ياراشد طال عمرك هد نفسك وابعد الوسواس=ليا منك تبعت اهل الردا سموك متردي مع الروح الرياضية بسيطة لو خذينا الكاس=ولكن انصحك خلك بصفي لاتقف ضدي راشـــــــــــــــــــــــــــــــــــــــد :
لو إن الارض تظهر لك خزاينها ذهب ونحاس=تقول انك فقير دوب متعشي ومتغدي تحسب انك نجحت بعذرك الي مثل ابونواس=سفيرك ياسفر بطل ماعاد يجيب ويودي سفـــــــــــــــــر
وش اسوي معك بالصحبه اللي وضعها منحاس=ليا زعلك مزحي كيف لواجيك من جدي ترى دلتك لاتجلي هموم ولاتطير نعاس=واذا بهرتها بالهيل لابدك ولابدي راشـــــــــــــــــــــــــــــــــــــــد :
ترى صحبتك هذي كلها حبرٍ على قرطاس=لكن شغلك بسيط اقصر لك البنزين وتهدي ببهرها لكن انته حرقت البن والمحماس=عسى الله يستر ان المجلس المعمور ينهدي سفـــــــــــــــــر
انا ماني عميل لمصرف تاليتة الافلاس=على ازمات النظام العالمي ماهو بمتصدي ترى عود البخور يطيبك ويطيب الجلاس=وحتى لو بعضهم ماشكر عودي ولاندي راشـــــــــــــــــــــــــــــــــــــــد :
يتلك عرقك الطيب يردك عرقك الدساس=تخيلتك بحر وأنا اسبحك بالجزر والمدي على رغبتك طف النار ولازيدها مقياس=تراني ياوسيع المعرفة ودي ولاودي سفـــــــــــــــــر:
حفيرك بان والي بالقدور يجيبه الملاس=موارد حرب واجد لا تزاحمني على عدي اشوفك يالسحيمي نقطة في داخل الاقواس =ياراشد لوتحداني فانا ماني بمتحدي راشـــــــــــــــــــــــــــــــــــــــد :
ترى هداج ماحطوا على طرافها حراس=قلوب الناس يدخلها الحسد والغش وتصدي
|
الله يـعـطـيـك الـعـافيـــــــــــة بيض الله وجهك |
[table1="width:95%;"] | [/table1]اخي حمود الغيداني شكرااا ويعطيك ربي العافيه دمت بخير |
بيض الله وجهك عز الله انك واااااااااااااااااااافي
http://www.youtube.com/watch?v=4my4M...layer_embedded للجوال صوتيه http://www.4shared.com/file/11434094...22/____-a.html |
مشكورين على المرور
يالدويله كان ماتعبتني نزلتها بدري هههههههههه الله يبيض وجهك يالقرم |
الساعة الآن 12:20 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir