البحر واسع ':':':':':':':':':':':':':':':':':':':':':':':':': '
 

قصيد بعنوان : البحر واسع


بقلم / فواز بن محسن الزويهري الحربي
.
〰〰〰〰〰〰〰

البحر واسع ما يضَيَّق جنابه
كثر السمك رغم اختلاف الطبايع

تونه وحوت وقرش وكل الغرابه
والمقتوي يبقى بكل البدايع

هذا مثل مضروب محصي حسابه
مثل الذهب نقده ولا هو بضايع

ما دام فيه رجال تعرف جوابه
ولا لي شغل في فهم خبلان صايع

اللي يريد الما ويتبع سرابه
وليا ارشدوه الناس ما هو بطايع

مثله يروّح زاد .... نمر وذيابه
وليا سلم تلقاه مزوي وجايع

والناس فيها أحرار وأسباع غابه
ما يمرق الهداف فيها صدايع

تارد على مورد عذيبٍ شرابه
مثل الفرات العذب له ذكر ذايع

منطوقها بلغه و فصلٍ خطابه
والفعل فوق سهيل بالعز شايع

والظفر يدرى في طريقه ثيابه
ومنهو مشى درب المراغة فكتايع

ومطروق ريس الدرب وكل درابه
والملتوي دربه كثير الفجايع

إن كان شفت اللي طريقه عجابه
وكب الطريق الصح لا شك لايع

لا تتبعه حذراك وتحمل زهابه
وتصير سلعه بين شاري و بايع

وإن شفت ذيب القوم عجل ذهابه
وفيّه حقه خل عنك اللكايع

الذيب ذيب إن كان هونت نابه
يعدي عليك ولا يعرف الودايع

لا تامن إلا لود عم وقرابة
والأجنبي من نسل قوم ومنايع

إليا وفيت اوفوا بطيب وذرابه
وليا خطيت تقوم كل الفضايع

وللناس سلم إن كان تحفط كتابه
تسلم من الشرهات وكثر النزايع

〰〰〰〰〰〰〰〰

صح لسانك

كلماتك غايه في الروعه

أحييك على هذه القصيدة المتميزه

دمت ودام شعرك وبوحك

صح لسانك وسلم بنانك