اعزائي رواد هذا الصرح الشامخ
مساجله بيني وبين الشاعر نايف ين سلمان

ياراكبٍ من فوق ضـد المسافـات=جيـبٍ فريـدٍ بالوكـالات لونـه
مقرشه راعيـه لوقـت المهمـات=لاجاه مـن ينخـاه زادت جنونـه
يمشي بمرسولي لراع الطويـلات=غازي وغيره يقصرالعلـم دونـه
ويعطيه خطٍ ما انكتب فيـه زلات=من واحدٍ بالطيـب ثبّـت ركونـه
ينشد عن اللي بيّنت قبل ساعـات=وضحاً ترزم شافها فـي عيونـه
غفلٍ و فيها بان بعض الاشـارات=عنها الفحل جافل وتضرس اسنونه
عطني خبرها يازبـون الونيـات=يوم الجماعة وسمهـا يجحدونـه
من شان أحط بساحة العز رايـات=تصحّي اللـي وضعنـا يجهلونـه
وأبيّن المضمـون وأبعـد رديـات=قامت تلوح ومقصـدي يفهمونـه
أهل العلوم اللي بها شفت ميـلات=جسر الرفاقـة ودهـم يهدمونـه
ماني مطاولهـم وليّـه مسـارات=تخالف اللي بفكرهـم يرسمونـه
بكرة وماشي وخاتامتهـا تحيـات=للـي نصـاه الجيـب ويقدرونـه

وجهت يانايف بيوت (ن)جديدات= وهدافه(ن) من كل عينه نمونه
وصل(ن) بعبر العولمه والجهازات=طاروقه(ن) ماجا الخلل في وزونه
متضمنات (ن) فيه عدت عبارات=لاكن عليه(ن) من أيلاهي معونه
تنشد عن البكره وترمي بلأصوات=والصوت مردوده يبيله مرونه
اللي نصانا بالحمول الثقيلات=من ضن فينا مانخيب ضنونه
لو دون مطلوبه صباح الشريفات=المال ينفذ والعمار محتونه
وانا على دعواك عندي خيارات=ان كان ليه من تواليك مونه
تغلق قفول السالفه عن خذ وهات=كف الّغا رفقه وستر ومصونه
قطع الّغا مايندرى الحق ليات=وجهة نضر والطيب انته زبونه
ماودنا ندخل بوضع المتاهات=ويصير وضع(ن) مايحلل منونه
ياربعنا ياهل الوفا والجمالات=مامنكم اللي فيه عرق(ن) يخونه
انما تجاوزنا جميع الهفاوات=وكل(ن) يقابل عسر وقته بهونه
ماسار مركبنا على نهج مافات=الراس دايم عزته من متونه
والرجل يدمح لأبن عمه أليا جات=مايصير تبيّحة جميع مخزونه
زود(ن) على ان الغفل تحتاج لثبات=وقت المواجه كل(ن) ابخص بشؤنه
والخلف مايفسد عليه العلاقات=ومناقشات(ن) ماعتلقها خشونه
مابا المنازع خير بين القرابات= للجمع عزه وتفرق مهونه

غازي الزغيبي

الاخ الشاعر العملاق غازي الزغيبي

بيض الله وجهك وصح الله لسانك ولسان الشاعر نايف بن سلمان

والله يعطيكم العافيه


ابداع رائع لله دركم

تقبلوا تحياتي وتقديري

ودمتم بالف خير